२ पत्रुस 3:18 - नेवाः बाइबल

¹⁸ झी प्रभु व मुक्तिदाता येशू ख्रीष्‍टयागु दया माया अप्‍वः दयावनेमा। अले छिमिसं वय्‌कःयात अझ नं बांलाक म्‍हसीका वने फयेमा। वय्‌कःयागु नां आः व सदां तःधना च्‍वनेमा। आमेन।

२ पत्रुस 3:18 ပူးပေါင်းရင်းမြစ်များ

भजनसंग्रहया सफू 92:12

धर्मीत ताय्‌गः सिमा थें थाहां वइ, अले लेबनानया देवदारु सिमा थें बल्‍लानाः तःमा जुइ।

होशे 14:5

जि इस्राएलया निंतिं सुतिलः थें जुये। व लिली स्‍वां थें ह्वइ, अले लेबनानया देवदार सिमात थें वं हा काइ,

मलाकी 4:2

“अथे जूसां छिपिं जिगु ग्‍याःभय काइपिन्‍त धाःसा धार्मिकताया शक्ति निभाः लूगु थें वइ। अले वयागु किरणं छिमिगु ल्‍वय् लनी। छिपिं सागलं पिहांवःपिं साचात थें लय्‌तायाः तिंतिंन्‍हुया जुइ।

मत्ती 28:20

अले जिं स्‍यना थें छिमिसं इमित स्‍यनेकने यानाः फुक्‍कं खँ मानय् याकि। न्‍यँ, संसार फुना मवंतले जि छिपिंनाप हे दइ।”

मत्ती 6:13

जिमित परिक्षाय् लाकादी मते, बरु दुष्‍टपाखें बचय् यानादिसँ छाय्‌धाःसा राज्‍य व पराक्रम व महिमा सदां सर्वदां छिगु हे खः, आमेन।’

यूहन्‍ना 17:3

छि छम्‍ह हे जक सत्‍य परमेश्‍वरयात व छिं छ्वयाहयादीम्‍ह येशू ख्रीष्‍टयात म्‍हसीकेगु हे अनन्‍त जीवन खः।

यूहन्‍ना 5:23

अय्‌जूगुलिं गथे बाःयात फुक्‍कसिनं मानय् याः अथे हे काय्‌यात नं फुक्‍कसिनं मानय् यायेमाः। काय्‌यात मानय् मयाःम्‍हय्‌सिनं काय्‌यात छ्वयाहःम्‍ह बाःयात नं मानय् मयाःगु जुइ।

रोमी 11:36

फुक्‍कं परमेश्‍वरं सृष्‍टि यानादीगु खः। वय्‌कलं हे यानाः अले वय्‌कःयात हे फुक्‍क दुगु खः। वय्‌कःया हे सदां जयजय जुयाच्‍वनेमा! आमेन।

२ कोरिन्‍थी 4:6

“खिउँथासं जः थिनावइ” धकाः धयादीम्‍ह परमेश्‍वरं हे जिमिगु मनय् नं जः खय्‌कादिल। उकिं येशू ख्रीष्‍टया न्‍ह्यःने झीत परमेश्‍वरया महिमा व ज्ञान गुलि तःधं धकाः ध्‍वाथुइक क्‍यनेत थथे यानादीगु खः।

एफिसी 1:17

ज्ञान बीम्‍ह व परमेश्‍वरयात म्‍हसीका बीम्‍ह पवित्र आत्‍मा छिमित बियादीमा धकाः जिं दकलय् तःधंम्‍ह व येशू ख्रीष्‍टया बाः परमेश्‍वरयाके फ्‍वनाच्‍वना।

एफिसी 4:15

दया माया यानाः सत्‍य खँ ल्‍हानाः झीपिं न्‍ह्यागु ज्‍याखँय् नं झीम्‍ह थकालि ख्रीष्‍ट थें जुयाः न्‍ह्यज्‍यायेमाः।

फिलिप्‍पी 3:8

थुलि जक मखु, ख्रीष्‍ट येशू जिम्‍ह प्रभुयात म्‍हसीकेगु हे तःधंगु खँ खः धकाः थुइकाः जिं मेगु फुक्‍कं ज्‍यालगय् मजू धकाः ताय्‌का। वय्‌कःयागु हे निंतिं जिं फुक्‍कं त्‍वःता, अले वय्‌कःयात लुइके फयेमा धकाः जिं अज्‍याःगु फुक्‍कं ज्‍यालगय् मजू धकाः ताय्‌कागु दु।

कलस्‍सी 1:10

प्रभुयात यःकथं याना जुयाः छिमिसं वय्‌कःयात लय्‌ताय्‌केमा, भिंगु बांलाःगु ज्‍या यानाच्‍वने फयेमा, अले परमेश्‍वरयात अज्‍ज बांलाक म्‍हसीकाः वने फयेमा,

कलस्‍सी 3:10

छिपिं आः न्‍हूपिं जुइ धुंकल। आवंलि वय्‌कःयात बांलाक म्‍हसीके फयेमा धकाः परमेश्‍वरं छिमित थःथें हे यानाः न्‍ह्याबलें न्‍हूकथं हिलादी।

२ थेसलोनिकी 1:3

छिमिगु विश्‍वास यक्‍व अप्‍वयावनाच्‍वंगु दु, अले छिमिसं थःथवय् माया यायेगु नं अप्‍वय्‌का हयाच्‍वंगु दु। थुकिया निंतिं परमेश्‍वरयात सुभाय् मब्‍यूसे मगाः।

२ तिमोथी 4:18

प्रभुं हे जितः फुक्‍क कथंया मभिंगु खं बचय् यानादी। अले थःगु स्‍वर्गयागु राज्‍यय् यंकेत वय्‌कलं जितः बचय् यानादी। वय्‌कः सदां सदां तःधना च्‍वनेमा। आमेन।

१ पत्रुस 2:2

नकतिनि बूम्‍ह मचां त्‍वनेगु शुद्ध आत्‍मिक दुरुया इच्‍छा याःथें छिमिसं नं परमेश्‍वरयागु वचन ब्‍वनेगु इच्‍छा या। अले तिनि छिपिं ब्‍वलनाः मुक्तिया निंतिं न्‍ह्यज्‍याये फइ।

२ पत्रुस 1:11

अले झीत मुक्ति बियादीम्‍ह झी प्रभु येशू ख्रीष्‍टयागु न्‍ह्याबलें दयाच्‍वनीगु राज्‍यय् छिपिं नं दुहां वने दइ।

२ पत्रुस 1:2

परमेश्‍वर व झी प्रभु येशूयात म्‍हसीका वंलिसे छिमित दया माया व शान्‍ति अप्‍वः दयावनेमा।

२ पत्रुस 1:3

पवित्र जुयाः म्‍वायेत माःगु फुक्‍क खँ झीसं परमेश्‍वरया शक्तिं हे कयाच्‍वनागु दु, छाय्‌धाःसा थःगु इज्‍जत व गुण बीत सःतादीम्‍ह परमेश्‍वरयात झीसं म्‍हस्‍यू।

२ पत्रुस 1:8

थ्‍व फुक्‍क याना जूसा छिपिं यक्‍व ज्‍या याइपिं व फल सय्‌कीपिं जुइ। अले प्रभु येशू ख्रीष्‍टयात छिमिसं बांलाक म्‍हसीके फइ।

२ पत्रुस 2:20

अले हानं झीत मुक्ति बियादीम्‍ह प्रभु येशू ख्रीष्‍टयागु भिंगु खँ न्‍यनाः थुइकाः संसारयागु मभिंगु पापी ज्‍याखँ त्‍वःता च्‍वनेधुंकूपिं मनूत हानं थ्‍व हे संसारयागु मभिंगु पापी ज्‍याखँ तुं यायेत वन धाःसा इपिं न्‍हापा स्‍वयाः तसकं मभिंपिं जुइ।

यहूदा 1:25

येशू ख्रीष्‍टपाखें झीत मुक्ति बियादीम्‍ह, छम्‍ह हे जक परमेश्‍वर सदां तःधना च्‍वनेमा। अले फुक्‍क शक्ति, अधिकार नं वय्‌कःयाके हे सदां दयाच्‍वनेमा। आमेन।

प्रकाश 1:6

वय्‌कलं परमेश्‍वर बाःयागु सेवा यायेत धकाः झीपाखें पुजाहारीतय्‌गु छगू राज्‍य स्‍वनादिल। येशू ख्रीष्‍टया न्‍ह्याबलें महिमा व आदर जुयाच्‍वनेमा। आमेन!