२ पत्रुस 3:12 - नेवाः बाइबल

¹² परमेश्‍वर झायादीगु ई पियाच्‍वँ। अबलय् आकाश छ्वयाः नौ जुयावनी। आकाशय् च्‍वंगु फुक्‍कं क्‍वानाः नायावनी।

२ पत्रुस 3:12 ပူးပေါင်းရင်းမြစ်များ

भजनसंग्रहया सफू 50:3

झी परमेश्‍वर झाइतिनि, अले वय्‌कः सुम्‍क च्‍वनादी मखु, वय्‌कःया न्‍ह्यःने भस्‍म याइगु मि दु, अले वय्‌कःया छचाःखेरं ग्‍यानापुगु ग्‍वःफय् दु।

यशैया 24:19

पृथ्‍वी चिरिबाइ अले चिरिबायाः निगू ब्‍वः जुइ। पृथ्‍वी तसकं सनी।

यशैया 34:4

आकाशया फुक्‍क नगुत तनावनी। अले आकाश भ्‍वँ थू तु थें तनावनी। दाखया मां सुकूचिंगु हःत व यःमरिमां सुकूचिंगु फलत कुतुं वः थें आकाशया नगु-नक्षत्रत कुतुंवइ।

मीका 1:4

वय्‌कःया क्‍वय् पहाडत नायावनी, अले ब्‍यासित निब्‍व जुइ। पहाडत मिइ मैन नायावं थें नायावनी, भीरं लः क्‍वहां वः थें ल्‍वहंत सुल्‍ल क्‍वहां वनी।

मत्ती 16:27

आः याकनं हे परमेश्‍वरं मनूया काय्‌यात झःझः धाय्‌क स्‍वर्गदूतत नाप छ्वयाहयादी। अले वय्‌कलं छम्‍ह छम्‍ह मनूयात इमिगु ज्‍या स्‍वयाः सिरपाः बियादी।

मत्ती 16:28

जिं छिमित खःगु खँ धाये – थन दनाच्‍वंपिं मध्‍ये गुलिखय्‌ मनूत मनूया काय् जुजु जुयाः थःगु राज्‍यय् वःगु मखंतले ला सी तकं मखुनि।”

फिलिप्‍पी 1:6

छिमिगु नुगलय् भिंगु ज्‍या शुरु यानादीम्‍हय्‌सिनं हे येशू ख्रीष्‍ट झायादीबलय् तकं फुक्‍क ज्‍या सिधय्‌कादी धयागु जितः विश्‍वास दु।

तीतस 2:13

झीत मुक्ति बियादीम्‍ह, झीम्‍ह तःधंम्‍ह परमेश्‍वर येशू ख्रीष्‍ट हानं झाइतिनि। झीपिं थ्‍व हे तःधंगु आशायागु लँ स्‍वयाच्‍वने।

२ पत्रुस 3:10

प्रभु झायादीगु सुनानं सी मखु। अबलय् आकाश तसकं सः वयाः मदयावनी। अले आकाशय् च्‍वंगु दक्‍व फुक्‍कं छ्वयाः नौ जुयावनी। पृथ्‍वी व पृथ्‍वीइ च्‍वंगु नं दक्‍व फुक्‍कं नाश जुयावनी।

२ पत्रुस 3:11

थथे फुक्‍कं नाश जुया वनीगुलिं छिपिं गज्‍याःपिं मनूत जुयाः म्‍वानाच्‍वनेमाः? छिमिसं पवित्र जुयाः, थःत परमेश्‍वरयात देछायाः म्‍वानाच्‍वनेमाः।

२ पत्रुस 3:4

इमिसं थथे धाइ – “येशू झायादी धकाः धयागु मखु ला? ग्‍व, गन दु येशू? जिमि तापाःबाज्‍यापिं सिनावने धुंकल। सृष्‍टि याःबलय् निसें थौं तक नं अथे हे तिनि, छुं नं मपाः।”

२ पत्रुस 3:7

परमेश्‍वरयागु वचनं हे आःयागु आकाश व पृथ्‍वीयात मिइ छ्वय्‌केत बचय् यानातःगु दु। पापी मनूतय्‌त न्‍याय यानाः नाश मयातले आकाश व पृथ्‍वी दयाच्‍वनी।

यहूदा 1:21

परमेश्‍वरयात मानय् यायेगु गुबलें त्‍वःते मते। झी प्रभु येशू ख्रीष्‍ट झायाः छिमित दया यानाः अनन्‍त जीवन बियादीतिनि धकाः छिपिं पियाच्‍वँ।