२ पत्रुस 3:9 - नेवाः बाइबल

⁹ गुम्‍ह गुम्‍हय्‌सिनं मतिइ तः थें प्रभुं थःम्‍हं धयादी थें यायेत लिपा लाकादी मखु। अथेसां छिपिं सुं नं नाश मजुइमा, अले फुक्‍कसिनं पश्‍चाताप यायेमा धकाः वय्‌कः पियाच्‍वनादीगु खः।

२ पत्रुस 3:9 ပူးပေါင်းရင်းမြစ်များ

भजनसंग्रहया सफू 77:8

“वय्‌कःयागु सदां दयाच्‍वनीगु माया सदांया निंतिं तन ला? वय्‌कःया बचं सदांया लागि फुत ला?

भजनसंग्रहया सफू 86:15

तर परमप्रभु, छि दयादुम्‍ह, माया यानादीम्‍ह परमेश्‍वर खः। छि तंचायेत लिबाकादीम्‍ह, सदां दया माया यानादीम्‍ह व तसकं विश्‍वास याये बहःम्‍ह खः।

प्रस्‍थान 18:23

छिं थथे यानादिल धाःसा अले परमेश्‍वरं थज्‍याःगु आज्ञा बियादिल धाःसा छिं ताः ई तक ज्‍या यानादी फइ, अले मनूत नं लय्‌तायाः वने फइ।”

प्रस्‍थान 32:32

अय्‌जूसां थुमिगु पाप क्षमा यानादिसँ, मखुसा छिं च्‍वयादीगु सफुलिं जिगु नां हुयादिसँ।”

प्रस्‍थान 33:11

परमप्रभु मोशालिसे थुकथं चुलिंचू थः पासापिंनापं थें खँ ल्‍हानादीगु जुयाच्‍वन। मोशा हाकनं छाउनीइ लिहांवनी। वयात ग्‍वाहालि याइम्‍ह ल्‍याय्‌म्‍ह नूनया काय् यहोशू धाःसा पालय् च्‍वनाच्‍वनी।

प्रस्‍थान 34:6

अनंलि परमप्रभु वया न्‍ह्यःने झायाः थथे धकाः धयादिल, “परमप्रभु, परमप्रभु दयादुम्‍ह, सदां दयामाया यानादीम्‍ह, तंचायेत लिबाकादीम्‍ह व तसकं विश्‍वास याये बहःम्‍ह खः।

उपदेशक 8:11

सुं नं मनुखं मभिंगु ज्‍या यात अले वयात याकनं हे दण्‍ड मबिल धाःसा मनूतय्‌सं नुगलय् मभिंगु ज्‍या यायेगु ग्‍वसाः ग्‍वइ।

यशैया 30:18

अय्‌नं परमप्रभुं छिमिगु निंतिं दया यायेगु मतिइ तयादी। छिमिगु निंतिं माया यायेत वय्‌कः दनादी, छाय्‌धाःसा परमप्रभु न्‍याय यानादीम्‍ह परमेश्‍वर खः। वय्‌कःयात लं च्‍वनीम्‍ह धन्‍य खः।

यशैया 46:13

जिं थःगु धार्मिकता लिक्‍क हयाच्‍वनागु दु। व तामपाः, छिमिगु लिक्‍क हे दु। जिगु उद्धारं लिबाकी मखु। जिं सियोनयात उद्धार बी, अले इस्राएलयात जिगु महिमा क्‍यने।

इजकिएल 33:11

उकिं छं इमित थथे धा, ‘गथे जि धात्‍थें म्‍वाःम्‍ह खः, जि, परमप्रभु परमेश्‍वर न्‍ववानागु दु, मभिंपिं मनूत सीगु खनाः जि लय्‌ताय् मखु, तर इमिसं थःगु मभिंगु पहःचहः त्‍वःताः इपिं म्‍वाःगु जितः स्‍वयेमास्‍ति वः। थःगु मभिंगु पहःचहः त्‍वःति! अय् इस्राएलया घराना छिपिं छाय् सीगु?’

दानिएल 4:29

झिंनिला लिपा जुजु बेबिलोनयागु लाय्‌कूया कःसिइ चाःहिला च्‍वंबलय्

हबकूक 2:3

थ्‍व दर्शन लिपाया निंतिं खः। थुकिं लिपा जुइगु खँ धाइ, अले थ्‍व मखुगु खँ जुइ मखु। थ्‍व खँ पूवनेगु लिपा लाःसां थ्‍वयात पियाच्‍वनी, छाय्‌धाःसा थ्‍व धात्‍थें हे पूवनी, अले लिपालाइ मखु।

रोमी 13:11

छिमिसं थ्‍व संसारय् गज्‍याःगु ई वयाच्‍वंगु दु बांलाक बिचाः याना च्‍वँ, द्यनेगु त्‍वःताः दनेगु ई वये धुंकल। उद्धार कायेगु ई न्‍हापा झीसं विश्‍वास यानाबलय् स्‍वयाः नं न्‍ह्यःने थ्‍यने धुंकल।

रोमी 13:12

चा फुइन, आः न्‍हि वइन। उकिं खिउँबलय् यायेगु ज्‍या त्‍वःताः जःयागु ल्‍वाभः ज्‍वनाः तयार जु।

रोमी 2:4

परमेश्‍वरया दया मायां छिमिसं पश्‍चाताप याकी धकाः थुइके मफया, छु छिमिसं वय्‌कःया दया, सह यायेगु शक्ति व पिया च्‍वनादी फुम्‍हय्‌सित हे हेपय् याये ज्‍यू ला?

रोमी 9:22

परमेश्‍वरया तं व थःगु शक्ति क्‍यनादी मास्‍ति वःसा वय्‌कःयात सुनां पने फइ? वय्‌कलं थःत हीमी चाय्‌का च्‍वंपिं मनूत खनाः नं तंचाया मदिसे सहयाना तुं च्‍वनादिल।

१ तिमोथी 1:16

थुकिं यानाः हे वय्‌कलं जितः माया यानादिल। जि थें ज्‍याःम्‍ह तसकं पापीयात थःगु धैर्य क्‍यनेत वय्‌कलं जितः नमूना दय्‌कादिल। थ्‍व नमूना लिपा वय्‌कःयात विश्‍वास याइपिं व अनन्‍त जीवन काइपिनिगु निंतिं खः।

१ तिमोथी 2:4

फुक्‍क मनूतय्‌सं मुक्ति काये फयेमा व सत्‍यगु खँयात बांलाक सीकाकाये फयेमा धयागु वय्‌कःया इच्‍छा खः।

हिब्रू 10:37

धर्मशास्‍त्रय् च्‍वयातःगु दु – “आः झाइम्‍ह मनू झाया हे दी, लिबाकादी मखु।

१ पत्रुस 3:20

नोआं न्‍यंकूबलय् मनूतय्‌सं विश्‍वास हे मयाः। नोआं जहाज दय्‌का च्‍वंतले इमिसं विश्‍वास याइ ला धकाः परमेश्‍वरं तःन्‍हु हे पियादिल। संसार लखं जाःबलय् च्‍याम्‍ह जक मनूत म्‍वात, मेपिं फुक्‍कं सित।

२ पत्रुस 1:4

थथे वय्‌कलं झीत तःधंगु व तःजिगु आशिष बियादी धकाः बचं बियादीगु दु। वय्‌कलं हे धयादीकथं झीपिं परमेश्‍वर थें जुइ फइ, अले संसारयागु लोभ लालचं यानाः स्‍यनीगुपाखें बचय् जुइ फइ।

२ पत्रुस 3:15

थौं तक झाया मदिसे प्रभु पियाच्‍वनादीगु पापी मनूत बचय् जुइमा धकाः खः। झी यःम्‍ह किजा पावलं नं परमेश्‍वरपाखें बुद्धि कयाः थ्‍व हे खँ च्‍वयातःगु खः।

प्रकाश 2:21

जिं वयात पश्‍चाताप यायेमा धकाः ई बिया तया। अय्‌नं वं याना जूगु व्‍यभिचार याये मखुत धकाः मधाः।