२ पत्रुस 2:14 - नेवाः बाइबल

¹⁴ इमिसं न्‍ह्याबलें व्‍यभिचार यायेत जक स्‍वयाच्‍वनी। न्‍ह्याक्‍व हे पाप याना जूसां इपिं गुबलें लुमधं। इमिसं बमलाःपिं मनूतय्‌त थःगु ल्‍हातय् काइ। अले इमिगु मन हे लोभ यायेगु ज्‍याय् लाये धुंकल। परमेश्‍वरयागु सराः इमित हे लाइ।

२ पत्रुस 2:14 ပူးပေါင်းရင်းမြစ်များ

अय्‍यूब 31:7

जिगु पलाः मखुगु लँय् वंगु दुसा, जिगु मनं मिखाया इच्‍छा कथं याःगु दुसा, अथवा जिगु ल्‍हातय् दाग प्‍यपुनाच्‍वंगु दुसा,

अय्‍यूब 31:9

“जिगु मन थः जःलाखःलाया कलाःपाखे वंगु दुसा अले वयागु छेँया लुखाय् जिं वयात पियाच्‍वनागु दुसा,

हितोपदेश 5:6

व जीवनया लँय् जुइ मखु वयागु लँ बेक्‍वः। तर वं छुं हे सी मखु।

हितोपदेश 6:25

इमिगु हिसिइ थःत तंके मते, अले इमिगु मिखाय् झुमिं वने मते।

यशैया 1:16

छिपिं थःम्‍हं थःत सिलाः शुद्ध या। जिं खनागु पाप ज्‍या छिमिसं यायेगु त्‍वःताछ्व। मभिंगु ज्‍याखँ त्‍वःति।

यशैया 34:5

जिगु तरवार आकाशय् खनेदः वःगु दु। स्‍व, थुकिं गुकथं एदोमया सन्‍तानयात न्‍याय यानादी। थ्‍व जातियात जिं भज्‍यंक नाश याये त्‍यनागु दु।

यशैया 65:20

“छुं दिं तक म्‍वानाच्‍वंम्‍ह ह्याउँ मचा वा थःगु पूरा दँ म्‍वायेमखंम्‍ह बुराम्‍ह मनू अन गुबलें दइ मखु। सछि दँ तक म्‍वानाः सीम्‍हय्‌सित ल्‍याय्‌म्‍ह ताय्‌की। अले सछि दँ तक मम्‍वाःम्‍हय्‌सित सराः लाःम्‍ह ताय्‌की।

यर्मिया 13:23

छु हब्‍सीनं थःगु छेंगू व चितुवां थःगु चातः हिले फइ ला? न छिपिं मभिं ज्‍या यायेगु बानी दुपिन्‍सं भिं याये फइ।

इजकिएल 13:18

‘परमप्रभु परमेश्‍वरं थथे धयादी – धिक्‍कार दु, उपिं मिस्‍तय्‌त गुपिन्‍सं थःगु नाडीइ जन्‍तर ची अले मनूतय्‌गु प्राण जालय् लाकेत इमिगु म्‍हधिकःकथं छ्यं त्‍वपुइगु गाबः दय्‌की। छु छिमिसं जिमि मनूतय्‌गु प्राणयात जालय् लाकाः थःगु प्राणयात धाःसा बचय् यानातयेगु ला?

मत्ती 12:34

अय् सर्पया मस्‍त, छिपिं थें ज्‍याःपिं मभिंपिं मनूतय्‌सं गथे यानाः भिंगु खँ ल्‍हाये फइ? छाय्‌धाःसा नुगलय् च्‍वंगु खँ हे म्‍हुतुं नवाइ।

मत्ती 23:14

शास्‍त्रीत व फरिसीत, छिमित धिक्‍कार दु। छिपिं निपाः ख्‍वाःपाः दुपिं खः, छाय्‌धाःसा छिमिसं भाःत मदुपिं मिसातय्‌गु छेँ लुतय् यानाच्‍वंगु दु। अय्‌नं छिमिसं मनूतय्‌त क्‍यनेत ताःहाकय्‌क प्रार्थना याना जुइ। उकिं छिमित मेपिन्‍त स्‍वयाः अप्‍वः सजाँय बी।

मत्ती 25:41

“अले वं थःगु खव ल्‍हाःपाखे च्‍वंपिन्‍त थथे धाइ – ‘सराः बियातःपिं, छिपिं जिथाय् वये मते। शैतान व वया दूततय्‌त धकाः च्‍याकातःगु गुबलें मसीगु मिइ क्‍वब्‍वाः हुँ।

मत्ती 5:28

तर जिं छिमित धाये – सुनानं सुं मिसायात बांमलाःगु मिखां स्‍वल धाःसा वं मनं मनं व्‍यभिचार याये धुंकी।

मर्कूस 13:22

छाय्‌धाःसा उबलय् फताहा ख्रीष्‍ट व अगमवक्तात खनेदय्‌कः वइ। इमिसं फतिंफतलय् परमेश्‍वरं ल्‍ययातःपिं मनूतय्‌त झंगःलाय्‌त ततःधंगु चिं व अजू चायापुगु ज्‍या यानाक्‍यनी।

यूहन्‍ना 5:44

छिमिसं थःथवय् तःधंका च्‍वन, तर परमेश्‍वरं तःधंकीगुलिइ छिमिसं वास्‍ता मया। छिमिसं गथे यानाः विश्‍वास याये फइ?

रोमी 16:18

थज्‍याःपिं मनूतय्‌सं झी प्रभु येशू ख्रीष्‍टयागु सेवा याइ मखु, बरु थथःगु प्‍वाःया निंतिं सेवा याना जुइ। म्‍हुतुं घ्‍यः थें नाइसे च्‍वंक खँ ल्‍हानाः स्‍वजासिजापिन्‍त ध्‍वं लाइ।

१ कोरिन्‍थी 11:19

भिंम्‍ह मनू म्‍हसीकेत ला थथे ल्‍वापु नं दयेमाः मखु ला?

एफिसी 2:3

झीपिं नं छकः इपिं थें हे जुइ धुनागु दु, झीसं नं थःत यःथें यानाः मोजमज्‍जा याना जुइ धुन। थुकथं मेपिं थें झीपिं नं परमेश्‍वरयागु तं फये मालीपिं जुइ धुन।

एफिसी 4:14

अले झीपिं मखुगु खँ स्‍यना जुइपिं मनूतय्‌गु फय्‌गं खँय् जुइपिं मस्‍त जुइ मखु। इमिगु खं मनूतय्‌त मखुगु लँय् यंकी।

कलस्‍सी 2:18

“जिमिसं दर्शन खनागु दु” धकाः थथःम्‍हं तःधनाः स्‍वर्गदूतयात पुजा यानाजुइपिं नं दु। थज्‍याःपिन्‍सं म्‍वाःमदुगु खँय् लाकाः छिमित थःम्‍हं काये दइगु सिरपाः काये मखंका बी। थःम्‍हं मस्‍यूगु खँय् नं थुपिं तःधना जुइ।

याकूब 1:8

थथे दोमन जूम्‍ह मनूयागु ज्‍याखँ थातय् लाइ मखु।

२ पत्रुस 2:18

इमिसं तःधंछुयाः फुइँफाँय् याना जुइ। अले नकतिनि हे जक पापं लिचिलाः धर्मी जुइत कुतः यानाच्‍वंपिं मनूतय्‌त नं लोभ क्‍यनाः मोजमज्‍जा यायेगुलिइ साला हइ।

२ पत्रुस 2:3

अज्‍याःपिं मनूतय्‌सं लोभलालचय् लानाः छिमिके हेय्‌का कायेत मखुगु खँ दय्‌काः स्‍यनी। न्‍हापांनिसें हे अज्‍याःपिं मनूत दोषी खः धकाः परमेश्‍वरं धयादीगु दु। अय्‌जूगुलिं अज्‍याःपिं मनूत याकनं हे हासनास जुयावनी।

२ पत्रुस 3:16

पावलं च्‍वयातःगु पौलय्‌ नं थ्‍व हे खँ न्‍ह्यथनातःगु दु। गनं गनं पावलं च्‍वयातःगु खँ थुइकेत थाकु। बांलाक मस्‍यूपिं मनूतय्‌सं व क्‍वात्तुक विश्‍वास यानाच्‍वने मफुपिं मनूतय्‌सं ला च्‍वयातःगु खँया अर्थ हे हीका छ्वइ। थथे हे इमिसं धर्मशास्‍त्रयागु अर्थ नं हीका छ्वइ। थथे इमिसं थःत थःम्‍हं हे स्‍यंकी।

१ यूहन्‍ना 2:16

थ्‍व संसारय् च्‍वंगु फुक्‍क ज्‍याखँ गथे बांमलाःगु मभिंगु ज्‍याखँ याये मास्‍ति वय्‌केगु, मिखां खंक्‍व काये मास्‍ति वय्‌केगु, अले तःधंछुयाः फुइँफाँय् यानाजुइगु। थ्‍व फुक्‍क परमेश्‍वर बाःयापाखें मखु, संसारयापाखें हे दयावःगु खः।

यहूदा 1:11

इमित धिक्‍कार दु। इपिं कयिनयागु लँय् जुल। धिबायागु निंतिं इमिसं बालामं थें मभिंगु ज्‍या याना जुल, अले कोरह थें परमेश्‍वरयात मभिंकाः इपिं नाश जुयाः वन।

प्रकाश 12:9

अले व तसकं ग्‍यानापुसे च्‍वंम्‍ह अजिङ्गरयात क्‍वय् क्‍वफाना हल। फुक्‍क संसारय् च्‍वंपिन्‍त थगय् याइम्‍ह पुलांम्‍ह सर्प व हे खः। वयात दुष्‍ट व शैतान धकाः नं धाः। वयात व वया दूततय्‌त पृथ्‍वीइ वान्‍छ्वया हल।