२ राजा 7:4 - नेवाः बाइबल

⁴ शहरय् दुहां वन धाःसा झीपिं अनया अनिकालं सी। थन च्‍वनाच्‍वन धाःसा नं झीपिं सी। बरु झीपिं अरामीतय्‌गु छाउनीइ वनाः आत्‍मसमर्पण यायेनु। इमिसं झीत त्‍वःतल धाःसा झीपिं म्‍वाइ। इमिसं झीत स्‍यात धाःसा झीपिं सी।”

२ राजा 7:4 ပူးပေါင်းရင်းမြစ်များ

२ शमूएल 14:14

बँय् वानाः मदयावंगु लः थें झीपिं नं छन्‍हु सिनावने मानि, तर परमेश्‍वरं प्राण कयादी मखु। बरु वय्‌कःपाखें मनूत तापानाः मवनेमा धकाः वय्‌कलं उपाय पिकयादी।

२ राजा 6:24

छुं ई लिपा अरामया जुजु बेन-हददं थः फुक्‍क सेना मुंकाः सामरियापाखे न्‍ह्यज्‍यानाः उकियात घेरय् यात।

२ राजा 7:5

अले सन्‍ध्‍याकाः इलय् इपिं अरामीतय्‌गु छाउनीपाखे वन। छाउनीया लिक्‍क थ्‍यंबलय् अन सुं मदु।

१ इतिहास 12:19

दाऊद पलिश्‍तीतनापं मिलय् जुयाः शाऊलनापं लडाइँ याः वनाच्‍वंबलय् मनश्‍शे कुलयापिं छुं सिपाइँत दाऊदयाथाय् बिस्‍युं वल। वं पलिश्‍तीतय्‌त ग्‍वाहालि धाःसा मयाः, छाय्‌धाःसा पलिश्‍तीतय् शासकतय्‌सं थज्‍याःगु सल्‍लाह यानाः वयात लितछ्वल, “थ्‍वं थः मालिकनापं मिलय् जुयाः झीत त्‍वःताबिल धाःसा झीगु छ्यं ल्‍यं दइ मखु।”

एस्‍तर 4:16

“शूशनय् वनाः नापलाक्‍व फुक्‍क यहूदीतय्‌त जिगु निंतिं अपसं च्‍वनेत मुंकी। स्‍वन्‍हु स्‍वचा तक छुं नं नसा नये मते अले लः तकं त्‍वने मते। जि व जिमि भ्‍वातिं नं छिकपिं थें तुं अपसं च्‍वन। अनंलि कानूनया विरोध हे जूसां जि जुजुयाथाय् वने। थथे यानाः जि सीमासां सी।”

यर्मिया 14:18

ख्‍यलय् वनेबलय् जिं लडाइँलय् सीपिं मनूतय्‌गु सीम्‍ह खनीगु। शहरय् वनेबलय् जिं अनिकाल जुयाः नये मखनाच्‍वंपिं खनीगु। अगमवक्तात व पुजाहारीत निखलः हे थःम्‍हं म्‍हमस्‍यूगु देशय् वंगु दु।’”

यर्मिया 8:14

यहूदाया मनूतय्‌सं थथे धाइ, झीपिं थन छाय् सुम्‍क च्‍वंच्‍वनागु? छथाय् मुनेनु। झीपिं छचाःखेरं पःखाः ग्‍वयातःगु शहरय् दुहां वनेनु, अले अन नाश जुयेनु। छाय्‌धाःसा परमप्रभु झी परमेश्‍वरं झी नाश जुइ धकाः धयादीगु दु। अले त्‍वनेत झीत बिख दुगु लः बियादीगु दु। छाय्‌धाःसा झीसं वय्‌कःया विरोधय् पाप यानागु दु।

योना 3:9

सुनां स्‍यू– परमेश्‍वरं थःगु मन हीकादी ला, अले तं क्‍वलाकाः झीत बचय् यानादी ला?”

हिब्रू 9:27

मनू छकः सी, अले सीधुंकाः वयागु न्‍याय जुइ।