२ शमूएल 11:8 - नेवाः बाइबल

⁸ अनंलि दाऊदं उरियाहयात धाल, “छं छेँ वनाः थःगु तुति सिलाछ्व।” व दरबारं पिहां वंबलय् जुजुं वयात कोसेलि बियाछ्‌त।

२ शमूएल 11:8 ပူးပေါင်းရင်းမြစ်များ

उत्‍पत्ति 18:4

जिं लः हये, छिकपिनि तुति सिलादिसँ। अले सिमा क्‍वय् झासु लनादिसँ।

उत्‍पत्ति 19:2

“दया यानाः छिकपिनि दासया छेँय् झासँ। अन हे तुति सिलादिसँ। अले चा च्‍वनादिसँ। अले कन्‍हय् सुथय् दनाः झासँ।” इमिसं वयात धाल, “मखु, थौं चच्‍छि जिपिं सतलय् हे च्‍वने।”

उत्‍पत्ति 43:24

व मनुखं इमित योसेफया छेँय् यंकल। अले तुति सिलेत इमित लः बिल। इमिगु गधातय्‌त नसा नं बिल।

उत्‍पत्ति 43:34

इमिगु ब्‍व योसेफयागु हे टेबिलं लिकया यंकूगु खः। बेन्‍यामीनयागु ब्‍व इमिगु स्‍वयाः न्‍यादुगं अप्‍वः तब्‍व। थुकथं इमिसं योसेफलिसे लय्‌तातां नयेत्‍वने यात।

भजनसंग्रहया सफू 12:2

सकसिनं थःथवय् मखुगु खँ ल्‍हानाजुइगु, म्‍हुतु जक पिचुकाः थवंथवय् झंगः लानाजुइगु।

भजनसंग्रहया सफू 44:21

परमेश्‍वरं थ्‍व खँ सि हे सी। छाय्‌धाःसा वय्‌कलं फुक्‍कसिगु नुगलय् दुने च्‍वंगु खँ स्‍यू।

भजनसंग्रहया सफू 55:21

वयागु सः घ्‍यः थें पिचुसे च्‍वं, नुगः धाःसा ल्‍वापुं जाः वयागु खँ घ्‍यः थें नाइसे च्‍वं, तरवार स्‍वयाः ज्‍वः।

यशैया 29:15

धिक्‍कार छिमित! सुनां थःगु योजना परमप्रभुपाखें सुपीकीगु कुतः याइ, सुनां थःगु ज्‍या खिउँगु थासय् याइ अले मतिइ तइ, “सुनां जिमित खनी धकाः? सुनां सिइका कायेफइ?”

लूका 12:2

त्‍वपुयातःगु खने दइतिनि। सुचुकातःगु सी दइतिनि।

लूका 7:44

अले वय्‌कलं मिसायात क्‍यनाः सिमोनयात धयादिल – “छं थ्‍व मिसायात म्‍हस्‍यू ला? जि छंगु छेँय् वयाबलय् तुति सिलेत लः तक नं मब्‍यू। वं ख्‍वबि हाय्‌काः जिगु पालि सिलाः थःगु सं हुयाबिल।

हिब्रू 4:13

परमेश्‍वरं मखंगु छुं हे मदु। सृष्‍टियागु फुक्‍क खँ वय्‌कलं खं। थ्‍व हे परमेश्‍वरयात झीसं थथःगु ल्‍याःचाः बीमाः।