२ शमूएल 10:4 - नेवाः बाइबल

⁴ उकिं हानूनं दाऊदया मनूतय्‌त ज्‍वनाः इमिगु बच्‍छि बच्‍छि दाह्री खानाबिल। अले इमिगु वसः दथुइ जँ तक हे चानाबियाः इमित लितछ्वल।

२ शमूएल 10:4 ပူးပေါင်းရင်းမြစ်များ

२ शमूएल 10:5

इपिं छेँय् लिहां वयेत तसकं मछाल। छुं मनूतय्‌सं वनाः दाऊदयात व खँ कनाबिल, अले दाऊदं इमित दाह्री ताहा मजुतले यरीहो शहरय् च्‍वनाच्‍वँ अले लिहां वा धकाः खबर छ्वल।

यशैया 15:2

दीबोन ख्‍वयेत देगलय् अले अन च्‍वंगु पुजा यायेगु थासय् थाहां वन। नेबो व मेदबाया निंतिं मोआब ह्वाँय्‌ह्वाँय् ख्‍वल। फुक्‍क सँ खाःगु दु, अले फुक्‍क दाह्री खाःगु दु।

यशैया 20:4

थुकथं हे अश्‍शूरया जुजुं मिश्र देशयात लाजय् लाकेत मिश्र देशं ज्‍वनाहःपिं व कूश देशं लाकाहःपिं ल्‍याय्‌म्‍हपिं व बुरापिं निथ्‍वःयात नं पचिंनांगा, लाकां मदय्‌क व नांगा प्‍यं ज्‍वना यंकी।

यर्मिया 41:5

थःगु दाह्री चानातःपिं, थःगु वसः खुनातःपिं व थःगु म्‍हय् थःम्‍हं हे घाः यानातःपिं चय्‌म्‍ह मनूत अन्‍नबलि व धुपाँय् ज्‍वनाः शकेम, शीलो व सामरियां परमप्रभुया देगलय् वल।

लेवी 19:27

“‘छिमिसं न्‍हकुइ च्‍वंगु सँ खाये मते। अले दाह्रीया कुन्‍चा कुन्‍चा नं चाये मते।