२ शमूएल 12:10 - नेवाः बाइबल

¹⁰ छं जितः क्‍वह्यंकूगुलिं व हित्ती उरियाहया कलाःयात छं थः कलाः यायेत यंकूगुलिं छिमि परिवारं गुबलय् नं तरवारपाखें आराम कायेखनि मखु।’”

२ शमूएल 12:10 ပူးပေါင်းရင်းမြစ်များ

उत्‍पत्ति 20:3

छन्‍हु चान्‍हय् म्‍हगसय् वयाः परमेश्‍वरं अबीमेलेकयात धयादिल, “छ आः याकनं सी, छाय्‌धाःसा छं हःम्‍ह मिसा ब्‍याहा जुइ धुंकूम्‍ह खः।”

२ शमूएल 18:33

अनंलि जुजु तसकं दुःख मन ताय्‌काः मू ध्‍वाखाया च्‍वय्‌यागु कोथाय् वनाः ख्‍वः वन, अले जुजु थथे धाधां ख्‍वख्‍वं वन, “जिम्‍ह पुताः! जिमि काय् अब्‍शालोम, जिकाय् अब्‍शालोम! छंगु पलेसा जि सीगु जूसा ज्‍यूगु नि! अय् अब्‍शालोम, जिकाय्, जिकाय्!”

१ राजा 15:5

दाऊदं परमप्रभुयात यःगु खःगु ज्‍या याःगु खः। वं हित्ती उरियाहया खँय् बाहेक मेमेगु फुक्‍क खँय् जिवंकाछि परमप्रभुया आज्ञा मानय् याःगु खः। उकिं परमप्रभुं थथे यानादीगु खः।

हितोपदेश 17:13

भिंगुया पलेसा मभिंगु याइम्‍हय्‌सिया छेँनं मभिं धयागु गुबलें चिलावनी मखु।

आमोस 7:9

“इसहाकया ततःजाःगु पुजा याइगु थाय् भज्‍यंक नाश जुइ, अले इस्राएलया पवित्रथाय् भज्‍यंक स्‍यनी। जिं तरवार ज्‍वनाः यारोबामया घरानायात हमला याये।”

गन्‍ती 11:20

अले छिमिगु न्‍हासं पिहां मवतले व छिपिं वाक्‍क मजुतले लच्‍छि यंकं नइ। छाय्‌धाःसा छिमिसं थःपिनि दथुइ दुम्‍ह परमप्रभुयात त्‍वःताः वय्‌कःया न्‍ह्यःने “जिपिं मिश्र त्‍वःताः मवःसां ज्‍यूगु” धकाः ख्‍वयाजुल।’”

मत्ती 26:52

वय्‌कलं वयात धयादिल – “तरवार दापय् स्‍वथँ। तरवार ज्‍वनाजुइम्‍ह तरवारं हे सी।

मत्ती 6:24

“सुनानं निम्‍ह मालिकयागु सेवा याये फइ मखु, छाय्‌धाःसा वं छम्‍ह मालिकयात अप्‍वः यय्‌कूसा, मेम्‍ह मालिकयात यय्‌की मखु। वं छम्‍हय्‌सिनं धाःथें याःसा मेम्‍हय्‌सिनं धाःगु खँ न्‍यनी मखु। अथे हे छिमिसं परमेश्‍वर व धन निगूयां सेवा याये फइ मखु।

रोमी 2:4

परमेश्‍वरया दया मायां छिमिसं पश्‍चाताप याकी धकाः थुइके मफया, छु छिमिसं वय्‌कःया दया, सह यायेगु शक्ति व पिया च्‍वनादी फुम्‍हय्‌सित हे हेपय् याये ज्‍यू ला?

१ थेसलोनिकी 4:8

उकिं सुनां थ्‍व खँ न्‍यनी मखु वं मनूयागु मखु, बरु छिमित पवित्र आत्‍मा बियादीम्‍ह परमेश्‍वरयागु हे खँ मन्‍यंगु जुइ।

१ शमूएल 2:30

“अथे जुयाः इस्राएलया परमप्रभु परमेश्‍वरं धयादी, ‘छिमि पुर्खां व छिमि परिवारं न्‍ह्याबलें जिगु न्‍ह्यःने सेवा यायेमा धकाः धयागु खः। तर परमप्रभुं थथे धयादी, थथे जुइ हे मज्‍यूगु खः। जितः हनाबना याइपिन्‍त जिं हनाबना याये अले जितः हेला याइपिन्‍त जिं नं हेला याये।