२ पत्रुस 2:21 - नेवाः बाइबल

²¹ थज्‍याःपिं मनूतय्‌सं थःपिन्‍त बियातःगु पवित्र आज्ञायात सीक सीकं त्‍वःताछ्वयेगु स्‍वयाः ला गुब्‍सं हे मन्‍यंगु जूसा तसकं बांलाइगु खः।

२ पत्रुस 2:21 ပူးပေါင်းရင်းမြစ်များ

भजनसंग्रहया सफू 125:5

तर मखुगु लँपुइ वनिपिन्‍त दुष्‍टतनापं हे परमप्रभुं पितिना छ्वयादिसँ। इस्राएलय् शान्‍ति जुइमा।

भजनसंग्रहया सफू 85:8

परमप्रभु परमेश्‍वरं छु धयादी व जिं न्‍यने। छाय्‌धाःसा वय्‌कलं थः विश्‍वास यायेबहःपिंलिसे शान्‍तिया खँ ल्‍हाइ। तर इपिं हाकनं मूर्ख लँय् मवनेमा।

हितोपदेश 12:28

धार्मिकताया लँपुइ जीवन दु, थ्‍वं गुबलें नं मृत्‍युपाखे यंकी मखु।

हितोपदेश 16:31

तुयुगु सँ तःजिगु हनाबनाया मुकुट खः, भिंगु ज्‍यां जक थ्‍व चूलाइ।

इजकिएल 18:24

“तर धर्मी मनुखं थःगु धार्मिकता त्‍वःताः पापयात, अले दुष्‍ट मनुखं याःगु घच्‍चाइपुगु ज्‍या यात धाःसा छु व म्‍वाइ ला? वं न्‍हापा याःगु छुं नं धर्मया ज्‍या लुमंकीगु जुइ मखु। वयागु विश्‍वासघात व वं याःगु पापया कारणं व सी।

इजकिएल 23:13

व नं अशुद्ध जुइ धुंकूगु जिं खना। इपिं निम्‍हं तताकेहेँपिं छगू हे लँय् वन।

इजकिएल 3:20

“हाकनं सुं धर्मी मनू थःगु धार्मिकतां लिहां वयाः मभिंगु ज्‍या यात, धाःसा जिं वयागु न्‍ह्यःने लुफिं हाइगु ल्‍वहं तये अले इपिं सी। छं वयात ख्‍याच्‍वः मब्‍यूगुलिं इपिं थःगु हे पापया कारणं सी। इमिसं याःगु धर्मया ज्‍यायात लुमंकीगु जुइ मखु। इमिगु हियागु ल्‍याःचाः जिं छंके काये।

इजकिएल 33:13

जिं उम्‍ह धर्मीम्‍ह मनूयात ‘छ धात्‍थें म्‍वाइ’ धकाः धाइबलय् वं थःगु धार्मिकताय् भलसा तयाः मभिंगु ज्‍या यात धाःसा वयागु छुं नं धार्मिकताया ज्‍यायात लुमंकीगु जुइ मखु। वं याःगु मभिंगु ज्‍याया कारणं हे व सी।

सपन्‍याह 1:6

परमप्रभुयागु ल्‍यू वनेगु त्‍वःता वंपिन्‍त, अले वय्‌कःयात ममालीपिं व वय्‌कःयाके न्‍यनेकने मयाःपिन्‍त जिं न्‍हंकाबी।”

मत्ती 21:32

भिंगु व धात्‍थेंगु लँपु क्‍यनेत बप्‍तिस्‍मा बीम्‍ह यूहन्‍ना छिकपिन्‍थाय् वल, अय्‌नं छिकपिन्‍सं वयागु खँ न्‍यनामदी। बरु कर काइपिं मनूतय्‌सं व वेश्‍यातय्‌सं वयागु खँय् विश्‍वास यात। इमिसं याःगु फुक्‍कं खंक खंक नं छिकपिन्‍सं पश्‍चाताप मयात धाःसा अले वयात विश्‍वास यानामदी।”

लूका 12:47

“मालिकं या धकाः धयाथकूगु खँ स्‍यूसां हेपय् यानाः मयाइम्‍ह च्‍यःयात तसकं तःधंगु सजाँय बी।

यूहन्‍ना 15:22

जि वयाः जिं इमित फुक्‍कं मकंगु जूसा इमित पाप लाइ मखुगु। तर आः धाःसा इमिगु पाप त्‍वपुइगु लँ हे मन्‍त।

यूहन्‍ना 9:41

वय्‌कलं इमित धयादिल – “छिकपिं कां जूगु जूसा पापी जुयादी मखुगु। अय्‌नं छिकपिन्‍सं ‘जिपिं कां मखु’ धकाः धाःगुलिं छिकपिन्‍के पाप दया हे च्‍वनी।”

रोमी 7:12

अय्‌जूगुलिं व्‍यवस्‍था पवित्रगु खः। अले आज्ञा नं पवित्र, धर्मी व भिंगु खः।

गलाती 6:2

छम्‍हय्‌सिनं मेम्‍हय्‌सित दुःखबलय् ग्‍वाहालि यायेगु या। थुकथं छिमिसं ख्रीष्‍ट येशूयागु आज्ञा पूवंकी।

१ थेसलोनिकी 4:2

जिमिसं स्‍यना थकागु वय्‌कःयागु अधिकारयागु खँ छिमिसं सि हे स्‍यू।

१ तिमोथी 6:14

झी प्रभु येशू ख्रीष्‍ट मझातले छं जिं धया थें बांलाक व सुनानं धाये ल्‍हाये थाय् मदय्‌क याना च्‍वँ।

हिब्रू 10:26

सत्‍य छु खः धयागु सीधुंकाः नं झीसं पाप याना जुल धाःसा झीगु पाप हुयाछ्वयेगु गुगुं बलिदान हे दइ मखुत।

याकूब 4:17

अय्‌जूगुलिं सीक सीकं नं भिंगु ज्‍याखँ मयाइम्‍ह मनूयात पाप लाइ।

२ पत्रुस 3:2

पवित्रपिं अगमवक्तातय्‌सं न्‍हापा न्‍हापा धयाथकूगु खँ छिमित लुमंकाबीत जिं कुतः यानाच्‍वनागु खः। अले हानं प्रेरिततय्‌सं न्‍यंका थकूगु मुक्ति बियादीम्‍ह प्रभुयागु आज्ञायात लुमंका बियाच्‍वनागु खः।

यहूदा 1:3

यःपिं दाजुकिजापिं, जिं छिमित परमेश्‍वरं झी सकसितं इना बियादीगु मुक्तियागु खँ च्‍वयेगु मतिइ तयागु खः। अय्‌नं आः छिमित परमेश्‍वरं बियादीगु सत्‍य खँय् हे छिपिं क्‍वात्तुक च्‍वनाच्‍वँ धकाः न्‍वायेगु हे जितः तसकं बांलाः ताल।