२ पत्रुस 2:10 - नेवाः बाइबल

¹⁰ अप्‍वः यानाः थःत जक यःथें मभिंगु बांमलाःगु ज्‍याखँ यानाः व परमेश्‍वरयागु अधिकारयात हेपय् यानाजुइपिं मनूतय्‌त वय्‌कलं तःधंगु सजाँय बियादी। अज्‍याःपिं मखुगु खँ स्‍यनीपिं मनूत तसकं तःधंछुइमाः। अले इमिसं थः स्‍वयाः तःधंपिन्‍त हनाबना तइ मखु, हेपय् याना जुइ।

२ पत्रुस 2:10 ပူးပေါင်းရင်းမြစ်များ

उत्‍पत्ति 49:6

जिं गुबलें नं इमिगु ज्‍या व बिचालय् ब्‍वति मकया छाय्‌धाःसा इमिसं तमय् मनूत स्‍याःगु दु। अले थःयत्‍थें द्वहंतय्‌त पाःगु दु।

२ शमूएल 20:1

शेबा नांयाम्‍ह छम्‍ह मभिंम्‍ह मनू गिलगालय् दु। व बेन्‍यामीनी बिक्रीया काय् खः। वं तुरही पुल अले तःसलं थथे धाल, “दाऊदयाके जिमिगु छु भाग दु? यिशैया काय्‌याके जिमिगु छुं नं अधिकार मदु। हे इस्राएल, छिपिं फुक्‍क थथःगु पालय् हुँ!”

१ राजा 12:16

जुजुं थःगु खँ मन्‍यंगु खनाः फुक्‍क इस्राएल चिल्‍लाय् दनाः हाल, “छु झीपिं दाऊदया परिवारया ब्‍वः खः ला? यिशैया काय्‌याके झीगु छुं अधिकारया भाग मदु। हे इस्राएल, थथःगु पालय् हुँ! हे दाऊद, छं थःगु हे छेँ स्‍व!” अनंलि इस्राएलयापिं मनूत थथःगु छेँय् वन।

भजनसंग्रहया सफू 12:4

इमिसं धयाजुइ, “जिमिसं थःगु खं थःत माःगु पूवंके। जिमि थः मंदु थें धयाजुये। जिमित सुनानं पने फइ मखु।”

प्रस्‍थान 22:28

“परमेश्‍वरयात क्‍वह्यंके मते, अले छिमि मनूतय् शासकतय्‌त नं सराः बी मते।

उपदेशक 10:20

थःगु हे बिचारं जुजुयात हेस्‍यानाः खँ ल्‍हाये मते, वा धनीम्‍ह मनूयात थःगु क्‍वथाय् सराः ब्‍वःबी मते। छाय्‌धाःसा आकाशय् ब्‍वया जुइपिं झंगःतय्‌सं नं छं धाःगु खँ कं वने फु।

यर्मिया 2:31

“हे थ्‍व पुस्‍तायापिं मनूत, परमप्रभुयागु वचनय् ध्‍यान ब्‍यु। “छु जि इस्राएलया लागि मरुभूमि वा तसकं खिउँगु देश जुल ला? छाय् जिमि प्रजां थथे धाइगु, ‘जिपिं थःयत्‍थे वने दु। आः छिथाय् गुबलें वये मखुत।’

गन्‍ती 15:30

“‘इस्राएली वा मेगु जातियाम्‍ह मनू न्‍ह्याम्‍हय्‌सिनं जूसां सीकं चायेकं पापयात धाःसा वं परमप्रभुयात हेला याःगु खः। वयात वया मनूतपाखें पितिना छ्वयेमाः।

लूका 11:25

अले वं लिहां वइबलय् न्‍हापायागु छेँ यचुकाः झःझः धाय्‌कातःगु लुइकी।

लूका 19:14

अन च्‍वंपिं मनूतय्‌सं धाःसा वयात मिखां हे स्‍वयेमास्‍ति मवः। व वने धुंकाः इमिसं मनूत छ्वयाः ‘थ्‍व मनू जिमि जुजु जुइगु जिमित मयः’ धकाः धाय्‌के छ्वल।

प्रेरित 23:5

अले पावलं धाल – “दाजुकिजापिं, वय्‌कः दकलय् तःधंम्‍ह पुजाहारी धकाः जिं मसिल। धर्मशास्‍त्रय् थथे च्‍वयातःगु दु – ‘थः मनूतय् शासकयात म्‍हुतु ल्‍हाये मते।’”

रोमी 8:1

अय्‌जूगुलिं ख्रीष्‍ट येशू नाप मिलय् जुयाच्‍वंपिं दोषी जुइ मखु।

१ कोरिन्‍थी 6:9

मभिंपिं मनूतय्‌त परमेश्‍वरयागु राज्‍यय् दुकाइ मखु धकाः छिमिसं मस्‍यू ला? थःम्‍हं थःत थगय् याये मते, छाय्‌धाःसा व्‍यभिचार यानाजुइपिं, मूर्ति पुजा यानाजुइपिं, थः कलाः दय्‌कं कर्पिनि कलाःलिसे व्‍यभिचार यानाजुइपिं, मिजं मिजं हे व्‍यभिचार यानाजुइपिं,

२ कोरिन्‍थी 10:3

जिपिं थ्‍व संसारय् च्‍वनाच्‍वंपिं मनूत खः धयागु खँ सत्‍य खः, अय्‌सां संसारयापिं थें जिपिं ल्‍वानाच्‍वनागु मदु।

एफिसी 4:19

इमिके लज्‍या धयागु तकं मदये धुंकल। अले मभिंगु लँय् जुयाः इपिं लाः लाः थे याना जुयाच्‍वंगु दु।

एफिसी 5:5

छिमिसं सि हे स्‍यू, व्‍यभिचार यानाजुइपिं, मभिंपिं व कर्पिनिगुली मिखा वंकाः जुइपिं मनूत परमेश्‍वर व ख्रीष्‍टयागु राज्‍यय् च्‍वने खनी मखु। कर्पिनिगुली मिखा वंकाः जुइगु ला मूर्ति पुजा यायेगु ति हे ग्‍यं।

कलस्‍सी 3:5

अय्‌जूगुलिं संसारयागु ज्‍याखं छिमिसं थःत कःघाना च्‍वँ। व्‍यभिचार याये मते, मभिंगु ज्‍याखँ याये मते, लाः लाः थें सना जुइ मते, मभिंगु मतिइ तया जुइ मते, कर्पिनिगुली मिखा वंके मते, गुगु मूर्ति पुजा यायेगु ति हे ग्‍यं।

१ थेसलोनिकी 4:7

परमेश्‍वरं झीत अशुद्ध जुइत मखु, बरु पवित्र जुइत सःतादीगु खः।

२ तिमोथी 3:2

अबलय्‌यापिं मनूत थःत जक भिंका जुइपिं, धिबायागु लोभ यानाजुइपिं, तःधंछुया जुइपिं, घमण्‍ड यानाजुइपिं, कर्पिन्‍त क्‍वह्यंका जुइपिं, मांबौयागु खँ मन्‍यनीपिं, गुण मस्‍यूपिं, परमेश्‍वरयात वास्‍ता मयाःपिं,

तीतस 1:7

थकालि परमेश्‍वरया ज्‍या याइम्‍ह मनू खः। उकिं थकालि छुं हे दोष मदुम्‍ह जुइमाः। अले हानं थः यःथें यानाजुइम्‍ह, याकनं तंम्‍वइम्‍ह, अय्‌लाः थ्‍वँ त्‍वना जुइम्‍ह, ल्‍वाना जुइम्‍ह, लोभीम्‍ह नं जुइ मज्‍यू।

हिब्रू 13:4

ब्‍याहायात सकसिनं तःधंकेमाः। निम्‍हतिपूया दथुइ थःथवय् विश्‍वास दयेमाः, छाय्‌धाःसा व्‍यभिचार याइपिन्‍त व ब्‍याहा याये धुंकाः नं मेपिं नाप जुयाः स्‍यनिपिन्‍त परमेश्‍वरं न्‍याय यानादी।

२ पत्रुस 3:3

दकलय् न्‍हापां थ्‍व खँ सीकि, लिपा लिपायागु दिनय् थःत यःथें सना जुइपिं मनूत वइतिनि। अले थज्‍याःपिं मनूतय्‌सं छिमित गिजय् याइ।

यहूदा 1:10

थुमिसं ला थःम्‍हं हे मस्‍यूगु खँय् ब्‍वः बियाजुइ। स्‍वभावं हे थुपिं पशुत थें खः। अले थुकिं यानाः हे इपिं नाश जुयावनी।

यहूदा 1:16

थुपिं गुब्‍सं लुमधनिपिं, मेपिनिगु दोष जक मालाजुइपिं, थःत यःथें सना जुइपिं, तःधंछुना जुइपिं, व थःगु ज्‍या तिप्‍यंकेत मेपिन्‍त ह्यय्‌कः जुइपिं खः।

यहूदा 1:18

इमिसं छिमित थथे धयावंगु खः – “दकलय् लिपा छिमित हेस्‍याइपिं व थःत यःथें यानाजुइपिं मनूत वइ।”

यहूदा 1:4

न्‍हापा हे दोषी ठहरय् जूपिं गुम्‍हं गुम्‍हं मनूत छिमिगु पुचलय् मसीक दुहां वःगु दु। इमिसं परमेश्‍वरयात मानय् मयाः। वय्‌कलं बियादीगु दया मायायात इमिसं मभिंगु ज्‍याय् छ्यलाच्‍वंगु दु। अले येशू ख्रीष्‍टयात छम्‍ह हे जक प्रभु व मालिक खः धकाः नं इमिसं मानय् मयाः।

१ शमूएल 10:27

तर इपिं मध्‍ये लुच्‍चात नं दु अले इमिसं धाल, “थ्‍व मनुखं झीत गथे यानाः बचय् याइ?” इमिसं शाऊलयात हेपय् यात अले छुं कोसेलि नं ज्‍वनाः मवः। अथेसां शाऊलं इमित छुं नं मधासे सुम्‍क च्‍वन।