२ शमूएल 1:8 - नेवाः बाइबल

⁸ “वं जितः, ‘छ सु खः?’ धकाः न्‍यन। “जिं ‘जि छम्‍ह अमालेकी खः’ धकाः धया।

२ शमूएल 1:8 ပူးပေါင်းရင်းမြစ်များ

उत्‍पत्ति 14:7

अनंलि इपिं लिहां वल। अले एन-मिशपातय् (लिपा कादेश) वनाः अमालेकीतय्‌गु फुक्‍क देश व हासेसोन-तामारया फुक्‍क एमोरीतय्‌त नं थःगु अधीनय् काल।

२ शमूएल 1:13

अनंलि दाऊदं व खबर हःम्‍ह ल्‍याय्‌म्‍ह मनूयात धाल, “छ गनं वयाम्‍ह खः?” अले वं लिसः बिल, “जि छम्‍ह अमालेकी खः, तर थौंकन्‍हय् जि छिकपिनिगु देशय् च्‍वनाच्‍वनागु दु।”

२ शमूएल 1:7

लिफः स्‍वःबलय् वं जितः खन अले वं जितः सःतल। जिं लिसः बिया, ‘धयादिसँ, छु दु?’

२ शमूएल 1:9

“अनंलि वं धाल, ‘जिगु लिक्‍क वयाः जितः स्‍यानाछ्व। जि आः तक नं म्‍वाना च्‍वनातिनि, अय्‌नं जि सीत्‍यंगु दु।’

गन्‍ती 24:20

बालामं अमालेकीतपाखे स्‍वयाः थुकथं थःगु वचन नवात, “अमालेक दक्‍वसिबय् तःधंगु जाति खः। तर नाश जुयाः थुपिं फुनावनी।”

१ शमूएल 15:3

आः छिं अमालेकीतय्‌त हमला या हुँ अले इमिके दुगु फुक्‍क छुं नं ल्‍यंमदय्‌कः भज्‍यंक नाश यानाब्‍यु। इमि फुक्‍क मनूत, मिसात, ल्‍याय्‌म्‍ह ल्‍यासेपिं, मचात, दुरु त्‍वंपिं मचात, सा द्वहं, फै-च्‍वलय्, ऊँट व गधा फुक्‍कं नाश या।’”

१ शमूएल 27:8

दाऊद व वया मनूत हमला याः वनीगु अले गशूरीत, गिज्रीत व अमालेकीतय्‌त लुतय् याइगु। इपिं न्‍हापांनिसें हे शूर व मिश्रय् थ्‍यंकाच्‍वनाः च्‍वंपिं खः।

१ शमूएल 30:1

स्‍वन्‍हु खुन्‍हु दाऊद व वया मनूत सिक्‍लगय् थ्‍यंकः वल। उगु इलय् अमालेकीतय्‌सं नेगेव व सिक्‍लगय् लुतय् याये धुंकूगु व सिक्‍लगय् हमला यानाः मि छ्वय्‌काब्‍यूगु इमिसं खन।

१ शमूएल 30:13

दाऊदं वयाके न्‍यन, “छ सुयापाखेंम्‍ह खः? अले छ गनं वयाम्‍ह खः?” वं लिसः बिल, “जि छम्‍ह मिश्री खः, अमालेकीतय् छम्‍ह दास खः। तर जि स्‍वन्‍हु न्‍हापा म्‍हं मफुगुलिं जिमि मालिकं जितः त्‍वःता वंगु खः।

१ शमूएल 30:17

तर दाऊदं इमित हमला यात अले कन्‍हय् खुन्‍हु सन्‍ध्‍याकाः इलय् तक हे लडाइँ यानाच्‍वन। इपिं मध्‍ये प्‍यसःम्‍ह ल्‍याय्‌म्‍हपिं जक ऊँट गयाः बिस्‍युं वन।