२ शमूएल 11:2 - नेवाः बाइबल

² छन्‍हु बहनी दाऊद खातां दना वनाः दरबारया कःसि चाःहिला च्‍वंबलय् छम्‍ह तसकं हिसि दुम्‍ह मिसा म्‍वःल्‍हुया च्‍वंगु खन। व तसकं बांलाःम्‍ह खः।

२ शमूएल 11:2 ပူးပေါင်းရင်းမြစ်များ

उत्‍पत्ति 12:11

मिश्र देशय् थ्‍यनिथें च्‍वंकाः वं थः कलाः साराईयात धाल, “छ तसकं बांलाः।

उत्‍पत्ति 3:6

मिसां व सिमाय् च्‍वंगु फल नये हे साइख्‍वाः वःगु व ल्‍वःवनापुसे च्‍वंगु खन। अले हाकनं ज्ञां दय्‌केगु लोभ नं मनय् वःगुलिं वं सिमाय् च्‍वंगु फल खानाः नल। अले थः भाःतयात नं बिल। वया भाःतं नं व फल नल।

उत्‍पत्ति 34:2

व थाय्‌या जुजु हिव्‍वी हमोरया काय् शकेमं वयात खन। अले वं वयात ज्‍वनायनाः स्‍यंकाबिल।

उत्‍पत्ति 39:6

उकिं वं फुक्‍कं योसेफया जिम्‍माय् त्‍वःताबिल। थःम्‍हं नयेगु त्‍वनेगुलिइ बाहेक वं आः छुकी हे च्‍यूताः मतल। योसेफ बांलानाः यइपुसे च्‍वं।

उत्‍पत्ति 6:2

परमेश्‍वरया काय्‌पिन्‍सं मनूतय् बाबांलाःपिं म्‍ह्याय्‌पिं खनाः थःत यःयःपिं ल्‍ययाः ब्‍याहा यात।

२ शमूएल 13:1

दाऊदया काय् अब्‍शालोमया तामार नांयाम्‍ह छम्‍ह तसकं बांलाःम्‍ह केहेँ दु। दाऊदया मेम्‍ह काय् अमनोन वयागु मतिनाय् भुलय् जुल।

२ शमूएल 14:27

अब्‍शालोमया स्‍वम्‍ह काय्‌पिं व छम्‍ह तामार नांयाम्‍ह म्‍ह्याय् दु। तामार तसकं हिसि दुम्‍ह मिसा खः।

२ शमूएल 4:5

छन्‍हु बेरोती रिम्‍मोनया काय्‌पिं रेकाब व बानाह, न्‍हिनय् ईश्‍बोशेत आराम कयाच्‍वंबलय् वयागु छेँ दुहां वल।

अय्‍यूब 31:1

“सुं मिसायात बांमलाःगु मिखां स्‍वये मखु धकाः जिं थःगु मिखालिसें बाचा चिनागु दु।

भजनसंग्रहया सफू 119:37

ज्‍यालगय् मजूगु खँ स्‍वयेगुपाखें जिगु मिखायात हीकादिसँ, छिगु वचनकथं जिगु प्राणयात रक्षा यानादिसँ।

हितोपदेश 19:15

अल्‍छीत न्‍ह्यलं जक ब्‍वानाच्‍वनी, अल्‍छीत प्‍वाः द्यांलाकाः च्‍वनेमाली।

हितोपदेश 31:30

हिसिं झंगः लाये यः, बांलाः ब्‍वयावनी। तर परमप्रभुया भय काइम्‍ह मिसा तःधंके बहः जू।

हितोपदेश 6:25

इमिगु हिसिइ थःत तंके मते, अले इमिगु मिखाय् झुमिं वने मते।

हितोपदेश 7:8

व ल्‍याय्‌म्‍ह व मिसाया छेँ वनेगु लँय् वनाच्‍वन। अले व मिसाया छेँ न्‍ह्यःने थ्‍यन।

यर्मिया 19:13

यरूशलेमया छेँत व यहूदाया जुजुपिनिगु दरबार, गुकियागु कःसिइ कःसिइ आकाशया फुक्‍क नगुया लागि धुपाँय् च्‍याकल, अले मेपिं द्यःतय्‌गु निंतिं त्‍वँसाबलि छाल, उपिं फुक्‍क तोपेत थें अशुद्ध जुइ।’”

मत्ती 10:27

जिं छिमित खिउँथाय् धयागु खँ छिमिसं न्‍हिनय् बय्‌बय् या। अथे हे जिं छिमित न्‍हाय्‌पनय् धयागु खँ छिमिसं कःसिइ च्‍वनाः बय्‌बय् या।

मत्ती 24:17

कःसिइ च्‍वनाच्‍वंपिन्‍सं थःगु मालसामान कायेत तकं क्‍वहां वने लाइ मखु।

मत्ती 5:28

तर जिं छिमित धाये – सुनानं सुं मिसायात बांमलाःगु मिखां स्‍वल धाःसा वं मनं मनं व्‍यभिचार याये धुंकी।

प्रेरित 10:9

कन्‍हय् खुन्‍हु न्‍हिनय् सःतःवंपिं शहरया लिक्‍क थ्‍यन। अबलय् हे पत्रुस कःसिइ प्रार्थना याः वन।

व्‍यवस्‍था 22:8

न्‍हूगु छेँ दय्‌कीबलय् कःसिइ प्‍यखेरं पखाः ग्‍व, अले अनं सुं मनू कुतुं वंसा मनू सीगु दोष छिमिगु छेँयात लाइ मखु।

व्‍यवस्‍था 5:21

“थः जःलाखःलाया कलाःयात मिखा वंके मते! थः जःलाखःलाया छेँ व जमिन लोभ याये मते! थः जःलाखःलाया च्‍यःभ्‍वातिं, द्वहं, गधा व छुं खँय् नं लोभ याये मते!”

१ पत्रुस 4:7

थ्‍व संसार याकनं हे मदया वनिन। उकिं मन थातय् लाकाः प्रार्थना याना च्‍वँ।

१ यूहन्‍ना 2:16

थ्‍व संसारय् च्‍वंगु फुक्‍क ज्‍याखँ गथे बांमलाःगु मभिंगु ज्‍याखँ याये मास्‍ति वय्‌केगु, मिखां खंक्‍व काये मास्‍ति वय्‌केगु, अले तःधंछुयाः फुइँफाँय् यानाजुइगु। थ्‍व फुक्‍क परमेश्‍वर बाःयापाखें मखु, संसारयापाखें हे दयावःगु खः।

१ शमूएल 9:25

आराधना यायेगु थासं इपिं शहरय् क्‍वहां वल। शमूएलं शाऊल लिसे थःगु छेँया कःसिइ खँ ल्‍हात।