२ पत्रुस 3:2 - नेवाः बाइबल

² पवित्रपिं अगमवक्तातय्‌सं न्‍हापा न्‍हापा धयाथकूगु खँ छिमित लुमंकाबीत जिं कुतः यानाच्‍वनागु खः। अले हानं प्रेरिततय्‌सं न्‍यंका थकूगु मुक्ति बियादीम्‍ह प्रभुयागु आज्ञायात लुमंका बियाच्‍वनागु खः।

२ पत्रुस 3:2 ပူးပေါင်းရင်းမြစ်များ

लूका 1:70

थथे जुइ धकाः ला वय्‌कलं न्‍हापा हे पवित्रपिं अगमवक्तातय्‌गु म्‍हुतुं न्‍ववानादीगु खः।

लूका 24:27

अले वय्‌कलं मोशांनिसें कयाः फुक्‍क अगमवक्तातय्‌सं धर्मशास्‍त्रय् च्‍वया थकूगु वय्‌कःयागु हे खँ ध्‍वाथुइकादिल।

लूका 24:44

अले वय्‌कलं इमित धयादिल – “जिं छिपिंनाप दुबलय् जिगु बारे धर्मशास्‍त्रय् अर्थात मोशाया व्‍यवस्‍था, अगमवक्ता व भजनया सफुलिइ च्‍वयातःगु फुक्‍क खँ पूवनेमाः धकाः न्‍हापा हे धयागु खः।”

प्रेरित 10:43

न्‍हापायापिं अगमवक्तातय्‌सं नं येशूयात विश्‍वास याःपिं मनूतय्‌गु पाप वय्‌कःयागु नामं जक क्षमा जुइफु धकाः धयावंगु दु।”

प्रेरित 28:23

अले इमिसं छन्‍हु पावलया खँ न्‍यनेगु क्‍वःछित। क्‍वःछिना तःखुन्‍हु हे इपिं फुक्‍क पावल च्‍वनाच्‍वंगु छेँय् मुंवल। उखुन्‍हु वं सुथंनिसें बहनी तकं इमित परमेश्‍वरयागु राज्‍ययागु खँ बांलाक ध्‍वाथुइक कन। मोशायागु व्‍यवस्‍था व अगमवक्तातय्‌गु सफुलिं ग्‍वाहालि कयाः वं येशूयागु खँ नं ध्‍वाथुइक कन।

प्रेरित 3:18

थ्‍व ला परमेश्‍वरं न्‍हापां हे अगमवक्तातय्‌त मुक्ति बीम्‍ह ख्रीष्‍टं दुःख सी हे माः धकाः धाय्‌कादी थें पूवंकादीगु खः।

प्रेरित 3:21

फुक्‍कं न्‍हूकथं मिलय् मजुतले वय्‌कः स्‍वर्गय् हे च्‍वनादी। थ्‍व खँ परमेश्‍वरं न्‍हापांनिसें हे अगमवक्तातय्‌त धाय्‌कादीगु खः।

गलाती 6:2

छम्‍हय्‌सिनं मेम्‍हय्‌सित दुःखबलय् ग्‍वाहालि यायेगु या। थुकथं छिमिसं ख्रीष्‍ट येशूयागु आज्ञा पूवंकी।

एफिसी 2:20

प्रेरिततय्‌सं व अगमवक्तातय्‌सं स्‍वना थकूगु जगय् दय्‌कूगु छेँ छिपिं नं खः। अले थ्‍व जगयागु मू ल्‍वहं येशू ख्रीष्‍ट खः।

एफिसी 3:5

थ्‍व गुप्‍ति खँ न्‍हापा न्‍हापायापिं मनूतय्‌सं मस्‍यू। थौंकन्‍हय् परमेश्‍वरं वय्‌कःया पवित्र प्रेरिततय्‌त व अगमवक्तातय्‌त थ्‍व गुप्‍ति खँ पवित्र आत्‍मापाखें सीके बियादीगु दु।

१ तिमोथी 6:14

झी प्रभु येशू ख्रीष्‍ट मझातले छं जिं धया थें बांलाक व सुनानं धाये ल्‍हाये थाय् मदय्‌क याना च्‍वँ।

२ पत्रुस 2:21

थज्‍याःपिं मनूतय्‌सं थःपिन्‍त बियातःगु पवित्र आज्ञायात सीक सीकं त्‍वःताछ्वयेगु स्‍वयाः ला गुब्‍सं हे मन्‍यंगु जूसा तसकं बांलाइगु खः।

२ पत्रुस 3:15

थौं तक झाया मदिसे प्रभु पियाच्‍वनादीगु पापी मनूत बचय् जुइमा धकाः खः। झी यःम्‍ह किजा पावलं नं परमेश्‍वरपाखें बुद्धि कयाः थ्‍व हे खँ च्‍वयातःगु खः।

२ पत्रुस 3:16

पावलं च्‍वयातःगु पौलय्‌ नं थ्‍व हे खँ न्‍ह्यथनातःगु दु। गनं गनं पावलं च्‍वयातःगु खँ थुइकेत थाकु। बांलाक मस्‍यूपिं मनूतय्‌सं व क्‍वात्तुक विश्‍वास यानाच्‍वने मफुपिं मनूतय्‌सं ला च्‍वयातःगु खँया अर्थ हे हीका छ्वइ। थथे हे इमिसं धर्मशास्‍त्रयागु अर्थ नं हीका छ्वइ। थथे इमिसं थःत थःम्‍हं हे स्‍यंकी।

१ यूहन्‍ना 4:6

झीपिं धाःसा परमेश्‍वरया मनूत खः, उकिं वय्‌कःयात बांलाक म्‍हस्‍यूपिन्‍सं झीगु खँ न्‍यनी। वय्‌कःया मनूत मखुसा झीगु खँ नं इमिसं न्‍यनी मखु। थथे झीसं परमेश्‍वरं धाःगु व मनूतय्‌सं धाःगु खँ सीके फइ।

यहूदा 1:17

यःपिं दाजुकिजापिं, झी प्रभु येशू ख्रीष्‍टया प्रेरिततय्‌सं कनावंगु खँ बांलाक लुमंकी।

प्रकाश 19:10

अथे धाःगुलिं वयात हनाबना यायेत जि वयागु तुतिइ भ्‍वपुला। अय्‌नं वं धाल – “छं थथे याये मते। येशूयागु वचन न्‍यनाकाःपिं छ व छिमि दाजुकिजापिं थें जि नं परमेश्‍वरया छम्‍ह दास खः। परमेश्‍वरयात आराधना या।” येशूयागु साक्षी अगमवक्तातय्‌गु आत्‍मा खः।