२ शमूएल 12:17 - नेवाः बाइबल

¹⁷ छेँय् दुपिं हाकिमतय्‌सं वयात थनेगु कुतः यात तर वं म्‍हाः धाल, अले इपिं नापं छुं नयेगु मन नं मयात।

२ शमूएल 12:17 ပူးပေါင်းရင်းမြစ်များ

२ शमूएल 3:35

दाऊदं न्‍हिच्‍छि हे छुं मन। अले मनूतय्‌सं दाऊदयात छुं भपियादिसँ धकाः धायेत वल, तर दाऊदं पाफयाः थथे धाल, “सूर्य बिनावने न्‍ह्यः छुं नयेगु नसा थिल धाःसा परमेश्‍वरं जितः कडा सजाँय बियादीमा।”

१ शमूएल 28:23

तर शाऊलं नसा नयेत मानय् मजुल। अले वया मनूतय्‌सं नं व मिसाया खँयात कयाः शाऊलयात नसा नयेत बिन्‍ति यात। अनंलि व मानय् जुल अले बँय् नं दनाः खाताय् फ्‍यतूवन।

उत्‍पत्ति 24:2

अब्राहामं थः दक्‍वसिबय् पुलांम्‍ह व छेँय् फुक्‍क ज्‍या स्‍वइम्‍ह च्‍यःयात सःताः धाल –

२ शमूएल 12:18

न्‍हय्‌न्‍हु दुखुन्‍हु मचा सित। दाऊदया च्‍यःतय्‌सं वयात मचा सीगु खँ कने ग्‍यात। इमिसं धाल, “मचा मसीनिबलय् जिमिसं वयात धयाः अय्‌नं वं जिमिगु खँ हे मन्‍यं। आः झीसं वय्‌कःयात गुकथं मचा सीगु खँ धायेगु? वय्‌कलं थःत छुं हानि यानादी ला?”

भजनसंग्रहया सफू 102:4

जिगु नुगः घाँय् थें सुकूगनावंगु दु, जितः नये मास्‍ति मवः।

दानिएल 6:18

अले जुजु थःगु लाय्‌कुलिइ लिहां वल। उखुन्‍हु चान्‍हय् वं छुं मनः, छुं नं न्‍ह्याइपुगु ज्‍या मयाः अले वयात न्‍ह्यः नं मवः।

उत्‍पत्ति 37:35

वया फुक्‍क काय् म्‍ह्याय्‌पिन्‍सं वयाः वयात ह्यय्‌केत स्‍वत, व मानय् मजू। वं धाल, “जि थः काय्‌या दुःखं च्‍वँच्‍वं हे जिमि काय्‌या थासय् वने।” थुकथं वं थः काय्‌या लागि तसकं नुगः मछिंकल।