२ शमूएल 12:31 - नेवाः बाइबल

³¹ वं शहरयापिं मनूतय्‌त पिने पितहल अले इमित कःति, नया कू व पा ज्‍वंकाः ज्‍या याकल। अले अप्‍पा दय्‌कीगु ज्‍या याकल। दाऊदं अम्‍मोनीतय् फुक्‍क शहरय् थथे हे यात। अनंलि दाऊद व वया सकल मनूत यरूशलेमय् लिहां वल।

२ शमूएल 12:31 ပူးပေါင်းရင်းမြစ်များ

२ शमूएल 8:2

दाऊदं मोआबीतय्‌त नं बुकल, अले इमित बँय् द्यंकेबिल। अले इमित छपु खिपतं नापय् यात। स्‍यायेत खिपतं निक्‍वः नापय् यात, मस्‍यासे म्‍वाकातयेत खिपतं स्‍वक्‍वः नापय् यात। थुकथं मोआबीत वयागु अधीनय् च्‍वनाः कर पुलिपिं जुल।

१ इतिहास 20:2

दाऊदं इमि जुजुया छेनं लुँयागु श्रीपेच काल। उकियागु तौल स्‍विन्‍यागू किलोग्राम दु, उकी रत्‍नत थुनातःगु दु। दाऊदं व श्रीपेच कयाः थःगु छेनय् पुल। हानं वं शहरं यक्‍व हे सामान त्‍याकाहल।

१ इतिहास 20:3

वं शहरयापिं मनूतय्‌त पिने पितहल अले इमित कःति, नँया कु व पा ज्‍वंकाः ज्‍या याकल। दाऊदं अम्‍मोनीतय् फुक्‍क शहरय् थथे हे यात। अनंलि व व वया सकल मनूत यरूशलेमय् लिहां वल।

यर्मिया 43:9

“छं ततःग्‍वःगु ल्‍वहं ल्‍हातय् का, अले यहूदाया मनूतय्‌सं स्‍वयाच्‍वंबलय् हे तहपनेसय् दुगु मिश्रयाम्‍ह जुजु फारोया दरबारया लुखाय् अप्‍पा छिनातःगु लँया क्‍वसं ध्‍याचलय् उपिं ल्‍वहंत थुनाछ्व!

आमोस 1:13

परमप्रभुं थथे धयादी – “अम्‍मोनया मनूतय्‌सं तःक्‍व हे पापयात, जिं इमित सजाँय मब्‍यूसे त्‍वःते मखु! इमिसं थःगु सिमाना अप्‍वः दय्‌केत गिलादया प्‍वाथय् दुपिं मिसातय्‌गु प्‍वाः तरवारं फायाबिल,

आमोस 1:14

जिं रब्‍बाया पखालय् मि तयाः छ्वय्‌काबी, उकिं वया किल्‍लात भज्‍यंक नाश याइ। व लडाइँया दिनय् तसकं हल्‍ला जुइ, अले तसकं तःच्‍वगु वाफय् वःगु दिनय् थें लडाइँ जुइ।

आमोस 1:3

परमप्रभुं थथे धयादीगु दु, “दमस्‍कसया मनूतय्‌सं तःक्‍व हे पापयात, जिं इमित सजाँय मब्‍यूसे त्‍वःते हे मखु। छाय्‌धाःसा नँयागु वा दुगु ज्‍याभलं अन्‍न दाथें हे इमिसं गिलादया मनूतय्‌त तसकं बांमलाःगु व्‍यवहार यात।

हिब्रू 11:37

अले गुलिसितं ल्‍वहँतं कय्‌काः स्‍यात, गुलिसितं निकू जुइक कःतिं फायाबिल, गुलिसितं तरवारं पालाः स्‍यात। अले गुलि मनूतय्‌सं ला फै व दुगुयागु छेंगूयागु वसः दय्‌काः पुनाजुल। अले चीमि जुयाः, दुःखकष्‍ट सियाः, क्‍वत्‍यय्‌काः जुइ माल।

यहोशू 10:15

अनंलि यहोशूनापं फुक्‍क इस्राएलीत गिलगालया छाउनीइ लिहां वल।