२ शमूएल 12:13 - नेवाः बाइबल

¹³ अनंलि दाऊदं नातानयात धाल, “जिं परमप्रभुया विरोधय् पाप यानागु दु।” नातानं लिसः बिल, “परमप्रभुं छिगु पाप यंकादीगु दु अथे जुयाः छि सी मखु।

२ शमूएल 12:13 ပူးပေါင်းရင်းမြစ်များ

उत्‍पत्ति 39:9

थ्‍व छेँय् जि स्‍वयाः च्‍वय् सुं मदु। वय्‌कलं छि छम्‍ह बाहेक जितः फुक्‍क बियादीगु दु। छाय्‌धाःसा छि वय्‌कःया कलाः खः। उकिं जिं गथे यानाः थज्‍याःगु मभिंगु ज्‍या यानाः परमेश्‍वरया विरोधय् पाप याये फइ?”

२ शमूएल 24:10

मनूत ल्‍याः खाये सिधःबलय् दाऊदया मनं खँ ल्‍हात, अले वं परमप्रभुयात धाल, “जिं थथे यानाः तःधंगु पाप यानागु दु। हे परमप्रभु, आः जितः क्षमा यानादिसँ धकाः बिन्‍ति याये। जिं मूर्ख ज्‍या यानागु दु।”

२ शमूएल 24:17

अले दाऊदं मनूतय्‌त स्‍यानाच्‍वंम्‍ह स्‍वर्गदूतयात खन अले वं परमप्रभुयात धाल, “पाप यानाम्‍ह जि खः। द्वंकाःगु जिं खः। थुपिं फैत थें छुं मस्‍यूपिन्‍सं छु याःगु दु धकाः? हे परमप्रभु जिमि परमेश्‍वर, जि व जिमि परिवारयात सजाँय बियादिसँ। अय्‌नं थ्‍व विपत्ति छिकपिनि मनूतय्‌के मलायेमा।”

१ राजा 13:4

परमेश्‍वरया मनुखं बेथेलय् च्‍वंगु वेदीया विरोधय् धाःगु खँ न्‍यनाः यारोबाम जुजुं वेदीं वयात थःगु ल्‍हातं क्‍यनाः धाल, “वयात ज्‍वँ!” उघ्रिमय् हे जुजुया ल्‍हाः सुकूचिन। वं थःगु ल्‍हाः क्‍वकाये मफुत।

१ राजा 21:20

एलियायात खनाः आहाबं धाल, “अय् जिम्‍ह शत्रु, छं जितः नाप हे लाकल!” एलियां लिसः बिल, “खः, जिं नापलाके धुन। परमप्रभुयात मयःगु मभिंगु ज्‍या यायेत छिं थःत मियादी धुंकूगु दु।

१ राजा 22:8

इस्राएलयाम्‍ह जुजुं यहोशापातयात धाल, “परमप्रभुयाके न्‍यनेत मेम्‍ह छम्‍ह मनू ला दु, तर व जितः तसकं मयः, छाय्‌धाःसा वं जिगु बारे भिंगु अगमवाणी ल्‍हाइ मखु। वं मभिंगु खँ जक धाइगु। व यिम्‍लाया काय् मीकाया खः।” यहोशापातं लिसः बिल, “जुजुं थथे धाये मज्‍यू।”

२ राजा 1:9

अले जुजुं सेनाया छम्‍ह कप्‍तानयात वया नेय्‌म्‍ह मनूतनापं वयाथाय् छ्वल। उबलय् एलिया पहाडया च्‍वकाय् च्‍वनाच्‍वंगु खः। कप्‍तानं एलियायात धाल, “अय् परमेश्‍वरया मनू, जुजुं थथे धयादी, ‘याकनं क्‍वय् क्‍वहां वा।’ ”

१ इतिहास 21:8

अले दाऊदं परमेश्‍वरयात धाल, “जिं थथे यानाः तःधंगु पाप यानागु दु। आः जितः क्षमा यानादिसँ धकाः बिन्‍ति याये। जिं मूर्ख ज्‍या यानागु दु।”

२ इतिहास 16:10

थ्‍व खं यानाः आसा उम्‍ह अगमवक्ता खनाः तंचाल, तम्‍वय् आसां वयात झ्‍यालखानाय् कुनाबिल। उबलय्‌निसें वं छुं मनूतय्‌त तसकं क्‍वतेलेगु याना हल।

२ इतिहास 25:16

वं थथे धयाच्‍वंबलय् हे अमस्‍याहं वयात धाल, “गुबलय्‌निसें जिमिसं छन्‍त जुजुयात सल्‍लाह बीम्‍ह दय्‌कागु? सुम्‍क च्‍वँ, मखुसा जिमिसं छन्‍त स्‍याके बी।” अगमवक्ता थुलि धयाः सुम्‍क च्‍वन, “परमेश्‍वरं छितः नाश यायेगु पक्‍का बिचाः यानादिल धयागु खँ जिं सिल। छाय्‌धाःसा छिं थ्‍व फुक्‍क यानादिल अले जिगु सल्‍लाहयात वास्‍ता याना मदिल।”

अय्‍यूब 33:27

अले वं मनूतय्‌थाय् वयाः थथे धाइ, ‘जिं पाप यानागु दु, जिं खःगु खँयात स्‍यंकागु दु, तर परमेश्‍वरं जितः दयेमाःगु सजाँय बियामदी।

भजनसंग्रहया सफू 103:12

पच्‍छिमं पुर्ब गुलि तापाः उलि हे तापाक वय्‌कलं झीगु पाप झीपाखें चीकाछ्वयादी।

भजनसंग्रहया सफू 51:16

बलि छाःगुलिइ छि लय्‌तायादी मखु, होमबलिइ नं छि लय्‌तायादी मखु।

भजनसंग्रहया सफू 51:4

हे परमेश्‍वर, छिं मभिं धकाः धयादीगु ज्‍या हे जिं यानागु दु, जिं छिगु विरोधय् जक पाप यानागु दु, उकिं छिं जिगु न्‍याय यानादीगु पाय्‌छि जू अले जितः दोषी ठहरय् यानादीगु पाय्‌छि ताय्‌के।

भजनसंग्रहया सफू 51:6

छितः बूसांनिसें भिं मनू जूगु यः। उकिं जितः छिगु बुद्धि बियादिसँ।

प्रस्‍थान 9:27

अले फारोनं मोशा व हारूनयात सःताः धाल, “थ्‍वपालय् जिं पाप यानागु दु, परमप्रभु धर्मीम्‍ह खः, जि व जिमि मनूत धाःसा अधर्मी खः।

हितोपदेश 25:12

सःस्‍यूम्‍ह मनुखं ब्‍वःब्‍यूगु नं न्‍यनीगु न्‍हाय्‌पंया निंतिं लुँयागु तिसा स्‍वयाः मू वं।

हितोपदेश 28:13

थःगु पापया पश्‍चाताप मयात कि छ गुबलें थाहां वये फइ मखु। छं थःगु पापया पश्‍चाताप यानाः त्‍वःतल धाःसा परमेश्‍वरयागु दया माया छन्‍त दइ।

यशैया 38:17

धात्‍थें हे जिगु उन्‍नतिया निंतिं जिं थथे सास्‍ती नये माल। छिं जितः माया यानाः सीगालय् वनेगुपाखें बचय् यानादिल। छिं जिगु फुक्‍क पाप क्षमा यानादिल।

यशैया 43:24

छं जिगु निंतिं छुं नं नस्‍वाःगु धुपाँय् न्‍यानाहःगु मदु, छं जितः लुधंकेत छुं नं बलिया दाः हःगु मदु। उकिया पलेसा छं जितः छंगु पापया कु क्‍वबिकूगु दु, अले जितः थःगु अधर्मया ज्‍यां त्‍यानुचाय्‌कूगु दु।

यशैया 44:22

जिं छंगु अपराधत सुपाँय् थें अले छंगु पाप सुथय्‌या खसु थें चीकाछ्वयागु दु। जिथाय् लिहां वा, छाय्‌धाःसा जिं छन्‍त उद्धार यानागु दु।”

विलाप 3:32

वय्‌कलं दुःख हयादिसां थःगु माया क्‍यनादी, वय्‌कःया सदां दइगु दयामाया तसकं तःधं।

लेवी 20:10

“‘सुनानं थः जःलाखःलाया कलाःनापं लसपस यात धाःसा मिसा व मिजं निम्‍हय्‌सितं स्‍यायेमाः।

लेवी 24:17

“‘सुनानं सुयातं स्‍यात धाःसा वयात नं स्‍याना हे छ्वयेमाः।

जकरिया 3:4

थःगु न्‍ह्यःने दनाच्‍वंपिन्‍त दूतं धाल, “वया फोहरगु वसः त्‍वःकि।” अले वं यहोशूयात धाल, “स्‍व, जिं छंगु पाप चीकाछ्वयागु दु, अले जिं छन्‍त मू वंगु वसः फीकाबी।”

मत्ती 14:10

अले वं सिपाइँत छ्वयाः झ्‍यालखानाय् यूहन्‍नायागु छ्यं धेंके बिल।

लूका 15:21

अले वं अबुम्‍हय्‌सित धाल – ‘बाः, जिं परमेश्‍वरयागु विरोधय् व छिगु विरोधय् पाप याये लात। आः ला जितः छिकपिनि काय् धकाः धाये हे मल्‍वय् धुंकल।’

लूका 18:13

“कर काइम्‍ह मनुखं धाःसा तापाकं हे दनाः स्‍वर्गय् तकं थस्‍वये मफयाः नुगः मछिंकाः थथे धाल – ‘परमेश्‍वर, जि पापीयात दया यानादिसँ।’”

प्रेरित 2:37

थ्‍व खँ न्‍यंपिनिगु नुगलय् थ्‍यंक दुहां वन। अले इमिसं पत्रुस व मेपिं प्रेरिततय्‌त थथे धाल – “दाजुकिजापिं, अय्‌सा जिमिसं छु यायेगु लय्?”

हिब्रू 9:26

थथे झाःझाः पतिं झायेमाःगु जूसा ला ख्रीष्‍टं संसारयागु सृष्‍टि जूसांनिसें तःकः मछि दुःख सी मालिगु खः। तर वय्‌कः संसारयागु अन्‍त जुइ त्‍यय्‌काः आः सदांयात छकलं झायाः मनूतय्‌गु पाप हुया छ्वयेत थः हे बलिदान जुयादिल।

१ यूहन्‍ना 1:7

वय्‌कः जः जू थें, झीपिं नं जलय् च्‍वनाच्‍वन धाःसा छम्‍ह मेम्‍हनापं संगतिइ जुइ, अले परमेश्‍वरया काय्‌यागु हिं झीगु दक्‍व पापपाखें शुद्ध यानादी।

प्रकाश 1:5

अथे हे तुं साक्षी बियादीगु विश्‍वास याये बहःम्‍ह, सिनाः दकलय् न्‍हापां म्‍वानावःम्‍ह, अले संसारय् च्‍वंपिं जुजुतय् जुजु येशू ख्रीष्‍टपाखें नं छिमित दया माया व शान्‍ति दयेमा। झीत माया यानादीम्‍ह नं वय्‌कः हे जूगुलिं थःगु हिं झीत झीगु पापं छुतय् यानादीम्‍ह नं वय्‌कः हे खः।

१ शमूएल 15:20

शाऊलं शमूएलयात लिसः बिल, “तर जिं ला परमप्रभुया आज्ञा पालन यानागु दु। परमप्रभुं धयादीगु थासय् जि वनागु दु अले अमालेकीतय् जुजु अगागयात ज्‍वनाः हयागु दु। तर इपिं मध्‍ये ल्‍यंदुपिन्‍त धाःसा भज्‍यंक नाश यानाबियागु दु।

१ शमूएल 15:30

शाऊलं धाल, “जिं पाप यानागु दु। अथे जूसां दया यानाः जि प्रजाया थकालित व इस्राएलया न्‍ह्यःने छकः जकसां जिगु इज्‍जत तयादिसँ। जिनापं झासँ अले जिं परमप्रभु छिकपिनि परमेश्‍वरया न्‍ह्यःने आराधना याये।”