२ पत्रुस 2:6 - नेवाः बाइबल

⁶ अथे हे सदोम व गमोरा धाःगु शहरतय्‌त नं परमेश्‍वरं मिं छ्वय्‌काः भस्‍म यानादिल। मभिंपिं मनूत फुक्‍कं अज्‍याःगु हे गति जुयाः सिनावनेमाली धकाः संसारय् च्‍वंपिं मनूतय्‌त ख्‍याच्‍वः बियादिल।

२ पत्रुस 2:6 ပူးပေါင်းရင်းမြစ်များ

उत्‍पत्ति 19:28

वं सदोम व गमोराया फुक्‍क थासय् स्‍वल। अले वं अगलं कुँत्‍याः पिहां वयाच्‍वं थें व थासं कुँ पिहां वयाच्‍वंगु खन।

यशैया 1:9

“दक्‍व शक्ति दुम्‍ह परमप्रभुं झीत सन्‍तान ल्‍यंका मदीगु जूसा सदोम व गमोरायागु गति जू थें तुं झीगु नं अथे हे गति जुइगु खः।”

यशैया 13:19

बेबिलोन छगू तसकं बांलाःगु राज्‍य खः। अन च्‍वंपिं मनूतय्‌सं उकी हे गर्व याइ। तर परमेश्‍वरं सदोम व गमोरायात थें उकियात नाश यानादी।

यर्मिया 50:40

“सदोम व गमोरा अले उकिया जःखः च्‍वंगु शहरतय्‌त जि परमेश्‍वरं नाश यानागु थें, बेबिलोनय् सुं मनू च्‍वनी मखु। सुं नं मनू अन च्‍वनाच्‍वनी मखु। परमप्रभुं धयादी,

होशे 11:8

“अय् एफ्राइम, जिं छन्‍त गथे यानाः त्‍वःते फइ? अय् इस्राएल, जिं छन्‍त गथे यानाः दुष्‍टतय्‌गु ल्‍हातिइ लःल्‍हाये फइ? जिं छन्‍त गथे यानाः अदमायात थें नाश याये फइ? जिं छन्‍त गथे यानाः सबोयीमयात थें स्‍यंके फइ? जिगु मन जिगु दुने हिले धुंकल। जिगु मन दया मायां जाये धुंकल।

आमोस 4:11

“जिं छिपिं मध्‍ये गुलिंसित सदोम व गमोरायात थें नाश याना। छिपिं च्‍यानाच्‍वंगु मिं लिकागु ह्यंग्‍वाः थें जुल, अथे जूसां छिपिं जिथाय् फहिला मवः,” परमप्रभुं धयादी।

सपन्‍याह 2:9

अथे जुयाः जि धात्‍थें म्‍वाःम्‍ह खः थें” दक्‍व शक्ति दुम्‍ह परमप्रभु इस्राएलया परमेश्‍वरं धयादी, “धात्‍थें मोआब सदोम थें व अम्‍मोनीत गमोरा थें न्‍हाय्‌कंमा बुया वइगु थाय् व चिया गा दुगु थाय् व सदांया निंतिं गंगु थाय् जुइ। अले जिमि ल्‍यंदुपिं प्रजातय्‌सं इमित लुतय्‌ याइ, अले इमिगु देय् अधिकार याइ।”

गन्‍ती 16:38

पाप यानाः थःगु हे प्राणयात स्‍यंकूपिनिगु गुँगू थनेगु मकःतय्‌त मुगलं दादां वेदीइ हिनेगु पाता दय्‌कि। छाय्‌धाःसा उपिं परमप्रभुया न्‍ह्यःने देछाःगु जुयाः पबित्रगु खः। उपिं पाता धाःसा इस्राएलीतय्‌गु निंतिं चिं जुइमा।”

गन्‍ती 26:10

पृथ्‍वीं थःगु म्‍हुतु चाय्‌काः इमित कोरह नापं हे नुनाछ्वःगु खः। कोरहया पुचःयापिं २५० म्‍ह मनूतय्‌त नं मिं नाश यात। अथे जुयाः इपिं छगू छुमां जुल।

मत्ती 10:15

जिं छिमित खःगु खँ धाये – न्‍याय यानादीबलय् परमेश्‍वरं सदोम व गमोरा शहरय् च्‍वंपिन्‍त स्‍वयाः अप्‍वः थ्‍व शहरय् च्‍वंपिन्‍त सास्‍ती यानादी।”

मत्ती 11:23

“हे कफर्नहुमय् च्‍वंपिं मनूत, छिमित छु स्‍वर्गय् थत यनी धयाच्‍वनागु ला? छिमित ला नरकय् क्‍वफाइ। छिमिथाय् याःगु अजू चायापुगु ज्‍याखँ सदोमय् याःगु जूसा आः तक नं सदोम दयाच्‍वनीगु जुइ।

रोमी 9:29

यशैयां हानं थथे धयातःगु दु – “दक्‍व शक्ति दुम्‍ह परमेश्‍वरं झीत सन्‍तान ल्‍यंका मदीगु जूसा सदोम व गमोरायागु गति जू थें तुं झीगु नं अथे हे गति जुइगु खः।”

१ कोरिन्‍थी 10:11

इमित अथे जूगु खँ झीसं नं सीके फयेमा धकाः व झीत ख्‍याच्‍वः बीत नं च्‍वयातःगु खः। झीपिं च्‍वनाच्‍वनागु संसार आः फुना वनिन।

व्‍यवस्‍था 29:23

थ्‍व देशया फुक्‍क जमिन चि व गन्‍धकं झौ जुइ। अन छुं पी नं मज्‍यू, छुं बुया नं वइ मखु, अन घाँय्‌ तक नं बुयावइ मखु। थ्‍व परमप्रभुं थःगु तंम्‍वय् नाश यानादीगु सदोम व गमोरा, अदमा व सबोयीम थें जुइ।

हिब्रू 4:11

थथे जूगुलिं झीसं नं फक्‍व कुतः यानाः झासु लने थाय् वनेगु स्‍वये माल। तापाःबाज्‍यापिन्‍सं वय्‌कःयात मानय् मयाःगुलिं वय्‌कः नाप झासु लने मखन, उकिं झीसं नं इमिसं थें याये मज्‍यू।

यहूदा 1:15

अले थज्‍याःपिं फुक्‍क मनूतय्‌त न्‍याय यानादी। परमेश्‍वरयात मानय् मयाइपिन्‍त, अले वय्‌कःयात मभिंकाः पापी ज्‍या जक यानाच्‍वंपिं फुक्‍कसितं दोषी ठहरय् यानाः सजाँय बियादी।

यहूदा 1:7

अथे हे सदोम व गमोरा अले वया जःखः च्‍वंगु शहरयापिन्‍सं छगूया ल्‍यू मेगु यायां घच्‍चाइपुगु व्‍यभिचारया ज्‍या याना हल। परमेश्‍वरं इमित गुबलें मसीगु मिइ तयाः नमूना दय्‌कादिल।