२ पत्रुस 2:12 - नेवाः बाइबल

¹² इपिं ला पशुत थें च्‍वं, अले इमिसं बिचाः याये मसः। पशुत थें ज्‍वंकाः स्‍याकेत हे इपिं बूपिं खः। इमिसं मथूगु मस्‍यूगु ज्‍याखँय् परमेश्‍वरयात ब्‍वः ब्‍यू जुइ। अय्‌जूगुलिं इपिं जंगलय् च्‍वंपिं पशुत थें हासनास जुयावनी।

२ पत्रुस 2:12 ပူးပေါင်းရင်းမြစ်များ

भजनसंग्रहया सफू 49:10

मूर्ख व बुद्धि मदुपिं मनूत थें बुद्धि दुपिं मनूत नं सिनावने हे माः, इमिगु धन-सम्‍पत्ति थः सन्‍तानया लागि त्‍वःतावनेमाः।

भजनसंग्रहया सफू 92:6

थ्‍व खँ बुद्धि मदुम्‍ह मनुखं सीके फइ मखु, मूर्खं थुइके नं फइ मखु,

भजनसंग्रहया सफू 94:8

अय् पशु थें ज्‍याःपिं मनूत, होश या, अय् मूर्खत, छिमिके गुबलय् बुद्धि दइगु?

हितोपदेश 14:32

दुष्‍टत इमिगु मभिंगु ज्‍यां यानाः नाश जुयावनी, धर्मीतय्‌त सीबलय् नं रक्षा याना तइ।

यर्मिया 10:21

फैजवाःत मूर्ख जुल, इमिसं परमप्रभुयात न्‍यनेकने मयाः, उकिं इपिं ताःलाइ मखु, इमि फुक्‍क फै उखेलाः थुखेलाः जूगु दु।

यर्मिया 10:8

इपिं फुक्‍क ग्‍वाज्‍यः व मूर्ख खः। सिँया मूर्तितपाखें इमिसं छु सय्‌काकाये फइ?

यर्मिया 12:3

तर हे परमप्रभु, छिं ला जितः म्‍हस्‍यू। छिं जितः खं, छिं जिगु मनयात जाँचय् यानादी। स्‍यायेत यंकीपिं फैतय्‌त थें इमित साला यंकादिसँ! स्‍याइगु दिंया लागि इमित अलग तयादिसँ!

यर्मिया 4:22

“जिमि प्रजा मूर्ख खः, इमिसं जितः म्‍हमस्‍यू। इपिं मभिंपिं मस्‍त खः। इमिके दुग्‍यां मदु। मभिंगु ज्‍या यायेत इपिं चलाख तर भिंगु ज्‍या याये मसः।”

यर्मिया 5:4

जिं बिचाः याना, “थुपिं सकलें गरीब व मूर्ख खः। छाय्‌धाःसा इमिसं परमप्रभुया लँ अथवा थः परमेश्‍वरया कानून मस्‍यू।

इजकिएल 21:31

जिं थःगु तं छंके प्‍वंके। जिगु च्‍याःगु तंया मि छंगु विरोधय् पिकाये। जिं छन्‍त नाश याये सःपिं व दयामदुपिं मनूतय्‌गु ल्‍हातय् बी।

मर्कूस 7:22

लोभी जुइगु, मभिंगु ज्‍या यायेगु, थगय् यायेगु, लाः लाः थें सनाः जुइगु, नुगः मुइकेगु, मेपिन्‍त मभिंकाः खँ ल्‍हायेगु, घमण्‍डी जुइगु, मूर्ख ज्‍या यायेगु।

यूहन्‍ना 8:21

वय्‌कलं इमित हानं धयादिल – “जि वनाछ्वये, अले छिकपिन्‍सं जितः माः जुइ, अय्‌नं छिकपिं पापय् लानाः सी। जि गन वनेगु खः, अन छिकपिं झाये फइ मखु।”

गलाती 6:8

सुनानं थःत यःथें पापी ज्‍या याना जूसा वयात नरकय् छ्वइ। सुनां परमेश्‍वरयात यःथें याना जुइ वयात अनन्‍त जीवन दइ।

कलस्‍सी 2:22

थ्‍व फुक्‍कं छ्यलेवं मदयावनीगु खः। थ्‍व ला मनूतय्‌सं हे दय्‌कातःगु खः।

२ पत्रुस 1:4

थथे वय्‌कलं झीत तःधंगु व तःजिगु आशिष बियादी धकाः बचं बियादीगु दु। वय्‌कलं हे धयादीकथं झीपिं परमेश्‍वर थें जुइ फइ, अले संसारयागु लोभ लालचं यानाः स्‍यनीगुपाखें बचय् जुइ फइ।

२ पत्रुस 2:19

इमिसं हे हानं मुक्ति बीगु धकाः धयाजुइ, तर थःपिं हे पापया दास जुया जुइ, छाय्‌धाःसा मनूतय्‌त छुकिं त्‍याकल मनू उकिया हे दास जुइ।

यहूदा 1:10

थुमिसं ला थःम्‍हं हे मस्‍यूगु खँय् ब्‍वः बियाजुइ। स्‍वभावं हे थुपिं पशुत थें खः। अले थुकिं यानाः हे इपिं नाश जुयावनी।