२ शमूएल 10:18 - नेवाः बाइबल

¹⁸ तर अरामीत इस्राएलीतपाखें बिस्‍युं वन। अले दाऊदं इमि न्‍हय्‌सःम्‍ह रथ चलय् याइपिं व पिइद्वःम्‍ह सिपाइँतय्‌त स्‍यानाबिल। अन वं अरामी सेनापति शोबाकयात नं घाःपा यानाबिल अले व अन हे सित।

२ शमूएल 10:18 ပူးပေါင်းရင်းမြစ်များ

२ शमूएल 10:17

व खँ न्‍यनाः दाऊदं सकल इस्राएली सिपाइँतय्‌त मुंकल। दाऊदं इमित यर्दन खुसि उखे हेलामपाखे यंकल। वं इस्राएलीतय्‌त अरामीतय् न्‍ह्यःने थन। अले इमिसं वनापं लडाइँ यात।

२ शमूएल 8:4

दाऊदं द्वःछि गः रथ व न्‍हय्‌द्वःम्‍ह रथ चले याइपिं व निइद्वःम्‍ह न्‍यासि जुइपिं सिपाइँतय्‌त कब्‍जा यात। दाऊदं सछिम्‍ह सल बाहेक हददेजेरया रथ सालिपिं दक्‍व सलतय्‌त खुत्‍यां यानाबिल।

१ राजा 11:24

दाऊदं सोबाया सेनायात नाश यायेधुंकाः रेसोन मनूत मुंकाः विद्रोहीतय् नायः जुल। अले इपिं दमस्‍कसय् वन, रेसोनं दमस्‍कसय् राज्‍य यात।

१ इतिहास 19:18

तर अरामीत इस्राएलीतपाखें बिस्‍युं वन। अले दाऊदं इमि न्‍हय्‌द्वःम्‍ह रथ चलय् याइपिं व पिइद्वःम्‍ह सिपाइँतय्‌त स्‍यानाबिल। अले इमिसं अरामी सेनापति शोपकयात नं स्‍यात।

भजनसंग्रहया सफू 18:38

जिं इमित दने हे मफयेक क्‍वथले इपिं जिगु तुतिइ क्‍वदली।

भजनसंग्रहया सफू 46:11

दक्‍व शक्ति दुम्‍ह परमप्रभु झीनापं दी, याकूबया परमेश्‍वर झीगु शरण कायेगु थाय् खः। सेला

भजनसंग्रहया सफू 68:2

फसं कुँयात ब्‍वय्‌कू थें वय्‌कलं इमित ब्‍वय्‌कादीमा, मिइ मैन नायावं थें परमेश्‍वरया न्‍ह्यःने दुष्‍टत नाश जुयावनेमा।

न्‍यायकर्ता 4:2

अथे जुयाः परमप्रभुं इमित हासोरय् शासन याइम्‍ह कनानी जुजु याबीनया ल्‍हातय् मियादिल। वया सेनापति हरोशेत हग्‍गोयिमय् च्‍वनीम्‍ह सीसरा खः।

न्‍यायकर्ता 4:22

स्‍व, अबलय् हे सीसरायात ल्‍यूल्‍यूं बाराक अन थ्‍यंकः वल। याएल वयात नापलायेत पिहां वल, अले वं थथे धाल “झासँ, छिं मालादीम्‍ह मनू क्‍यनाबी।” बाराक वलिसे दुहां वन, अन सीसरायात नकिं न्‍हकुं पिचायाः स्‍यूगु व ग्‍वार्तुलाच्‍वंगु खंकल।

न्‍यायकर्ता 5:26

वं छपा ल्‍हातय् नकिं काल, मेगु ल्‍हातं मुगःचा ल्‍ह्वन, मुगलं वं सीसराया छेनय् छ्यात, सीसरायागु छ्यं तछ्यानाबिल। वं नकिं नं तानाः वयागु छ्यं पिचाय्‌काबिल।