२ पत्रुस 2:7 - नेवाः बाइबल

⁷ सदोम शहरय् च्‍वंम्‍ह लोत भिंम्‍ह मनूयात धाःसा परमेश्‍वरं बचय् यानादिल। अन शहरय् च्‍वंपिं मनूतय्‌सं याना जूगु मभिंगु ज्‍याखँ स्‍वयाः लोत वाक्‍क हे वय्‌काच्‍वंगु खः।

२ पत्रुस 2:7 ပူးပေါင်းရင်းမြစ်များ

उत्‍पत्ति 13:13

सदोमया मनूत तसकं दुष्‍ट व परमप्रभुया विरोधय् पाप यानाजुइपिं खः।

उत्‍पत्ति 19:16

लोत धाःसा अथें च्‍वनाच्‍वन। उकिं निम्‍ह मनुखं लोत, वया कलाः व निम्‍ह म्‍ह्याय्‌पिनिगु ल्‍हाः ज्‍वनाः शहर पिने ब्‍वनाहल। छाय्‌धाःसा परमप्रभुं इमित दया यानादीगु दु।

उत्‍पत्ति 19:22

याकनं हुँ। छिपिं अन मथ्‍यंतले जिमिसं छुं याये मखु।” (लिपा थ्‍व शहरयागु नां सोअर च्‍वन।)

उत्‍पत्ति 19:29

थुकथं परमेश्‍वरं लोत च्‍वनाच्‍वंगु ब्‍यासीइ च्‍वंगु शहरयात नाश यानादीबलय् अब्राहामयात लुमंकादिल। अले लोतयात अनं बचय् यानाः हयादिल।

उत्‍पत्ति 19:5

अले लोतया नां कयाः ततःसलं हाल, “बहनिइ छन्‍थाय् वःपिं मनूत ग्‍व? इमित पिने हजि। जिमित इपिं नाप द्यनेब्‍यु।”

भजनसंग्रहया सफू 120:5

धिक्‍कार दु जितः, छाय्‌धाःसा जि मेशेकय् परदेशी जुयाः च्‍वनेमाली, अले केदारया पालतय्‌गु दथुइ च्‍वनेमाःगु दु।

यर्मिया 23:9

अगमवक्तातय्‌गु बारे धाःसा जिगु नुगः पिच्‍याःगु दु। जिगु फुक्‍क क्‍वँय् थुरथुर खानाच्‍वंगु दु। परमप्रभु व वय्‌कःया पवित्र वचनया कारणं जि अय्‌लाखं काःम्‍ह मनू थें जूगु दु। दाखमद्यं काःम्‍ह मनू थें।

१ कोरिन्‍थी 10:13

मनूतय्‌सं सह याये मफइगु जाँचय् छिपिं लाःगु मदु। परमेश्‍वर विश्‍वास याये बहःम्‍ह खः। सह याये हे मफय्‌क छिमित वय्‌कलं जाँचय् लाकादी मखु। तर छिमिसं सह याये फयेमा धकाः जाँच नापनापं बचय् जुइगु लँ नं बियादी। थुकथं छिमिसं उकियात सह याये फइ।

२ पत्रुस 2:18

इमिसं तःधंछुयाः फुइँफाँय् याना जुइ। अले नकतिनि हे जक पापं लिचिलाः धर्मी जुइत कुतः यानाच्‍वंपिं मनूतय्‌त नं लोभ क्‍यनाः मोजमज्‍जा यायेगुलिइ साला हइ।

२ पत्रुस 2:2

अथे इमिसं धाःगु मखुगु खँ न्‍यनाः यक्‍व मनूत मभिंगु लँय् वनी। अथे मभिंगु लँय् वनाः मभिंगु ज्‍याखँ यानाजूपिन्‍सं यानाः मनूतय्‌सं सत्‍ययागु लँयात हे मभिं धकाः धाइ।

२ पत्रुस 3:17

यःपिं दाजुकिजापिं, छिमिसं थ्‍व फुक्‍क खँ सी धुंकल, अय्‌नं होश‍ यानाच्‍वँ। मखुसा मभिंपिं मनूतय्‌गु खँय् लानाः छिपिं क्‍वात्तुक च्‍वने मफयाः थःगु थासं कुतुं वनी।

यहूदा 1:4

न्‍हापा हे दोषी ठहरय् जूपिं गुम्‍हं गुम्‍हं मनूत छिमिगु पुचलय् मसीक दुहां वःगु दु। इमिसं परमेश्‍वरयात मानय् मयाः। वय्‌कलं बियादीगु दया मायायात इमिसं मभिंगु ज्‍याय् छ्यलाच्‍वंगु दु। अले येशू ख्रीष्‍टयात छम्‍ह हे जक प्रभु व मालिक खः धकाः नं इमिसं मानय् मयाः।