२ पत्रुस 1:12 - नेवाः बाइबल

¹² अय्‌जूगुलिं थ्‍व खँ फुक्‍कं छिमिसं स्‍यू, अले छिमिसं विश्‍वास यानाच्‍वंगु सत्‍य खँय् छिपिं क्‍वात्तुक च्‍वनाच्‍वंगु दु धकाः स्‍यूसां जिं छिमित लुमंके बीत थ्‍व खँ च्‍वयाच्‍वनागु खः।

२ पत्रुस 1:12 ပူးပေါင်းရင်းမြစ်များ

प्रेरित 16:5

थुकिं यानाः मण्‍डलीइ च्‍वंपिनिगु विश्‍वास यक्‍व हे बल्‍लाना वल। अले हानं न्‍हियान्‍हिथं विश्‍वासीत यक्‍व दयावल।

फिलिप्‍पी 3:1

यःपिं दाजुकिजापिं, मू खँ छु धाःसा – छिपिं प्रभुलिसे लय्‌ताया च्‍वँ। न्‍हापा च्‍वये धुनागु हे खँ हानं लिसा कयाः च्‍वयेत जिं थाकु मचाया। थुकिं छिमित हे भिं याइ।

कलस्‍सी 1:5

छिमिगु निंतिं स्‍वर्गय् तयादीगु आशाया निंतिं हे विश्‍वास व माया यानागु खः। अले सत्‍यगु वचन व भिंगु खँ न्‍यंकः वयाबलय् छिमिसं अनन्‍त जीवन दइ धयागु खँय् आशा याःगु दु।

कलस्‍सी 2:7

वय्‌कःयाके हा कयाः ब्‍वलना च्‍वँ। अले छिमिसं वय्‌कःयात हे थःगु जग भाःपियाः छिमित स्‍यनातःथें विश्‍वासय् क्‍वात्तुक च्‍वनाः न्‍ह्याबलें सुभाय् बिया च्‍वँ।

१ तिमोथी 4:6

फुक्‍क दाजुकिजापिन्‍त थ्‍व खँ थुइकाबिल धाःसा छ येशू ख्रीष्‍टया भिंम्‍ह च्‍यः जुइ। अले थुकिं हे विश्‍वासयागु वचन व छं मानय् यानाच्‍वंगु खँय् छ गुलि तक बल्‍लानाच्‍वंगु दु धकाः सी दइ।

२ तिमोथी 1:6

अय्‌जूगुलिं जिं छन्‍त हानं लुमंका च्‍वना – जिं छंगु छेनय् ल्‍हाः तयाबलय् परमेश्‍वरं बियादीगु वरदानयात छं बांलाक छ्यला च्‍वँ।

हिब्रू 10:32

न्‍हापायागु खँ छकः लुमंकि – भिंगु खँ न्‍यने धुंकाः व परमेश्‍वरयागु जः काये धुंकाः छिमित गुलि दुःखकष्‍ट जूवल। अय्‌नं छिमिसं विश्‍वास यायेगु मत्‍वःतू।

हिब्रू 13:9

थीथी कथंया अजू चायापुगु स्‍यनातःगु खं छिमित मखुगु लँय् यंके मफयेमा। नयेत्‍वनेगुलिं मखु, बरु परमेश्‍वरयागु दया मायां थःगु मनयात बल्‍लाकि, छाय्‌धाःसा नयेत्‍वनेगुलिइ जक जुयाच्‍वंपिन्‍त गुब्‍सं भिं जूगु मदु।

१ पत्रुस 5:10

थथे दुःखकष्‍ट सीधुंकाः झी परमेश्‍वरं छिमित सःताः भिंका व बल्‍लाकादी। थ्‍व हे भिंम्‍ह दया माया दुम्‍ह परमेश्‍वरं येशू ख्रीष्‍टयात झीथाय् छ्वयाहयाः वय्‌कः नाप स्‍वर्गय् च्‍वनेत झीत सःतादीगु खः।

१ पत्रुस 5:12

विश्‍वास याये बहःम्‍ह सिलासयात थ्‍व पौ च्‍वकाः छिमित छ्वयाहयागु खः। परमेश्‍वरं छिमित तसकं दया माया यानादीगु दु, अले छिमित भिंका नं दी धयागु खँ छिमिसं सीमा धकाः, अले छिमित साहस बीकथं जिं थथे चिहाकय्‌क च्‍वयाच्‍वनागु खः। अय्‌जूगुलिं छिमिसं परमेश्‍वर नाप च्‍वनाच्‍वनेगु त्‍वःते मते।

२ पत्रुस 1:13

म्‍वाना च्‍वंतले थ्‍व खँ छिमित लुमंका बियाच्‍वनेगु जितः तसकं भिं ताल।

२ पत्रुस 1:15

जि सिनावने धुंकाः नं छिमिसं थ्‍व फुक्‍क खँ न्‍ह्याबलें लुमंकातये फयेमा धयागु जिगु आशा खः।

२ पत्रुस 3:1

यःपिं दाजुकिजापिं, थ्‍वनापं जिं छिमित पौ च्‍वयाहयागु निकः जुल। निगुली नं जिं छिमिगु यचुगु मनयात लुमंका बियाः न्‍ह्यलं चाय्‌केत थ्‍व खँ च्‍वयाहयागु खः।

२ पत्रुस 3:17

यःपिं दाजुकिजापिं, छिमिसं थ्‍व फुक्‍क खँ सी धुंकल, अय्‌नं होश‍ यानाच्‍वँ। मखुसा मभिंपिं मनूतय्‌गु खँय् लानाः छिपिं क्‍वात्तुक च्‍वने मफयाः थःगु थासं कुतुं वनी।

१ यूहन्‍ना 2:21

छिमिसं सत्‍ययात मस्‍यू धकाः जिं थ्‍व च्‍वयाच्‍वनागु मखु। सत्‍ययात स्‍यूगुलिं हे जिं थ्‍व च्‍वयाच्‍वनागु खः, छाय्‌धाःसा सत्‍यपाखें मखुगु खँ पिहां वइ मखु धकाः छिमिसं सि हे स्‍यू।

२ यूहन्‍ना 1:2

थ्‍व सत्‍य झीगु नुगलय् न्‍ह्याबलें दयाच्‍वनी।

यहूदा 1:17

यःपिं दाजुकिजापिं, झी प्रभु येशू ख्रीष्‍टया प्रेरिततय्‌सं कनावंगु खँ बांलाक लुमंकी।

यहूदा 1:3

यःपिं दाजुकिजापिं, जिं छिमित परमेश्‍वरं झी सकसितं इना बियादीगु मुक्तियागु खँ च्‍वयेगु मतिइ तयागु खः। अय्‌नं आः छिमित परमेश्‍वरं बियादीगु सत्‍य खँय् हे छिपिं क्‍वात्तुक च्‍वनाच्‍वँ धकाः न्‍वायेगु हे जितः तसकं बांलाः ताल।

यहूदा 1:5

परमेश्‍वरं इस्राएलीतय्‌त मिश्र देशं लिगना हयादिल। अय्‌नं लिपा वय्‌कःयात विश्‍वास मयाःपिं मनूतय्‌त नाश यानादिल। थ्‍व खँ छिमिसं बांलाक सि हे स्‍यू। अथेसां छिमित थ्‍व खँ लुमंकाबी मास्‍ति वल।