२ पत्रुस 2:17 - नेवाः बाइबल

¹⁷ थज्‍याःपिं मनूत सुनावने धुंकूगु बुंगाःचा थें खः, अले हानं इपिं ग्‍वःफसं पुइके यंकूगु सुपाँय् थें खः। इमिगु निंतिं परमेश्‍वरं तसकं खिउँसे च्‍वंगु गाः दय्‌कादीगु दु।

२ पत्रुस 2:17 ပူးပေါင်းရင်းမြစ်များ

यर्मिया 14:3

वया भारदारतय्‌सं थः च्‍यःतय्‌त लः काय्‌के छ्वइ। इपिं तुंथिइ वनी, तर इमित लः दइ मखु। इपिं खालिगु लः थल ज्‍वनाः लिहां वइ। इमिसं निराश जुयाः व लज्‍या चायाः थःगु छ्यं त्‍वपुइ।

होशे 6:4

“अय् एफ्राइम, जिं छन्‍त छु यायेगु? अय् यहूदा, जिं छन्‍त छु यायेगु? छंगु दयामाया सुथया खसु थें व याकनं मदयावनीगु सुतिलः थें च्‍वं।

मत्ती 22:13

अले जुजुं थः च्‍यःतय्‌त थथे धकाः धाल – ‘थ्‍व मनूयात ल्‍हाःतुति चिनाः पिने खिउँथाय् वान्‍छ्वया ब्‍यु। अन हे ख्‍व जक ख्‍वयाः वा न्‍ह्ययाच्‍वनी।’”

मत्ती 25:30

थ्‍व ज्‍यालगय् मजूम्‍ह च्‍यःयात धाःसा पिने खिउँथाय् वांछ्वये यंकि। अन हे थ्‍व ख्‍व जक ख्‍वयाः वा न्‍ह्ययाच्‍वनी।”

मत्ती 8:12

राज्‍यय् थ्‍याःपिं मनूतय्‌त धाःसा पिने तसकं खिउँसे च्‍वंथाय् वान्‍छ्वया हइ। अले इपिं अन ख्‍व जक ख्‍वयाः वा न्‍ह्ययाच्‍वनी।”

एफिसी 4:14

अले झीपिं मखुगु खँ स्‍यना जुइपिं मनूतय्‌गु फय्‌गं खँय् जुइपिं मस्‍त जुइ मखु। इमिगु खं मनूतय्‌त मखुगु लँय् यंकी।

हिब्रू 12:18

छिपिं परमेश्‍वरयाथाय् वनेगु थी फइगु सीनै पर्वतय् वये थें मखु। इस्राएलीत धाःसा मित्‍याः पिहां वयाच्‍वंगु सीनै पर्वतय् वःगु खः। अन हाकुगु सुपाचं त्‍वपुयातःगु व ग्‍वःफय् वयाः खिउँसे च्‍वनाच्‍वंगु खः।

२ पत्रुस 2:4

पाप याःपिं स्‍वर्गदूततय्‌त हे नं परमेश्‍वरं ल्‍यंका मदिसे नरकय् छ्वयादिल। न्‍याय याइगु दिं मवतले इमित नरकया खिउँथासय् चिनाः तया तल।

यहूदा 1:6

थःगु ज्‍या मयासें छेँ त्‍वःतावःपिं स्‍वर्गदूततय्‌त दकलय् लिपा न्‍याय यानादीत वय्‌कलं गुब्‍सं मब्‍यनिकथं चिनाः खिउँथाय् कुनादिल।