२ शमूएल 1:22 - नेवाः बाइबल

²² “सीधुंकूपिनिगु हिपाखें व बल्‍लाःपिनिगु म्‍हपाखें जोनाथनया धनुष वाण गुबलें लिहां वइ मखु। शाऊलया तरवार मस्‍याय्‌कं गुबलें दापय् लिहां वइ मखु।”

२ शमूएल 1:22 ပူးပေါင်းရင်းမြစ်များ

यर्मिया 50:9

छाय्‌धाःसा स्‍व! जिं उत्तरयागु देशं ततःधंगु जातियात ग्‍वाकाः इमिगु पुचःयात बेबिलोनया विरोधय् हये। इमिसं बेबिलोनया विरोधय् लडाइँया लागि तयारी याइ, अले वयात उत्तरपाखें कब्‍जा याइ। इमिगु वाण बहादुर सिपाइँतय्‌गु थें जुइ, गुगु अथें लिहांवनी मखु।

व्‍यवस्‍था 32:42

जिगु वाणतय्‌त हि त्‍वंके बी, अले जिगु तरवारं ला नइ। जिं फुक्‍क शत्रुतय्‌त स्‍यानाबी, कैदीतय्‌त तकं नं अले शत्रुतय् नायःतय्‌गु छ्यं ध्‍यनाबी।”

१ शमूएल 14:47

शाऊलं इस्राएलय् शासन यानाच्‍वंबलय् वं प्‍यखेरं च्‍वंपिं शत्रुतनापं लडाइँ यात। वं मोआबीत, अम्‍मोनीत, एदोमीत, सोबाया जुजुपिं व पलिश्‍तीतनापं लडाइँ यात। गन गन वं लडाइँ यात अन अन वं इमित बुकल।

१ शमूएल 14:48

वं अमालेकीतय्‌त नं त्‍याकल। थथे आकाझाकां हमला याइपिं सिपाइँतपाखें इस्राएलीतय्‌त बचय् यानाः वं तःधंगु साहस दुगु ज्‍या यात।

१ शमूएल 18:4

जोनाथनं थःम्‍हं न्‍ययातःगु गा व फिनातःगु युवराजया तपाःलं त्‍वयाः थःगु तरवार, धनु व पेटीनापं दाऊदयात बिल।