२ पत्रुस 3:14 - नेवाः बाइबल

¹⁴ अय्‌जूगुलिं यःपिं दाजुकिजापिं, थथे गुबलय् जुइ धकाः पिया च्‍वनीपिं जुयाः छिमिसं प्रभुयात लय्‌ताय्‌केत कुतः याना च्‍वँ। पापी ज्‍या याना मजुसे पवित्र जुयाच्‍वँ। थुकथं छिपिं परमेश्‍वर नाप मिलय् जुयाच्‍वँ।

२ पत्रुस 3:14 ပူးပေါင်းရင်းမြစ်များ

मत्ती 24:26

“मनूतय्‌सं छिमित ‘मुक्ति बीम्‍ह ख्रीष्‍ट मरुभूमिइ झायाच्‍वंगु दु’ धकाः धाः वःसां छिपिं अन वने मते। इमिसं ‘वय्‌कः ला क्‍वथाय् दुने दु’ धकाः धाःसां छिमिसं पत्‍याः याये मते।

मत्ती 25:7

“इपिं झिम्‍हय्‌सिनं दनाः थथःगु मत मिलय् यात।

लूका 12:43

वं अथे ज्‍या यानाच्‍वंगु वया मालिकं खन धाःसा वयात गुलि स्‍याबास बी।

लूका 2:29

“परमप्रभु, छिं धयादीगु थ्‍व हे खँ थौं जिगु मिखां स्‍वयेदत। आः जि याउँक सिना वंसां जिल।

१ कोरिन्‍थी 1:8

झी प्रभु येशू ख्रीष्‍ट झायादीबलय् तक परमेश्‍वरं छिमित विश्‍वासय् क्‍वात्तुकाः द्वं मदुम्‍ह यानातयादी।

१ कोरिन्‍थी 15:58

अय्‌जूगुलिं यःपिं दाजुकिजापिं, क्‍वात्तुक विश्‍वास या, अले मन थातय् लाकाः च्‍वँ। प्रभुयागु ज्‍या याना हे च्‍वँ। थथे छिमिसं याःगु ज्‍या सितिं वनी मखु धकाः ला छिमिसं सि हे स्‍यू।

फिलिप्‍पी 1:10

थथे जूसा जक छिमिसं भिंगु भिंगु खँयात ल्‍यया काये फइ। अले ख्रीष्‍ट झाइबलय् छिपिं शुद्धपिं व दोष मदुपिं जुइ फइ।

फिलिप्‍पी 2:15

उकिं छिपिं दोष मदुपिं व स्‍वजापिं जुयाः पापी व मभिंगु मनूतय्‌गु पुचलय् छुं हे ख्‍वं मदय्‌क परमेश्‍वरया मस्‍त जुयाच्‍वँ। नगुतय्‌सं आकाशय् झल्‍ल थीकू थें छिपिं नं इमिगु पुचलय् थिना च्‍वँ।

फिलिप्‍पी 3:20

झीपिं ला स्‍वर्गया नागरिकत खः। झीपिं मुक्ति बीम्‍ह झी प्रभु येशू ख्रीष्‍ट स्‍वर्गं झाइतिनि धकाः लँ स्‍वया च्‍वनापिं खः।

१ थेसलोनिकी 3:13

प्रभु येशू थः मनूत नाप झायादीबलय् परमेश्‍वर बाःया न्‍ह्यःने दोष मदुपिं व पवित्र जुया च्‍वनेत वय्‌कलं छिमित बल्‍लाकादीमा।

१ थेसलोनिकी 5:23

झीत शान्‍ति बियादीम्‍ह परमेश्‍वरं हे छिमित पवित्र यानाः प्रभु येशू ख्रीष्‍ट झाया मदितले छिमिगु आत्‍मा, प्राण व म्‍हयात दोष मदय्‌क तयादीमा।

१ तिमोथी 6:14

झी प्रभु येशू ख्रीष्‍ट मझातले छं जिं धया थें बांलाक व सुनानं धाये ल्‍हाये थाय् मदय्‌क याना च्‍वँ।

हिब्रू 9:28

अथे हे तःम्‍हय्‌सिगु पाप हुया छ्वयेत ख्रीष्‍ट नं छकः सिनादिल। वय्‌कः निक्‍वः खुसि नं झाइतिनि। उबलय् वय्‌कः पाप हुया छ्वयेत मखु, बरु वय्‌कःयागु लँ स्‍वयाच्‍वंपिन्‍त बचय् यायेत झाइ।

याकूब 1:27

परमेश्‍वर बाःयात यःगु भिंगु बांलाःगु धर्म ला मांबौ मदुपिं मस्‍तय्‌त व भाःत मदय्‌ धुंकूपिं मिसातय्‌त दुःख जुइबलय् ग्‍वाहालि यायेगु, अले थ्‍व संसारय् मभिंगु ज्‍याखँ मयासें पवित्र जुयाच्‍वनेगु खः।

१ पत्रुस 1:7

थुकिं ला झन जक छिमिगु विश्‍वास शुद्ध व भिं धकाः क्‍यनी। स्‍यनावनीगु लुँ ला मिइ तयाः जाँचय् याना स्‍वइ। छिमिगु विश्‍वास ला लुँ स्‍वयाः यक्‍वं भिं। अय्‌जूगुलिं येशू ख्रीष्‍ट झायादीबलय् छिमित नं तःधंकी, च्‍वय् तइ, अले धन्‍यपिं धकाः धाइ।

२ पत्रुस 3:1

यःपिं दाजुकिजापिं, थ्‍वनापं जिं छिमित पौ च्‍वयाहयागु निकः जुल। निगुली नं जिं छिमिगु यचुगु मनयात लुमंका बियाः न्‍ह्यलं चाय्‌केत थ्‍व खँ च्‍वयाहयागु खः।

२ पत्रुस 3:16

पावलं च्‍वयातःगु पौलय्‌ नं थ्‍व हे खँ न्‍ह्यथनातःगु दु। गनं गनं पावलं च्‍वयातःगु खँ थुइकेत थाकु। बांलाक मस्‍यूपिं मनूतय्‌सं व क्‍वात्तुक विश्‍वास यानाच्‍वने मफुपिं मनूतय्‌सं ला च्‍वयातःगु खँया अर्थ हे हीका छ्वइ। थथे हे इमिसं धर्मशास्‍त्रयागु अर्थ नं हीका छ्वइ। थथे इमिसं थःत थःम्‍हं हे स्‍यंकी।

१ यूहन्‍ना 3:3

थथे ख्रीष्‍टयाके आशा यानाच्‍वंपिं वय्‌कः थें पवित्र जुयाः च्‍वनेमाः।