२ पत्रुस 1:9 - नेवाः बाइबल

⁹ थथे मयाइपिं मनूत ला मिखा कांपिं हे धाःसां छुं पाइ मखु। इमिसं थःगु पुलांगु पाप सिलाछ्वये धुंकल धयागु नं ल्‍वःमंके धुंकी।

२ पत्रुस 1:9 ပူးပေါင်းရင်းမြစ်များ

लेवी 13:55

फ्‍वसा वःगु वस्‍तुयात ही धुंकाः पुजाहारीं उकियात हानं स्‍वयेमाः। फ्‍वसा न्‍हापा थें हे खनेदःसा व न्‍यना मवंसां व अशुद्ध खः। व फ्वसा चाहे दुनेपाखें जुइमा वा पिनेपाखें जुइमा, छं उकियात मिं छ्वयेकाब्‍यु।

मर्कूस 10:21

थ्‍व न्‍यनाः वय्‌कःयात व खनाः माया वन, अले थथे धयादिल – “अझ नं छं छता याये मानि, थःके दुगु फुक्‍कं मियाः नये मखंपिन्‍त इनाब्‍यु। अले छन्‍त स्‍वर्गय् धनसम्‍पत्ति दइ। थुलि याये धुंकाः जि नाप वा।”

लूका 18:22

थ्‍व न्‍यनाः वय्‌कलं वयात धयादिल – “अझ हे नं छिं छता याये मानि। छिके दुगु फुक्‍कं मियाः नये मखंपिन्‍त इनाबियादिसँ, अले छितः स्‍वर्गय् धन-सम्‍पत्ति दइ। थुलि याये धुंकाः छि जि नाप झासँ।”

रोमी 6:11

थथे जूगुलिं छिपिं नं पापयागु निंतिं सिनाः ख्रीष्‍ट येशूं यानाः परमेश्‍वरया लागि म्‍वाय् दत धकाः लुमंका च्‍वँ।

गलाती 5:13

यःपिं दाजुकिजापिं, परमेश्‍वरं छिमित छुत्‍कारा बीत सःतादीगु खः। थः यःथें याना जुइ मते, बरु माया यानाः मेपिन्‍त ग्‍वाहालि बीगु या।

गलाती 5:6

झीपिं ख्रीष्‍टनाप मिलय् जुइ धुन धाःसा म्‍हय् चिं तःसां मतःसां छुं नं पाइ मखु। झीत माःगु ला विश्‍वास खः। थ्‍व हे विश्‍वासं यानाः झीसं माया याये फइ।

एफिसी 5:26

ख्रीष्‍ट येशूं मण्‍डलीयात शुद्ध यायेत थःगु वचनं व लखं सिलाः शुद्ध यानादिल।

तीतस 2:14

झीत झीगु पापं छुतय् यायेत वय्‌कः थः हे सिनादिल। थुकथं वय्‌कलं झीत थः मनू यानाः पवित्र यानादिल, अले भिंगु ज्‍या यायेत साहस बियादिल।

हिब्रू 9:14

म्‍वाःम्‍ह परमेश्‍वरयागु सेवा यायेत ख्रीष्‍टयागु हिं झन गुलि जक झीगु नुगः यचुक हुया बीगु जुइ? ख्रीष्‍टं पवित्र आत्‍मां जायाः खू मदुम्‍ह बां जुयाः थःत हे परमेश्‍वरयात छायादिल।

१ पत्रुस 3:21

थ्‍व आः छिमित बचय् याइगु लःया बप्‍तिस्‍माया चिं खः। थ्‍व म्‍हया खिति सिला छ्वयेगु थें मखु, बरु यचुगु नुगलं परमेश्‍वरया अधीनय् जुइगु खः। ख्रीष्‍ट सिनाः म्‍वाना वःगुलिं झीपिं बचय् जुइ।

१ यूहन्‍ना 1:7

वय्‌कः जः जू थें, झीपिं नं जलय् च्‍वनाच्‍वन धाःसा छम्‍ह मेम्‍हनापं संगतिइ जुइ, अले परमेश्‍वरया काय्‌यागु हिं झीगु दक्‍व पापपाखें शुद्ध यानादी।

प्रकाश 3:17

छिमिसं धाःसा ‘जि तःमिम्‍ह खः, जिके माक्‍वं सम्‍पत्ति दु, उकिं जितः छुं नं माःगु मदु’ धकाः धया जुयां छु याये? तर छिपिं तसकं हे दुःख ताया च्‍वंपिं, माया वनापुसे च्‍वंपिं, चीमिपिं, कांपिं, अले पचिनांगापिं धकाः छिमिके होश मदुनि।