२ शमूएल 12:4 - नेवाः बाइबल

⁴ छन्‍हु छम्‍ह परदेशी व तःमिम्‍ह मनूया छेँय् वल, अले व तःमिम्‍ह मनूयात पाहांयात थें थःगु सा द्वहं व फैच्‍वलय्‌या बथांनं छुं बीगु मतिइ मतल। तर व चीमिम्‍ह मनूया चिधिंकःम्‍ह फैचा कयाः पाहांया निंतिं भ्‍वय् ज्‍वरय् यात।”

२ शमूएल 12:4 ပူးပေါင်းရင်းမြစ်များ

२ शमूएल 12:3

तर चीमिम्‍ह मनूया चिधिंकःम्‍ह फैचा बाहेक छुं नं मदु। वं थःम्‍हं हे वयात नकेत्‍वंके यानाः थःगु हे छेँ थः काय्‌म्‍ह्याय्‌पिं नापं तुं ब्‍वलंकल। वं वयागु हे भुइ नइगु अले वयागु हे ख्‍वल्‍चाय् त्‍वनीगु अले वयागु हे मुलय् द्यनिगु। वं वयात थःम्‍ह्याय्‌यात थें याइगु खः।

२ शमूएल 12:5

दाऊद व मनू खनाः तसकं तंम्‍वल, अले वं नातानयात धाल, “धात्‍थें परमप्रभु म्‍वाःम्‍ह खः थें, थुकथं ज्‍या याःम्‍ह मनू मृत्‍युया योग्‍य जू!

याकूब 1:14

तर मनूयागु दुनुगलंनिसें हे मभिंगु बिचाः बुया वइ, अले मभिंगु ज्‍या याये मास्‍ति वयाः जाँचय् लाइ।

न्‍यायकर्ता 19:17

वं थय्‌क च्‍वय्‌पाखे स्‍वःबलय् शहरया चुकय् फ्‍यतुनाच्‍वंम्‍ह व यात्रीयात खन। व बुराम्‍ह मनुखं न्‍यन, “छ गन वनेत्‍यनागु? छ गनं वयागु?”