२ शमूएल 1:20 - नेवाः बाइबल

²⁰ “गातय् थ्‍व खँ न्‍यंके मते, अश्‍कलोनया लँय् लँय् थ्‍व खँ बय्‌बय् याना जुइ मते, मखुसा पलिश्‍तीतय् म्‍ह्याय्‌पिं खुशी जुइ, अले खतना मजूनिपिनि म्‍ह्याय्‌पिं लय्‌लय्‌ताइ।”

२ शमूएल 1:20 ပူးပေါင်းရင်းမြစ်များ

इजकिएल 16:27

उकिं जिं थःगु ल्‍हाः छंगु विरोधय् ल्‍ह्वनाः, अले छंगु इलाका चिकु यानाबिया, जिं छन्‍त छिमि शत्रुत पलिश्‍ती मिसातय्‌गु लोभया शिकार यानाबिया। इपिं छंगु क्‍वह्यंगु पहःचहः खनाः वातां जूगु खः।

इजकिएल 16:57

अथे जूसां एदोमया म्‍ह्याय्‌पिं व वया सकलें जःलाखःलापिं व पलिश्‍तीतय् म्‍ह्याय्‌पिन्‍सं छन्‍त हेस्‍यानाच्‍वंगु दु, छंगु प्‍यखें च्‍वंपिन्‍सं छन्‍त घृणा याइगु।

मीका 1:10

थ्‍व खँ छिमिसं गातय् वनाः कने मते अले ख्‍वये मते। बेथ-ओप्राया धुलय् ग्‍वारा ग्‍वारा तु।

न्‍यायकर्ता 11:34

यिप्‍ता मिस्‍पाय् थःगु छेँय् लिहां वःबलय् वयात पिने नापलायेत दम्‍फुत थाथां अले प्‍याखं हुहुँ झ्‍वात्त वया म्‍ह्याय् पिहां वल। व वया याकः म्‍ह्याय् खः, वया मेपिं सुं नं काय्‌म्‍ह्याय् मदु।

न्‍यायकर्ता 14:19

परमप्रभुया आत्‍मां शिमशोनयात बल बियादिल। व क्‍वय् अश्‍कलोनय् वनाः अन वं स्‍विम्‍ह पलिश्‍तीतय्‌त स्‍यात, अले इमिगु वसः त्‍वकाकयाः क्‍वाःया लिसः ब्‍यूपिं मनूतय्‌त बिल। व तमं मि जुयाः थः बौयागु छेँ वन।

१ शमूएल 14:6

जोनाथनं ल्‍वाभः ज्‍वनीम्‍हय्‌सित धाल, “वा, झीपिं परमेश्‍वरयात मानय् मयाइपिं उपिं म्‍हय् चिं मतःपिनिगु छाउनी स्‍वःवनेनु। परमप्रभुं झीत ग्‍वाहालि यानादी। झीपिं यक्‍व दयेमा वा म्‍हो जुइमा झीत बचय् यायेगुपाखें वय्‌कःयात सुनानं पने फइ मखु।”

१ शमूएल 17:26

दाऊदं थः लिक्‍कसं च्‍वंपिं मनूतय्‌के न्‍यन, “थ्‍व पलिश्‍तीयात स्‍याइम्‍हय्‌सित व इस्राएलीतय्‌गु थ्‍व बेइज्‍जतपाखें बचय् याइम्‍ह मनूयात छु दइ? म्‍वाःम्‍ह परमेश्‍वरयात मानय् मयाइम्‍ह म्‍हय् चिं मतःम्‍ह थ्‍व सु पलिश्‍ती खः?”

१ शमूएल 17:36

छपिनि दासं सिंह व भालू निम्‍हय्‌सित नं स्‍याये धुनागु दु। थ्‍व परमेश्‍वरयात मानय् मयाइम्‍ह म्‍हय् चिं मतःम्‍ह पलिश्‍तीयात नं अथे हे यानाः स्‍यानाबी। वं म्‍वाःम्‍ह परमेश्‍वरया सिपाइँतय्‌त क्‍वह्यंकूगु दु।

१ शमूएल 18:6

दाऊदं गोल्‍यतयात स्‍याये धुंकाः दाऊद व सिपाइँत थथःगु छेँ लिहां वयाच्‍वंबलय् मिसात इस्राएलया फुक्‍क शहरं पिहां वल, अले इमिसं दम्‍फु व बाजं थाथां म्‍ये हालाः प्‍याखं हुहुँ शाऊल जुजुयात नापलायेत वल।

१ शमूएल 31:4

अनंलि शाऊलं थःगु निंतिं ल्‍वाभः ज्‍वनीम्‍हय्‌सित धाल, “छंगु दापय् तरवार लिकयाः जितः सुयाब्‍यु अले थुपिं म्‍हय् चिं मतःपिं मभिंपिन्‍सं निन्‍दा यानाः जिगु बेज्‍जत मयायेमा।” तर व ल्‍वाभः ज्‍वनीम्‍ह तसकं ग्‍यानाः मानय् मजुल। वं अथे यायेगु आँट मयाः। अथे जुयाः शाऊलं थःगु तरवार काल अले उकिं सुयाः व सित।

१ शमूएल 6:17

उपिं लुँ ग्‍वारा, पलिश्‍तीतय्‌सं दोषबलिकथं छ्वयाहःगु खः। उपिं अश्‍दोद, गाजा, अश्‍कलोन, गात व एक्रोन फुक्‍कया निंतिं छगू छगू खः।