२ पत्रुस 3:17 - नेवाः बाइबल

¹⁷ यःपिं दाजुकिजापिं, छिमिसं थ्‍व फुक्‍क खँ सी धुंकल, अय्‌नं होश‍ यानाच्‍वँ। मखुसा मभिंपिं मनूतय्‌गु खँय् लानाः छिपिं क्‍वात्तुक च्‍वने मफयाः थःगु थासं कुतुं वनी।

२ पत्रुस 3:17 ပူးပေါင်းရင်းမြစ်များ

हितोपदेश 1:17

झंगलं खंक इमित जाः प्‍यनेगु सितिं खः।

मत्ती 16:11

जिं मरियागु खँ धयाच्‍वनागु मखु, बरु फरिसी व सदुकीतय्‌गु सोडापाखें बचय् जुयाच्‍वँ धकाः धयागु खः। छिमिसं गथे मथूगु?”

मत्ती 16:6

येशूं इमित धयादिल – “बांलाक होश या, फरिसीत व सदुकीतय्‌गु सोडापाखें बचय् जुयाच्‍वँ।”

मत्ती 7:15

“फताहा अगमवक्तात खनाः होश या, छाय्‌धाःसा थुपिं फैचायागु ख्‍वाःपालं पुया वइ। दुनें धाःसा थुपिं ग्‍यानापुपिं गुँखिचा थें जुइ।

यूहन्‍ना 16:4

इमिसं थथे याइ धकाः जिं धयागु खँ छिमिसं लुमंकेमा धकाः जिं थ्‍व खँ धयाच्‍वनागु खः। न्‍हापांनिसें हे जि छिपिंलिसे दुगुलिं जिं थ्‍व खँ मकनागु खः।”

प्रेरित 2:42

आः इपिं प्रेरितत लिसे स्‍यनेकने, प्रार्थना, प्रभु भ्‍वय् व संगति याइपिं जुल।

रोमी 16:18

थज्‍याःपिं मनूतय्‌सं झी प्रभु येशू ख्रीष्‍टयागु सेवा याइ मखु, बरु थथःगु प्‍वाःया निंतिं सेवा याना जुइ। म्‍हुतुं घ्‍यः थें नाइसे च्‍वंक खँ ल्‍हानाः स्‍वजासिजापिन्‍त ध्‍वं लाइ।

१ कोरिन्‍थी 10:12

दनाच्‍वनागु दु धकाः धाइम्‍ह मनू बांलाक होश याना च्‍वनेमाली, मखुसा क्‍वदली।

१ कोरिन्‍थी 15:58

अय्‌जूगुलिं यःपिं दाजुकिजापिं, क्‍वात्तुक विश्‍वास या, अले मन थातय् लाकाः च्‍वँ। प्रभुयागु ज्‍या याना हे च्‍वँ। थथे छिमिसं याःगु ज्‍या सितिं वनी मखु धकाः ला छिमिसं सि हे स्‍यू।

२ कोरिन्‍थी 11:3

तर जि सर्पं हव्‍वायात छलय् याः थें छिमित नं ख्रीष्‍टयागु सेवा व च्‍वखगु भक्तिपाखें तापाकी धकाः ग्‍यानाच्‍वनागु दु।

गलाती 5:4

व्‍यवस्‍था मानय् यानाः परमेश्‍वरया न्‍ह्यःने धर्मी ठहरय् जुइत स्‍वइपिं मनूत ख्रीष्‍ट येशू नाप मिलय् जुइ फइ मखु। अले थज्‍याःपिं मनूत परमेश्‍वरयागु दया मायां तापाना च्‍वनी।

एफिसी 4:14

अले झीपिं मखुगु खँ स्‍यना जुइपिं मनूतय्‌गु फय्‌गं खँय् जुइपिं मस्‍त जुइ मखु। इमिगु खं मनूतय्‌त मखुगु लँय् यंकी।

फिलिप्‍पी 3:2

खिचात थें ल्‍वाना जुइपिं, मभिंगु ज्‍या यानाजुइपिं व मुक्ति कायेत म्‍हय् चिं तयेमाः धाइपिं लिसे होश याना जु।

कलस्‍सी 2:5

म्‍ह तापाःसां जिगु नुगः ला छिमिथाय् हे दु। छिमिसं ख्रीष्‍टयात दुनुगलंनिसें क्‍वात्तुक विश्‍वास यानाच्‍वंगुलिं जि तसकं लय्‌ताः।

कलस्‍सी 2:8

होश‍ यानाच्‍वँ। मखुसा मनूतय्‌गु ज्ञान व बुद्धियागु फय्‌गं खं छिमित स्‍यंकी। थज्‍याःगु खँ ख्रीष्‍टपाखें वःगु मखु, बरु मनूतय्‌गु हे थितिकुति व संसारयापाखें वःगु खः।

२ तिमोथी 4:15

व खनाः छं नं होश‍ यानाच्‍वँ, छाय्‌धाःसा वं झीगु भिंगु खँयात तसकं मभिंकाः खँ ल्‍हानाच्‍वंगु दु।

हिब्रू 3:14

झीसं न्‍हापांनिसें लिपा तकं विश्‍वास थातं तयाच्‍वने फुसा झीपिं ख्रीष्‍टनापं च्‍वने दइ।

१ पत्रुस 5:9

विश्‍वासय् बल्‍लानाः शैतानयागु विरोध या। थ्‍व संसारय् च्‍वंपिं दाजुकिजापिन्‍सं नं छिमिसं थें दुःखकष्‍ट सियाच्‍वंगु दु धकाः छिमिसं सि हे स्‍यू।

२ पत्रुस 2:7

सदोम शहरय् च्‍वंम्‍ह लोत भिंम्‍ह मनूयात धाःसा परमेश्‍वरं बचय् यानादिल। अन शहरय् च्‍वंपिं मनूतय्‌सं याना जूगु मभिंगु ज्‍याखँ स्‍वयाः लोत वाक्‍क हे वय्‌काच्‍वंगु खः।

२ पत्रुस 3:1

यःपिं दाजुकिजापिं, थ्‍वनापं जिं छिमित पौ च्‍वयाहयागु निकः जुल। निगुली नं जिं छिमिगु यचुगु मनयात लुमंका बियाः न्‍ह्यलं चाय्‌केत थ्‍व खँ च्‍वयाहयागु खः।

प्रकाश 2:5

उकिं छिमिसं गनथाय् द्वंकागु खः लुमंकाः पश्‍चाताप यानाः न्‍हापा न्‍हापा याःथें थौंकन्‍हय् नं याये माल। मखुसा जि हे वयाः छिमिगु त्‍वाःदेवा उकिया थासं लिकयाबी। उकिं छिमिसं पश्‍चाताप याये हे माः।