२ शमूएल 10:5 - नेवाः बाइबल

⁵ इपिं छेँय् लिहां वयेत तसकं मछाल। छुं मनूतय्‌सं वनाः दाऊदयात व खँ कनाबिल, अले दाऊदं इमित दाह्री ताहा मजुतले यरीहो शहरय् च्‍वनाच्‍वँ अले लिहां वा धकाः खबर छ्वल।

२ शमूएल 10:5 ပူးပေါင်းရင်းမြစ်များ

२ शमूएल 10:4

उकिं हानूनं दाऊदया मनूतय्‌त ज्‍वनाः इमिगु बच्‍छि बच्‍छि दाह्री खानाबिल। अले इमिगु वसः दथुइ जँ तक हे चानाबियाः इमित लितछ्वल।

२ शमूएल 10:6

आः जिपिं दाऊदया निंतिं मिखां स्‍वये मयःपिं मनूत जुइ धुंकल धकाः अम्‍मोनीतय्‌सं सिल। उकिं इमिसं बेथ-रहोब व सोबा शहरं निइद्वः न्‍यासि वनीपिं अरामी सिपाइँत थःपिन्‍त ग्‍वाहालिया निंतिं बालं कयाः हल। इमिसं माकाया जुजुनापं वया सेनात द्वःछि व तोबपाखें झिंनिद्वः मनूत बालं कयाहल।

१ राजा 16:34

आहाबया इलय् बेथेलया हीएलं यरीहोयात हाकनं दय्‌कल। परमप्रभुं नूनया काय् यहोशूपाखें धयादीगु वचन थें हीएलं यरीहोयागु जग तःबलय् वया न्‍हापां बूम्‍ह काय् अबीराम सित, अले शहरया ध्‍वाखा तःबलय् वया चिधिकःम्‍ह काय् सगूब सित।

१ इतिहास 19:5

इपिं छेँय् लिहां वयेत तसकं मछाल। छुं मनूतय्‌सं वनाः दाऊदयात व खँ कनाबिल, अले दाऊदं इमित दाह्री ताहा मजुतले यरीहो शहरय् च्‍वनाच्‍वँ धकाः खबर छ्वल।

यहोशू 6:1

इस्राएलीतय्‌गु कारणं यरीहोया फुक्‍क ध्‍वाखात बल्‍लाक तिनातल। सुं पिने पिहां मवः, सुं दुने दुहां मवं।