२ पत्रुस 1:13 - नेवाः बाइबल

¹³ म्‍वाना च्‍वंतले थ्‍व खँ छिमित लुमंका बियाच्‍वनेगु जितः तसकं भिं ताल।

२ पत्रुस 1:13 ပူးပေါင်းရင်းမြစ်များ

यशैया 38:12

जवाःतय्‌गु पाल थें जिगु जीवन जिपाखें लाकायंकल। तान थाइम्‍हं कापः तु थें जिं जिगु जीवन तुलागु दु अले वय्‌कलं जितः तानं चानादीगु दु। न्‍हिच्‍छि व चच्‍छिं हे छिं जिगु जीवनयात अन्‍त यानादीगु दु।

हाग्‍गै 1:14

उकिं परमप्रभुं शालतिएलया काय् यहूदायाम्‍ह राज्‍यपाल यरूबाबेल व यहोसादाकया काय्, दकलय् तःधंम्‍ह पुजाहारी यहोशू व बेबिलोनं लिहांवःपिं मनूतय्‌त ग्‍वाकादिल। अले इमिसं वयाः दक्‍व शक्ति दुम्‍ह परमप्रभु थः परमेश्‍वरयागु देगः दय्‌केगु ज्‍या न्‍ह्याकल।

२ कोरिन्‍थी 5:8

जिमित पक्‍का विश्‍वास दु, अले थ्‍व म्‍हयात त्‍वःताः प्रभुलिसे च्‍वंवनेत जिपिं न्‍ह्याबलें न्‍ह्यचिलाच्‍वनागु दु।

फिलिप्‍पी 1:7

छिमित जिं थःगु नुगलय् तया तयागु दु। छिमिगु खँय् जिं थुकथं मतिइ तयागु पाय्‌छि हे जू, छाय्‌धाःसा छिमिसं जितः थथे कुनातःबलय् नं अले मतःबलय् नं भिंगु खँ न्‍यंकेत व थुकियागु पंलिनाः साक्षी बीगुलिइ नं ग्‍वाहालि याःगु दु।

फिलिप्‍पी 3:10

आः ला जिं ख्रीष्‍टयात म्‍हसीकेगु, वय्‌कः हानं म्‍वाना वइगु शक्तियात सीकेगु व वय्‌कलं थें दुःखकष्‍ट सियाः वय्‌कः थें जुयाः सिनावनेगु हे जक मनंतुनागु दु।

२ तिमोथी 1:6

अय्‌जूगुलिं जिं छन्‍त हानं लुमंका च्‍वना – जिं छंगु छेनय् ल्‍हाः तयाबलय् परमेश्‍वरं बियादीगु वरदानयात छं बांलाक छ्यला च्‍वँ।

हिब्रू 13:3

थःत नं कुना तःगु थें हे ताय्‌काः कुना तःपिनिगु च्‍यूताः ति। दुःख सियाच्‍वंपिन्‍त थःम्‍हं हे दुःख सियाच्‍वना थें च्‍वंक लुमंकेगु या।

२ पत्रुस 1:12

अय्‌जूगुलिं थ्‍व खँ फुक्‍कं छिमिसं स्‍यू, अले छिमिसं विश्‍वास यानाच्‍वंगु सत्‍य खँय् छिपिं क्‍वात्तुक च्‍वनाच्‍वंगु दु धकाः स्‍यूसां जिं छिमित लुमंके बीत थ्‍व खँ च्‍वयाच्‍वनागु खः।

२ पत्रुस 1:14

झी प्रभु येशू ख्रीष्‍टं जितः धयादीगुलिं जि अप्‍वः म्‍वाइ मखुत धकाः जिं स्‍यू।

२ पत्रुस 3:1

यःपिं दाजुकिजापिं, थ्‍वनापं जिं छिमित पौ च्‍वयाहयागु निकः जुल। निगुली नं जिं छिमिगु यचुगु मनयात लुमंका बियाः न्‍ह्यलं चाय्‌केत थ्‍व खँ च्‍वयाहयागु खः।