२ शमूएल 10:19 - नेवाः बाइबल

¹⁹ हददेजेरया अधीनय् च्‍वंपिं फुक्‍क जुजुपिन्‍सं जिमित इस्राएलं त्‍याकल धकाः सियाः इस्राएललिसें सन्‍धि यात अले वयागु अधीनय् च्‍वन। अनंलि अरामीतय्‌सं हाकनं अम्‍मोनीतय्‌त ग्‍वाहालि बीगु इच्‍छा मयात।

२ शमूएल 10:19 ပူးပေါင်းရင်းမြစ်များ

२ शमूएल 8:3

हाकनं यूफ्रेटिस खुसिया लिक्‍क च्‍वंगु लागा त्‍याका कायेत वनाच्‍वंम्‍ह सोबाया जुजु, रहोबया काय् हददेजेरयात दाऊदं हमातया लिक्‍क बुकल।

२ शमूएल 8:6

अले दाऊदं अरामया दमस्‍कस शहरय् प्‍यखें छाउनीत तल। अरामीतय्‌सं दाऊदया अधीनय् च्‍वनाः वयात कर पुल। थुकथं दाऊद न्‍ह्याथाय् वंसां परमप्रभुं वयात त्‍याकादिल।

१ राजा 20:1

अरामया जुजु बेन-हददं थः फुक्‍क सेना मुंकल। वनापं सल व रथ दुपिं स्‍विनिम्‍ह जुजुपिं नं दु। इपिंनापं व च्‍वय् थाहां वन, अले इस्राएलया राजधानी सामरीयायात घेरय् यानाः हमला यात।

१ इतिहास 19:19

हददेजेरया अधीनय् च्‍वंपिं जुजुपिन्‍सं जिमित इस्राएलं त्‍याकल धकाः सियाः दाऊदलिसें सन्‍धियात अले वयागु अधीनय् च्‍वन। अनंलि अरामीतय्‌सं हाकनं अम्‍मोनीतय्‌त ग्‍वाहालि बीगु इच्‍छा मयात।

यशैया 26:11

हे परमप्रभु, इमिसं छिं ल्‍ह्वनादीगु ल्‍हापाखे ध्‍यान मब्‍यू। छिके थः प्रजाया निंतिं गुलि जोश दु इमित क्‍यनादिसँ। अले इपिं लाजय् लाइ। छिं तयार यानादीगु सजाँय इमित प्‍वंकादिसँ।

दानिएल 2:37

हे महाराज, छःपिं ला जुजुतय् नं जुजु खः। स्‍वर्गय् च्‍वनादीम्‍ह परमेश्‍वरं छःपिन्‍त राज्‍य, बल, अधिकार व मान बियादीगु दु।

यहोशू 11:10

उबलय् यहोशूं लिहां वयाः हासोर त्‍याका काल, अले अनयाम्‍ह जुजुयात तरवारं स्‍यानाबिल। न्‍हापा हासोर थुपिं फुक्‍क देशतय् मू देश खः।

प्रकाश 18:10

वयात जूगु आपत बिपत खनाः ग्‍यानाः इमिसं तापाकं दनाः थथे धाइ – “धिक्‍कार, धिक्‍कार तसकं तःधंगु शहर! तसकं बल्‍लाःगु शहर बेबिलोन! घौछिं हे छं सजाँय फये माल।”

न्‍यायकर्ता 1:7

अदोनी-बेजेकं धाल, “ल्‍हाः व तुतियागु बुरापतिं ध्‍यंपिं न्‍हयेम्‍ह जुजुपिन्‍सं जिगु टेबुलया तःलय् चिप मुनीगु। जिं इमित गथे यानागु खः परमेश्‍वरं जितः अथे हे यानादीगु दु।” इमिसं वयात यरूशलेमय् हल, अले व अन हे सित।