२ शमूएल 10:6 - नेवाः बाइबल

⁶ आः जिपिं दाऊदया निंतिं मिखां स्‍वये मयःपिं मनूत जुइ धुंकल धकाः अम्‍मोनीतय्‌सं सिल। उकिं इमिसं बेथ-रहोब व सोबा शहरं निइद्वः न्‍यासि वनीपिं अरामी सिपाइँत थःपिन्‍त ग्‍वाहालिया निंतिं बालं कयाः हल। इमिसं माकाया जुजुनापं वया सेनात द्वःछि व तोबपाखें झिंनिद्वः मनूत बालं कयाहल।

२ शमूएल 10:6 ပူးပေါင်းရင်းမြစ်များ

उत्‍पत्ति 34:30

याकूबं शिमियोन व लेवीयात धाल, “छिमिसं जितः आपतय् लाकाबिल। आः जितः कनानी, परिज्‍जी व थनच्‍वंपिं फुक्‍कसिनं मही। झी ल्‍याखं आपाः मदु। इपिं फुक्‍क जानाः झीपिंलिसे ल्‍वाः वल धाःसा झीपिं फुक्‍कं सी।”

२ शमूएल 10:5

इपिं छेँय् लिहां वयेत तसकं मछाल। छुं मनूतय्‌सं वनाः दाऊदयात व खँ कनाबिल, अले दाऊदं इमित दाह्री ताहा मजुतले यरीहो शहरय् च्‍वनाच्‍वँ अले लिहां वा धकाः खबर छ्वल।

२ शमूएल 10:7

दाऊदं व खँ न्‍यनाः योआब व थः सिपाइँतय्‌त इपिं लिसे लडाइँ यायेत छ्वल।

२ शमूएल 16:21

अहीतोपेलं लिसः बिल, “छःपिनि अबुं लाय्‌कू स्‍वयेत त्‍वःतावंपिं वया मथ्‍याःपिं कलाःपिं नापं द्यँ। अले छःपिन्‍त छिकपिनि अबुं तसकं मयय्‌कल धइगु खँ फुक्‍क इस्राएलीतय्‌सं न्‍यनी। छःपिनि ल्‍यूजुइपिनिगु ल्‍हाः तसकं बल्‍लाइ।”

२ शमूएल 23:34

माकाती आहसबैया काय् एलीपेलेत, गीलोनी अहीतोपेलया काय् एलीआम,

२ शमूएल 8:3

हाकनं यूफ्रेटिस खुसिया लिक्‍क च्‍वंगु लागा त्‍याका कायेत वनाच्‍वंम्‍ह सोबाया जुजु, रहोबया काय् हददेजेरयात दाऊदं हमातया लिक्‍क बुकल।

२ शमूएल 8:5

सोबायाम्‍ह जुजु हददेजेरयात ग्‍वाहालि यायेत दमस्‍कस शहरं अरामीत वल। तर दाऊदं इमि निइनिद्वः सिपाइँतय्‌त स्‍यानाबिल।

१ राजा 11:24

दाऊदं सोबाया सेनायात नाश यायेधुंकाः रेसोन मनूत मुंकाः विद्रोहीतय् नायः जुल। अले इपिं दमस्‍कसय् वन, रेसोनं दमस्‍कसय् राज्‍य यात।

२ राजा 7:6

सल व रथ ज्‍वनाः छगू तःधंगु सेना न्‍ह्यज्‍याना वयाच्‍वंगु थें ज्‍याःगु सः अरामीतय्‌सं ताःगुलि थथे जूगु खः। परमेश्‍वरं हे अथे याकादीगु खः। इमिसं थवंथः धाल, “स्‍व, इस्राएली जुजुं झीत हमला यायेत हित्ती व मिश्रया जुजुपिन्‍त धिबा पुलाः हःगु दु।”

भजनसंग्रहया सफू 48:4

जुजुतय्‌सं जानाः सियोन पर्वतय् हमला याः वल।

प्रस्‍थान 5:21

अले इमिसं धाल, “परमप्रभुं छिकपिनिगु न्‍याय यानादीमा, छाय्‌धाःसा छिकपिन्‍सं यानाः जुजु व वया भारदारत जिपिंलिसें तंचाःगु दु, अले जिमित स्‍यायेत तरवार नं बियादीगु दु।”

हितोपदेश 25:8

थःम्‍हं खंगु खँयात हथाय् चायाः अदालतय् यंके मते। मेम्‍ह साक्षीं वयाः छंगु खँ फताहा साबित यानाबिल धाःसा मछालापुका च्‍वनेमाली।

यर्मिया 40:8

अले इपिं मिस्‍पाय् गदल्‍याहयाथाय् वल। इपिं थथे दु – नतन्‍याहया काय् इश्‍माएल, कारेहया निम्‍ह काय्‌पिं योहानान व जोनाथन, तन्‍हूमेतया काय् सरायाह, नतोपाती एफैया काय्‌पिं, माकातीया काय् याजन्‍याह व थुमि सकलें मनूत।

यर्मिया 46:21

वया ज्‍यालाय्‌ वःपिं सिपाइँत तग्‍वारापिं साचात थें च्‍वं। इपिं छक्‍वलं फहिलाः बिस्‍युं वनी। इपिं दी मखु, छाय्‌धाःसा इमिके विपत्तिया दिं, इमिगु सजाँयया दिं वयाच्‍वंगु दु।

व्‍यवस्‍था 3:14

मनश्‍शेया सन्‍तान याईरं गशूरीतय्‌गु व माकातीतय्‌गु सिमाना तक अर्गोबया फुक्‍क लागा कयाः उकियात थःगु हे नां बिल। अथे जुयाः थौं तक नं बाशानयात हब्‍बात-याईर धाइगु।

न्‍यायकर्ता 11:3

अथे जूगुलिं थः दाजुकिजाया ल्‍हातं बचय् जुइत यिप्‍ता तोब देशय् च्‍वंवन। अले वं छपुचः ज्‍यालगय् मजूपिं मनूत मुंकल, इपिं वलिसें चाःहिलाः जुइगु जुल।

न्‍यायकर्ता 11:5

तोब देशं यिप्‍तायात हयेत गिलादयापिं थकालित वन।

न्‍यायकर्ता 18:28

इमित बचय् याइपिं सुं नं मदु, छाय्‌धाःसा व लेश शहर सीदोनं यक्‍व तापाः। अनयापिं मनूत मेपिं सुंलिसें स्‍वापु मतइपिं जुयाच्‍वन। व शहर बेथ-रहोबया लिक्‍क बेसीइ लाः। दान कुलयापिं मनूतय्‌सं व शहरयात हाकनं दय्‌काः उकी च्‍वन।

१ शमूएल 13:4

अले शाऊलं पलिश्‍तीतय्‌गु छाउनीइ हमला यात व पलिश्‍तीतय्‌सं इस्राएलीतय्‌त तसकं मय्‌कल धयागु खँ फुक्‍क इस्राएलीतय्‌सं न्‍यन। अथे जुयाः वयागु इनाप न्‍यनाः इपिं गिलगालय् शाऊलयाथाय् मुंवल।

१ शमूएल 27:12

तर आकीशं दाऊदयात पत्‍याः यानाः थथे धाल, “व थः इस्राएली मनूतय्‌गु न्‍ह्यःने तसकं मभिंम्‍ह जूगु दु, अथे जुयाः व जिवंकाःछि जिगु दास जुयाच्‍वनी।”