२ शमूएल 11:27 - नेवाः बाइबल

²⁷ दुखं च्‍वनीगु ई पूवने धुंकाः दाऊदं मनूत छ्वयाः बतशेबायात थःगु छेँय् हल। अनंलि व दाऊदया कलाः जुल, वं छम्‍ह काय् बुइकल। तर दाऊदं छु याःगु खः व खनाः परमप्रभु लय्‌मताः।

२ शमूएल 11:27 ပူးပေါင်းရင်းမြစ်များ

उत्‍पत्ति 38:10

वयागु थ्‍व ज्‍या परमप्रभुया मिखाय् मभिंगु जुल। उकिं वय्‌कलं वयात नं स्‍यानादिल।

२ शमूएल 12:9

तर छं परमप्रभुया मिखाय् छु मभिं व हे यात। छाय् परमप्रभुया वचनयात क्‍वह्यंकूगु? छं हित्ती उरियाहयात तरवारं स्‍याकल। अले छं वया कलाःयात थःम्‍ह कलाः यायेत यंकल। छं उम्‍ह मनूयात अम्‍मोनीतय्‌गु तरवारं स्‍याकेबिल।

२ शमूएल 15:26

वय्‌कः जि खनाः लय्‌मताः धइगु खःसा, स्‍वयादिसँ, जि थन हे दु। अले वय्‌कलं थःत छु भिं ताय्‌कादी व हे जितः यानादीमा।”

१ राजा 21:16

नाबोत सीगु खँ न्‍यनाः आहाब थत्‍थें दाखक्‍यब कब्‍जा याः वन।

१ राजा 21:20

एलियायात खनाः आहाबं धाल, “अय् जिम्‍ह शत्रु, छं जितः नाप हे लाकल!” एलियां लिसः बिल, “खः, जिं नापलाके धुन। परमप्रभुयात मयःगु मभिंगु ज्‍या यायेत छिं थःत मियादी धुंकूगु दु।

१ इतिहास 21:7

परमेश्‍वरयाःगु मिखाय् नं दाऊदं मभिंगु ज्‍या याःगु दु, उकिं परमेश्‍वरं इस्राएलयात सजाँय बियादिल।

भजनसंग्रहया सफू 5:6

मखुगु खँ ल्‍हानाजुइपिन्‍त छिं नाश यानादी। मनू स्‍यानाजुइपिं व झंगःलानाजुइपिं परमप्रभुयात तसकं मयः।

हितोपदेश 6:29

कर्पिनि कलाःलिसे द्यनेगु धयागु नं थथे हे खः। वयात थ्‍यूम्‍ह न्‍ह्याम्‍हय्‌सित नं सजाँय मजुइ हे मखु।

यशैया 29:15

धिक्‍कार छिमित! सुनां थःगु योजना परमप्रभुपाखें सुपीकीगु कुतः याइ, सुनां थःगु ज्‍या खिउँगु थासय् याइ अले मतिइ तइ, “सुनां जिमित खनी धकाः? सुनां सिइका कायेफइ?”

विलाप 3:36

सुं मनूयात अन्‍याय यायेगु खँयात परमप्रभुं स्‍वयामदी ला?

मत्ती 1:6

यिशैया काय् जुजु दाऊद खः। जुजु दाऊदया काय् सोलोमन खः। सोलोमनया मां न्‍हापा उरियाहया कलाः खः।

व्‍यवस्‍था 22:29

व मिजंनं व मिसाया बौयात वहःयागु नेय्‌गू शेकेल वहः बीमाः। व मिजंनं व मिसामचायात जबरजस्‍ती याःगुलिं वयात थः कलाः दय्‌केमाः। अले वं म्‍वातले त्‍वःते दइ मखु।

हिब्रू 13:4

ब्‍याहायात सकसिनं तःधंकेमाः। निम्‍हतिपूया दथुइ थःथवय् विश्‍वास दयेमाः, छाय्‌धाःसा व्‍यभिचार याइपिन्‍त व ब्‍याहा याये धुंकाः नं मेपिं नाप जुयाः स्‍यनिपिन्‍त परमेश्‍वरं न्‍याय यानादी।