२ शमूएल 11:21 - नेवाः बाइबल

²¹ यरूबबेसेतया काय् अबीमेलेकयात सुनां स्‍याःगु खः? इमिसं वयात छम्‍ह मिसां ल्‍वहंघः पखालं क्‍वफानाहयाः स्‍याःगु मखु ला? अले व तेबेसय् सीगु मखु ला? छिपिं पःखाःया थुलिमछि लिक्‍क छाय् वनागु?’ थथे धकाः न्‍यन धाःसा वय्‌कःयात थथे धा, ‘छसपोलया दास हित्ती उरियाह नं सित।’”

२ शमूएल 11:21 ပူးပေါင်းရင်းမြစ်များ

२ शमूएल 11:17

शहरया मनूत छक्‍वलं वयाः योआब नापं लडाइँ यात अले दाऊदया छुं सिपाइँतय्‌त स्‍यानाबिल नापं हित्ती उरियाहयात नं स्‍यात।

२ शमूएल 11:20

जुजु तंम्‍वयाः ‘लडाइँ याःवनाबलय् छिपिं छाय् लिक्‍क वनागु? पःखालं वाणं कय्‌काहइ धकाः छिमिसं सीमाःगु खः।

२ शमूएल 11:22

व खबर यंकूम्‍ह मनू वन अले व दाऊदयाथाय् थ्‍यंबलय् योआबं धयाहःथें वयात फुक्‍क खबर बिल।

२ शमूएल 3:27

अबनेर हेबोनय् लिहां वःबलय् योआबं वलिसें सुं मदुथाय् खँ ल्‍हायेगु त्‍वह चिनाः मू ध्‍वाखाया लिक्‍क यंकल। अले वं थःकिजा असाहेल स्‍याःगुया बदला कायेत अबनेरयात चुपिं प्‍वाथय् सुयाः स्‍यानाबिल।

२ शमूएल 3:34

छंगु ल्‍हाः चिनातःगु मदु, छंगु तुति नं चिनातःगु मदु। छ ला दुष्‍टतय्‌गु ल्‍हातय् लाःम्‍ह थें हे क्‍वदल।” अले मनूत वयागु निंतिं हाकनं हे ख्‍वल।

भजनसंग्रहया सफू 39:8

जिगु पापपाखें जितः बचय् यानादिसँ। मूर्खतय्‌सं जितः हिस्‍याये मफयेमा।

यशैया 14:10

इपिं फुक्‍कसिनं छन्‍त लिसः बियाः थथे धाइ, “छ नं जिपिं थें बमलाये धुंकल। छ नं जिपिं थें हे जुइ धुंकल।”

न्‍यायकर्ता 6:32

अथे जुयाः उखुन्‍हुनिसें इमिसं गिदोनया नां “यरूब-बाल” धकाः धाल। थुकिया अर्थ, “बालं थःगु रक्षा थःम्‍हं हे यायेमा”, इमिसं धाल, “छाय्‌धाःसा गिदोनं थुनाब्‍यूगु वेदी बालयागु हे खः।”

न्‍यायकर्ता 7:1

छन्‍हु यरूब-बाल अर्थात गिदोन व व नापं दुपिं मनूतय्‌सं सुथ न्‍हापां दनाः हरोदया बुँगाःचा तक वनाः अन हे छाउनी तल। मिद्यानीतय्‌गु छाउनी धाःसा इमिगु उत्तरपाखे मोरेया डाँडायागु क्‍वय् बेसीइ दुगु जुयाच्‍वन।