२ शमूएल 10:8 - नेवाः बाइबल

⁸ अम्‍मोनीत वयाः शहरया मू ध्‍वाखाया न्‍ह्यःने लडाइँ यायेत तयार जुयाच्‍वन। अले सोबा व रहोबाया अरामी व तोब व माकाया मनूत चक्‍कंगु ख्‍यलय् लडाइँया निंतिं थथःगु थाय् काल।

२ शमूएल 10:8 ပူးပေါင်းရင်းမြစ်များ

२ शमूएल 10:6

आः जिपिं दाऊदया निंतिं मिखां स्‍वये मयःपिं मनूत जुइ धुंकल धकाः अम्‍मोनीतय्‌सं सिल। उकिं इमिसं बेथ-रहोब व सोबा शहरं निइद्वः न्‍यासि वनीपिं अरामी सिपाइँत थःपिन्‍त ग्‍वाहालिया निंतिं बालं कयाः हल। इमिसं माकाया जुजुनापं वया सेनात द्वःछि व तोबपाखें झिंनिद्वः मनूत बालं कयाहल।

२ शमूएल 10:7

दाऊदं व खँ न्‍यनाः योआब व थः सिपाइँतय्‌त इपिं लिसे लडाइँ यायेत छ्वल।

२ शमूएल 10:9

योआबं थःगु न्‍ह्यःने व ल्‍युने लडाइँया लागि शत्रुया सिपाइँत तयार जुयाच्‍वंगु खनाः वं इस्राएलयापिं ल्‍ययातःपिं सिपाइँतय् पुचःयात अरामीतय् चुलिंचू तल।

२ शमूएल 23:34

माकाती आहसबैया काय् एलीपेलेत, गीलोनी अहीतोपेलया काय् एलीआम,

१ राजा 11:24

दाऊदं सोबाया सेनायात नाश यायेधुंकाः रेसोन मनूत मुंकाः विद्रोहीतय् नायः जुल। अले इपिं दमस्‍कसय् वन, रेसोनं दमस्‍कसय् राज्‍य यात।

१ इतिहास 19:7

इमिसं ३२,००० रथनापं माकाया जुजु व वया सेनात बालं कयाहल। माकायाम्‍ह जुजुया सेना वयाः मेदबाया लिक्‍क छाउनी तयाः च्‍वन। सकल अम्‍मोनीत नं थथःगु शहरं लडाइँ यायेत पिहां वल।

१ इतिहास 19:9

अम्‍मोनीत वयाः शहरया मू ध्‍वाखाया न्‍ह्यःने लडाइँ यायेत तयार जुयाच्‍वन। ग्‍वाहालि ब्‍यूवःपिं जुजुपिन्‍सं चक्‍कंगु ख्‍यलय् थथःगु थाय् काल।

यर्मिया 40:8

अले इपिं मिस्‍पाय् गदल्‍याहयाथाय् वल। इपिं थथे दु – नतन्‍याहया काय् इश्‍माएल, कारेहया निम्‍ह काय्‌पिं योहानान व जोनाथन, तन्‍हूमेतया काय् सरायाह, नतोपाती एफैया काय्‌पिं, माकातीया काय् याजन्‍याह व थुमि सकलें मनूत।

गन्‍ती 13:21

अथे जुयाः इपिं अनं थहां वन, जीन धयागु मरुभूमिंनिसें लेबो-हमातया न्‍ह्यःने रहोब तक देशया चिवा काल।

यहोशू 19:28

एब्रोन, रहोब, हम्‍मोन व कना जुयाः तःधंगु सीदोन तक थ्‍यन।

न्‍यायकर्ता 1:31

आशेर कुलयापिन्‍सं अक्‍को, सीदोन, अहलाब, अक्‍जीब, हेलवा, अपेक व रहोब शहरया मनूतय्‌त ख्‍याना मछ्वः।

न्‍यायकर्ता 11:3

अथे जूगुलिं थः दाजुकिजाया ल्‍हातं बचय् जुइत यिप्‍ता तोब देशय् च्‍वंवन। अले वं छपुचः ज्‍यालगय् मजूपिं मनूत मुंकल, इपिं वलिसें चाःहिलाः जुइगु जुल।

न्‍यायकर्ता 11:5

तोब देशं यिप्‍तायात हयेत गिलादयापिं थकालित वन।