२ पत्रुस 1:19 - नेवाः बाइबल

¹⁹ अय्‌जूगुलिं न्‍हापायापिं अगमवक्तातय्‌गु खँ सत्‍य खः धकाः जिमिसं झन बांलाक सिल। थ्‍व खँ छिमिसं न्‍यंगु नं तसकं हे बांलात, छाय्‌धाःसा इमिसं धयावंगु खँ ला सुथ मजुतले खिउँथाय् च्‍यानाच्‍वंगु मत थें खः। अले छिमिगु नुगलय् थिनाच्‍वंगु सुथसिगु नगु खः।

२ पत्रुस 1:19 ပူးပေါင်းရင်းမြစ်များ

भजनसंग्रहया सफू 119:105

छिगु वचन जिगु तुतिया निंतिं मत, अले जिगु लँपुया निंतिं जः खः।

हितोपदेश 6:23

छाय्‌धाःसा इमिगु उजं मत खः, इमिगु न्‍वानाखँ जः खः, इमिसं ब्‍वःबियाः छं थःगु जीवन सुथां लाके फइ।

यशैया 14:12

अय् सुथय्‌या नगु, लुजःया काय्, छ स्‍वर्गं कुतुं वःगु खः! फुक्‍क जाति जातितय्‌त नाश यानातःम्‍ह आः ला बँय् कुतुंवन!

यशैया 41:26

छिपिं मध्‍ये गुम्‍ह द्यवं शुरुंनिसें थ्‍व क्‍यनाब्‍यूगु दु अले झीसं सीके फत? शुरुंनिसें सुनां थ्‍व क्‍यनाबिल अले पाय्‌छि जू धकाः झीसं धायेफत? थ्‍व खँ झीत सुनानं धयाब्‍यूगु मदु, न्‍हापा सुनानं छगू बचं धाःगु मदु। छिमिसं धाःगु वचन सुनानं न्‍यंगु मदु।

यशैया 8:20

परमेश्‍वरं छिमित स्‍यनातःगु खँ व साक्षीइ ध्‍यान ब्‍यु! इमिसं थ्‍व स्‍यनातःगु खँ कथं न्‍वमवात धाःसा इमिके सुथसिया जः दइ मखु।

यशैया 9:2

थ्‍व तसकं खिउँथाय् न्‍यासि जुइपिं मनूतय्‌सं छगू तःधंगु जः खनीतिनि। तसकं खिउँगु देशय् च्‍वनाच्‍वंपिन्‍सं नं थ्‍व तःधंगु जः स्‍वइतिनि।

मत्ती 4:16

थ्‍व खिउँथाय् च्‍वनाच्‍वंपिं मनूतय्‌सं छगू तःधंगु जः खनीतिनि। कालया किचलय् लाःगु देशय् च्‍वनाच्‍वंपिन्‍सं नं थ्‍व तःधंगु जः स्‍वइतिनि।”

यूहन्‍ना 5:35

यूहन्‍ना ला च्‍याःगु व थीगु मत जक खः। वयागु जलय् छिमिसं छुं ई तक जक जूसां लय्‌ताय्‌गु हे यय्‌कल।

यूहन्‍ना 5:39

“अनन्‍त जीवन दइ धकाः छिमिसं धर्मशास्‍त्र ब्‍वना जुइ। व हे धर्मशास्‍त्रं जिगु साक्षी बी,

यूहन्‍ना 8:12

येशूं हानं मनूतय्‌त धयादिल – “जि संसारया जः खः। जि नाप जुइम्‍ह मनू खिउँथाय् जुइ माली मखु, बरु वयात जीवनया जः दइ।”

प्रेरित 15:29

अय्‌नं छिकपिन्‍सं मूर्ति पुजायागु प्रसाद नये मते, छुकियागुं हि त्‍वने मते, हि मम्‍हुकुसे स्‍याःगु ला नये मते, अले व्‍यभिचार याये मते। थुलि जक छिकपिन्‍सं होश यानाः मयात धाःसा गाः। छिकपिनिगु भिं जुइमा।”

प्रेरित 17:11

अन च्‍वंपिं मनूत थेसलोनिकेय् च्‍वंपिं मनूत स्‍वयाः गुलिखय् भिं। इमिसं परमेश्‍वरयागु वचन यइपुक न्‍यन। पावलं धाःगु खँ पाय्‌छि जू ला कि मजू धकाः इमिसं न्‍हिथं धर्मशास्‍त्र पुइकाः स्‍वयेगु यात।

हिब्रू 2:2

परमेश्‍वरं स्‍वर्गदूततय्‌पाखें बियातःगु व्‍यवस्‍था सत्‍य खः। अले थ्‍व खँ मानय् मयाःपिन्‍त सजाँय बियादिल धासेंलि

याकूब 2:8

जःलाखःलातय्‌त नं थःत थें माया यायेमाः धकाः धर्मशास्‍त्रय् च्‍वयातःगु परमेश्‍वरया राज्‍ययागु व्‍यवस्‍था छिमिसं मानय् याना च्‍वंसा बां हे लात।

१ पत्रुस 1:10

छिमित दइगु थ्‍व हे मुक्तियागु खँ, न्‍हापायापिं अगमवक्तातय्‌सं मथुयाः थुइकेत यक्‍व हे कुतः यात।

१ यूहन्‍ना 5:10

अय्‌जूगुलिं वय्‌कःया काय्‌यात विश्‍वास यानाच्‍वंपिं मनूतय्‌सं थ्‍व खँ सत्‍य खः धकाः स्‍यू। परमेश्‍वरयात विश्‍वास याइ मखुपिन्‍सं वय्‌कःयात फताहा ताय्‌की, छाय्‌धाःसा परमेश्‍वरं थः काय्‌यागु बारे बियादीगु साक्षीयात इमिसं विश्‍वास याइ मखु।

३ यूहन्‍ना 1:6

छं थुकथं इमित माया यानाः ग्‍वाहालि यात धकाः इमिसं थन च्‍वंगु मण्‍डलीयापिन्‍त कन। इमित माःगु लँ खर्च बियाः छ्वया हःसा तसकं बांलाइ, उकिं परमेश्‍वर छ खनाः लय्‌तायादी।

प्रकाश 2:28

अले जिं इमित सुथसिगु नगु नं बी।

प्रकाश 22:16

“मण्‍डलीतय्‌त थ्‍व खँ धाय्‌केत जि येशूं छन्‍थाय् जिम्‍ह स्‍वर्गदूत छ्वयाहयागु खः। जि दाऊदया कुल व सन्‍तान खः। सुथय् थीगु नगु नं जि हे खः।”