२ पत्रुस 1:5 - नेवाः बाइबल

⁵ अय्‌जूगुलिं छिमिसं विश्‍वास यानाच्‍वनाः जक मगाः, भिंपिं जुइत नं कुतः या। अले हानं भिंपिं जक जुयां नं मगाः, ज्ञान नं दय्‌कि।

२ पत्रुस 1:5 ပူးပေါင်းရင်းမြစ်များ

भजनसंग्रहया सफू 119:4

छिं जिमित छिगु उपदेश बांलाक पालन यायेमाः धकाः उजं बियादीगु दु।

हितोपदेश 4:23

थःगु मतियात बांलाक बिचाः या, छं मति तः थें हे छंगु जीवन जुइगु खः।

यशैया 55:2

गुगु नयेगु नसा हे मखु, उकिया निंतिं छाय् धिबा पुलेगु? अले गुकिं प्‍वाः जाइ मखु, उकिया निंतिं छाय् ज्‍या यायेगु? न्‍यँ, जिगु खँ बांलाक न्‍यँ! गुगु नये ज्‍यू व हे जक न, अले साःगु साःगु नयाः छं थःगु प्राणयात लुधंकी।

जकरिया 6:15

तापाक तापाक च्‍वंपिं मनूत वयाः परमप्रभुयागु देगः दय्‌केगु ज्‍याय् ग्‍वाहालि बी। देगः दय्‌के धुंकाः दक्‍व शक्ति दुम्‍ह परमप्रभुं जितः छिमिथाय् छ्वयाहयादीगु खः धकाः छिमिसं थुइ। छिमिसं परमप्रभुं धयादी थें बांलाक मानय् यात धाःसा थ्‍व जुइ।”

लूका 16:26

थ्‍व खँ ला छखे हे ति रे, जिमिगु व छिमिगु दथुइ तसकं तःधंगु गाः दु, अय्‌जूगुलिं जिपिं छिमिथाय् वये फइ मखु, अले छिपिं जिमिथाय् वये फइ मखु।’

लूका 24:21

जिमिसं ला वय्‌कःयागुपाखें हे इस्राएल देश लिफ्‍याना कायेखनी धकाः मतिइ तयागु खः। थ्‍व खँ छखे हे तये। थथे जूगु थनिं स्‍वन्‍हु दत।

यूहन्‍ना 6:27

सितिं वनीगु नसायागु निंतिं ज्‍या याये मते, बरु मनूया काय्‌नं बीगु अनन्‍त जीवन तक दयाच्‍वनीगु नसायागु निंतिं ज्‍या या। परमेश्‍वर बाःनं जितः थ्‍व हे ज्‍या यायेत छ्वयाहयादीगु खः।”

१ कोरिन्‍थी 14:20

यःपिं दाजुकिजापिं, थुइकेगु सीकेगु खँय् छिपिं मस्‍त थें जुइ मते। मभिंगु खँय् धाःसा छिपिं मस्‍त थें जु। थुइकेगु व सीकेगु खँय् छिपिं तःधिपिं थें जु।

एफिसी 5:17

उकिं मूर्ख जुइ मते, बरु प्रभुयात यःकथं ज्‍याखँ याना जु।

फिलिप्‍पी 1:9

छिमिगु माया अज्‍जं अप्‍वयावनेमा, अले छिमिसं धात्‍थेंगु भिंगु खँ छु खः धयागु दुनुगलंनिसें ध्‍वाथुइके फयेमा धकाः नं जिं प्रार्थना यानाच्‍वनागु दु।

फिलिप्‍पी 2:12

यःपिं दाजुकिजापिं, जि छिपिंनाप दुबलय् छिमिसं जिगु फुक्‍क खँ न्‍यना का। अथे हे जि मदइबलय् नं झन छिमिसं जिगु खँ न्‍यनेमाः। अले भय कयाः मुक्तिया ज्‍या क्‍वचाय्‌केत मेहनत या।

फिलिप्‍पी 4:8

यःपिं दाजुकिजापिं, दकलय् लिपा जिं धाये – छिमिसं सत्‍यगु, हनेबहःगु, भिंगु, शुद्धगु, बांलाःगु, ततःधंगु व प्रशंसा याये बहःगु खँय् जक मन बिया च्‍वँ।

कलस्‍सी 1:9

थ्‍व खँ न्‍यंसांनिसें पवित्र आत्‍मायागु बुद्धिं छिमिसं परमेश्‍वरयागु इच्‍छा बांलाक सीके थुइके फयेमा धकाः जिमिसं प्रार्थना याना वयाच्‍वनागु दु।

कलस्‍सी 2:3

परमेश्‍वरयागु ज्ञान व बुद्धियागु धुकू हे वय्‌कः खः।

हिब्रू 11:6

विश्‍वास मयाय्‌कं परमेश्‍वरयात लय्‌ताय्‌के फइ मखु। वय्‌कःयाथाय् वइम्‍ह मनुखं परमेश्‍वर दि, अले वय्‌कःयात मालिपिन्‍त वय्‌कलं इनाम बियादी धकाः विश्‍वास याये हे माः।

हिब्रू 12:15

होश या, सुनानं परमेश्‍वरयागु दया माया काये मखंकाः च्‍वने म्‍वाःलेमा। मखुसा, बिख मां नुगलय् हा कयाः छिमित स्‍यंकाबी।

हिब्रू 6:11

थुकथं हे छिमिसं मन तयाः लिपा तकं कुतः यानाच्‍वनी धकाः जिमिसं मनं तुनाच्‍वना। अले छिमिगु आशा नं पूवनी।

यहोशू 7:3

इमिसं यहोशूयाथाय् लिहां वयाः धाल, “शहरयात त्‍याका कायेत निद्वः (२,०००) वा स्‍वद्वः (३,०००) ति जक मनूत वंसा गाः, फुक्‍क वने म्‍वाः। फुक्‍क मनूतय्‌त अन वनेगु दुःख बियादी मते, छाय्‌धाःसा अन यक्‍व मनूत मदु।”

१ पत्रुस 3:7

अथे हे मिजंतय्‌सं नं थः कलाः बमलाःम्‍ह खः धयागु खँ ल्‍वःमंके मज्‍यू। छिमिसं नं इमित मानय् यायेमाः, छाय्‌धाःसा परमेश्‍वरं इमित नं अनन्‍त जीवन बियातःगु दु। थुकथं छिमित निम्‍ह जानाः प्रार्थना यायेत छुकिं नं पनी मखु।

२ पत्रुस 1:10

अय्‌जूगुलिं यःपिं दाजुकिजापिं, छिमित परमेश्‍वरं हे सःताः ल्‍ययादीगु खः धकाः क्‍यनेत कुतः या। थथे यात धाःसा छिपिं गुबलें हे क्‍वदली मखु।

२ पत्रुस 1:11

अले झीत मुक्ति बियादीम्‍ह झी प्रभु येशू ख्रीष्‍टयागु न्‍ह्याबलें दयाच्‍वनीगु राज्‍यय् छिपिं नं दुहां वने दइ।

२ पत्रुस 3:14

अय्‌जूगुलिं यःपिं दाजुकिजापिं, थथे गुबलय् जुइ धकाः पिया च्‍वनीपिं जुयाः छिमिसं प्रभुयात लय्‌ताय्‌केत कुतः याना च्‍वँ। पापी ज्‍या याना मजुसे पवित्र जुयाच्‍वँ। थुकथं छिपिं परमेश्‍वर नाप मिलय् जुयाच्‍वँ।

२ पत्रुस 3:18

झी प्रभु व मुक्तिदाता येशू ख्रीष्‍टयागु दया माया अप्‍वः दयावनेमा। अले छिमिसं वय्‌कःयात अझ नं बांलाक म्‍हसीका वने फयेमा। वय्‌कःयागु नां आः व सदां तःधना च्‍वनेमा। आमेन।