२ पत्रुस 1:11 - नेवाः बाइबल

¹¹ अले झीत मुक्ति बियादीम्‍ह झी प्रभु येशू ख्रीष्‍टयागु न्‍ह्याबलें दयाच्‍वनीगु राज्‍यय् छिपिं नं दुहां वने दइ।

२ पत्रुस 1:11 ပူးပေါင်းရင်းမြစ်များ

भजनसंग्रहया सफू 145:13

हे परमप्रभु, छिगु राज्‍य न्‍ह्याबलें दयाच्‍वनी। छिं पुस्‍तां पुस्‍ता तक शासन यानादी। परमप्रभु थःमनूतय्‌गु लागि विश्‍वास याये बहःम्‍ह खः, अले वय्‌कलं थःगु बचं पूवंकादी। थःगु फुक्‍क ज्‍याय् वय्‌कः दयादुम्‍ह खः।

भजनसंग्रहया सफू 36:8

छिं इमित गाक्‍क नकेबियाच्‍वनादीगु दु। छिं थःगु लसताया खुसिं इमित लः त्‍वंकेबियाच्‍वंगु दु।

श्रेष्‍ठगीत 5:1

हे जिमि तसकं यःम्‍ह मय्‌जु, जिमि भम्‍चा, जि जिगु बगैँचाय् वयागु दु, जिं जिगु नस्‍वाःगु मसलानापं मूर्र मुनागु दु। जिं जिगु हाप्‍वः व कस्‍ति नयागु दु। जिं जिगु दाखमद्य व दुरु त्‍वना। नयेगु या, हे जिमि पासा, त्‍वँ, अले मतिनां मजाःतले त्‍वँ, जिमि प्रिय।

यशैया 35:2

व लिली स्‍वां थें चक्‍कना ह्वइ। व तसकं लय्‌ताइ अले तसलं म्‍ये हाली, अले वयात लेबनानया गौरव, कर्मेल व शारोनया एेश्‍वर्य बिइ। इमिसं परमप्रभुया महिमा व झी परमेश्‍वरया एेश्‍वर्य खनी।

यशैया 9:7

वय्‌कःया शासन न्‍ह्याबलें दयाच्‍वनी, वय्‌कःया शान्‍तिया अन्‍त्‍य गुब्‍सं जुइ मखु। दाऊद जुजुया लिपा वइम्‍ह जुजु वय्‌कः हे खः। न्‍याय व धर्मया निंतिं धिसिलाक्‍क दना थनिंनिसें सदांया निंतिं राज्‍य यानादी। दक्‍व शक्ति दुम्‍ह परमप्रभुया जोशं थ्‍व पूवनी।

दानिएल 7:14

वय्‌कःयात अधिकार, हनाबना व राज्‍य बिल। जाति जाति, देश देश व थीथी भाय् ल्‍हाइपिं सकसिनं वय्‌कःयागु आराधना यात। वय्‌कःया शासन न्‍ह्याबलें दयाच्‍वनी अले वय्‌कःया राज्‍य गुबलें क्‍वचाइ मखु।

दानिएल 7:27

पृथ्‍वीया फुक्‍क राज्‍यतय्‌गु शक्ति व तःधंसू दकलय् तःधंम्‍ह परमेश्‍वरया पवित्र मनूतय्‌गु ल्‍हातय् बी। वय्‌कःया राज्‍य न्‍ह्याबलें दयाच्‍वनीगु राज्‍य जुइ। फुक्‍क राज्‍यं वय्‌कःया खँ न्‍यनी व वय्‌कःयागु सेवा याइ।’

मत्ती 25:34

“अले जुजुं थःगु जवय् च्‍वंपिन्‍त थथे धाइ – ‘जिमि बाःनं आशिष बियातःपिं मनूत छिपिं हे खः। वा, संसार सृष्‍टि मजूनिबलय् निसें छिमित बी धकाः तयातःगु राज्‍यय् आः छिमिसं हे अधिकार या।

यूहन्‍ना 10:10

खुँ खुइत, स्‍यंकेत व स्‍यायेत जक वइ। तर जि इमित जीवन दयेमा, अले व यक्‍व जीवन दयेमा धकाः वयागु खः।

रोमी 2:4

परमेश्‍वरया दया मायां छिमिसं पश्‍चाताप याकी धकाः थुइके मफया, छु छिमिसं वय्‌कःया दया, सह यायेगु शक्ति व पिया च्‍वनादी फुम्‍हय्‌सित हे हेपय् याये ज्‍यू ला?

१ कोरिन्‍थी 15:24

अले तिनि दक्‍व फुक्‍कं मदय्‌का छ्वयादी। अबलय् ख्रीष्‍टं फुक्‍क शासन, अधिकार व शक्ति मदय्‌का छ्वयाः राज्‍य परमेश्‍वर बाःयात लःल्‍हानादी।

२ कोरिन्‍थी 5:1

झीगु थ्‍व म्‍ह झीपिं च्‍वनेगु संसारयागु छेँ थें खः। गुबलय् झीपिं सी अबलय् परमेश्‍वरं झीत मेगु न्‍हूगु म्‍ह बियादी। न्‍हूगु म्‍ह मनूतय्‌सं दय्‌कातःगु छेँ थें मखु। सदां दयाच्‍वनीगु स्‍वर्गयागु छेँ थें खः।

एफिसी 3:20

झीत बियादीगु शक्तिं झीसं फ्‍वनागु स्‍वयाः नं अप्‍वः अले मनय् तयागु स्‍वयाः नं अप्‍वः बी फुम्‍ह परमेश्‍वर

१ तिमोथी 6:17

थ्‍व संसारय् च्‍वंपिं तःमि धाय्‌का च्‍वंपिन्‍त अप्‍वः तःधंछुया जुइ मते धकाः धयाब्‍यु। इमिगु धनसम्‍पत्ति सदां दयाच्‍वनी मखु। उकिं इमित धनसम्‍पत्तिइ मखु, बरु झीत फुक्‍कं बियादीम्‍ह परमेश्‍वरयाके भरोसा तया च्‍वँ धकाः धयाब्‍यु।

२ तिमोथी 4:18

प्रभुं हे जितः फुक्‍क कथंया मभिंगु खं बचय् यानादी। अले थःगु स्‍वर्गयागु राज्‍यय् यंकेत वय्‌कलं जितः बचय् यानादी। वय्‌कः सदां सदां तःधना च्‍वनेमा। आमेन।

२ तिमोथी 4:8

आः ला धर्मी ठहरय् जूपिन्‍त धकाः तयातःगु श्रीपेच जक काये ल्‍यंदनि, गुगु सुयागुं ख्‍वाः मस्‍वसे न्‍याय यानादीम्‍ह प्रभुं झायाः पुइकादी। जितः जक मखु, वय्‌कः झाइगु यःपिं फुक्‍कसितं वय्‌कलं व श्रीपेच पुइकादी।

हिब्रू 6:17

परमेश्‍वरं बी धकाः धयादीपिं मनूतय्‌त थःम्‍हं बी धकाः धयादीगु खँ पाइ मखु धकाः नं पाफयादिल।

२ पत्रुस 1:1

येशू ख्रीष्‍टया दास व प्रेरित सिमोन पत्रुसयापाखें झी परमेश्‍वर व झीत मुक्ति बियादीम्‍ह येशू ख्रीष्‍टयागु धार्मिकतां यानाः जिमिसं थें तःजिगु विश्‍वास काये खंपिं फुक्‍कसित ज्‍वजलपा।

२ पत्रुस 1:5

अय्‌जूगुलिं छिमिसं विश्‍वास यानाच्‍वनाः जक मगाः, भिंपिं जुइत नं कुतः या। अले हानं भिंपिं जक जुयां नं मगाः, ज्ञान नं दय्‌कि।

२ पत्रुस 2:20

अले हानं झीत मुक्ति बियादीम्‍ह प्रभु येशू ख्रीष्‍टयागु भिंगु खँ न्‍यनाः थुइकाः संसारयागु मभिंगु पापी ज्‍याखँ त्‍वःता च्‍वनेधुंकूपिं मनूत हानं थ्‍व हे संसारयागु मभिंगु पापी ज्‍याखँ तुं यायेत वन धाःसा इपिं न्‍हापा स्‍वयाः तसकं मभिंपिं जुइ।

२ पत्रुस 3:18

झी प्रभु व मुक्तिदाता येशू ख्रीष्‍टयागु दया माया अप्‍वः दयावनेमा। अले छिमिसं वय्‌कःयात अझ नं बांलाक म्‍हसीका वने फयेमा। वय्‌कःयागु नां आः व सदां तःधना च्‍वनेमा। आमेन।

प्रकाश 3:21

गथे जिं त्‍याकाः जि जिमि बाःयागु सिंहासनय् वय्‌कः नाप फ्‍यतुइ खंगु दु, अथे हे त्‍याम्‍हय्‌सित जिं जिगु सिंहासनय् जि नाप फ्‍यतुके बी।

प्रकाश 5:10

छिं हे इमित झी परमेश्‍वरया सेवा यायेत छगू राज्‍य व पुजाहारीत दय्‌कादिल। अले इमिसं संसारय् राज्‍य याइ।”