२ राजा 2:2 - नेवाः बाइबल

² एलियां एलीशायात धाल, “छ थन हे च्‍वँ, परमप्रभुं जितः बेथेलय् छ्वयादीगु दु।” तर एलीशां धाल, “धात्‍थें परमप्रभु म्‍वाःम्‍ह खः थें अले छि म्‍वाःम्‍ह खः थें, जिं पाफयाः धाये जिं छितः त्‍वःते हे मखु।” अले इपिं निम्‍हनापं क्‍वय् बेथेलय् वन।

२ राजा 2:2 ပူးပေါင်းရင်းမြစ်များ

२ राजा 2:6

अले एलियां वयात धाल, “थन हे च्‍वँ, परमप्रभुं जितः यर्दन खुसिइ छ्वयादीगु दु।” तर हाकनं एलीशां लिसः बिल, “धात्‍थें परमप्रभु म्‍वाःम्‍ह खः थें अले छि म्‍वाःम्‍ह खः थें, जिं छितः त्‍वःते हे मखु।” उकिं इपिं निम्‍हं न्‍यासि वना हे च्‍वन।

२ राजा 4:30

तर मचाया मामं धाल, “धात्‍थें परमप्रभु म्‍वाःम्‍ह खः थें अले छि म्‍वाःम्‍ह खः थें, जिं छितः त्‍वःते हे मखु।” उकिं एलीशा दनाः उम्‍ह मिसाया ल्‍यूल्‍यू वन।

२ राजा 2:4

अनंलि एलियां एलीशायात धाल, “छ थन हे च्‍वँ, परमप्रभुं जितः यरीहोय् छ्वयादीगु दु।” तर एलीशां धाल, “धात्‍थें परमप्रभु म्‍वाःम्‍ह खः थें अले छि म्‍वाःम्‍ह खः थें, जिं छितः त्‍वःते हे मखु।” अले उपिं निम्‍हनापं यरीहोय् वन।

१ शमूएल 1:26

हन्‍नाहं वयात धाल, “हे जिमि प्रभु, गथे छि म्‍वाम्‍ह खः अथे हे छिगु न्‍ह्यःने दनाः परमप्रभुयात प्रार्थना यानाः वयाच्‍वनाम्‍ह मिसा जि हे खः।

यर्मिया 4:2

छिमिसं सत्‍य, न्‍याय व खःकथं ‘धात्‍थें परमप्रभु म्‍वाःम्‍ह खः’ धया पाफल धाःसा वय्‌कःपाखें जाति जातितय्‌त आशिष दइ। अले इमिसं वय्‌कःयात तःधंकी।”

१ राजा 12:33

अले थःम्‍हं ल्‍यःगु च्‍यागूगु लाया झिंन्‍यान्‍हु खुन्‍हु व बेथेलय् थःम्‍हं अन दय्‌कूगु वेदीइ बलि छाःवन, वं इस्राएलीतय्‌गु निंतिं नखः शुरु यात, अले व वेदीइ बलि बीत वन।

१ शमूएल 25:26

“आः हे जिमि प्रभु, ल्‍वापु ख्‍याःपु यानाः हि हायेकेगु व बदला कायेगु खँय् छितः परमप्रभुं पनादीगु दु। धात्‍थें परमप्रभु छिकपिनि परमेश्‍वर म्‍वाःम्‍ह खः थें, अले छि म्‍वाःम्‍ह खः थें, जिं धाये, छपिनि शत्रुतय्‌गु व छिकपिनिगु नाश जुइगु यय्‌कीपिनिगु गति नाबालया थें हे जुइमा।

उत्‍पत्ति 28:19

वं व थाय्‌या नां बेथेल तल। न्‍हापा व थाय्‌या नां लुजः खः।

१ यूहन्‍ना 2:19

इपिं झीगु पुचलं पिहां वने धुंकल, छाय्‌धाःसा इपिं झी मनूत मखु। इपिं झी मनूत खःसा झीपिं नाप हे च्‍वनीगु खः। झीगु पुचलं पिहां वंगुलिं इपिं झी मनूत मखु धकाः सीदत।

१ राजा 12:29

वं छम्‍ह द्वहंचा बेथेलय् व मेम्‍ह दानय् थापं यात।

१ शमूएल 17:55

शाऊलं दाऊद गोल्‍यत नापं ल्‍वायेत वंबलय् थः सेनापति अबनेरयात न्‍यन, “अबनेर, व ल्‍याय्‌म्‍ह मचा सुया काय् खः?” अबनेरं धाल, “महाराज! छसपोल सदां म्‍वानादीमा! जिं मस्‍यू।”

१ राजा 12:28

अले सल्‍लाह बीपिनिगु सल्‍लाह कयाः जुजुं लुँयाम्‍ह निम्‍ह द्वहंचा दय्‌कल। वं मनूतय्‌त धाल, “छिमित यरूशलेमय् वनेत थाकुइ। हे इस्राएलीत, छिमित मिश्र देशं पित हयादीपिं छिमि द्यःत थुपिं हे खः!”

२ राजा 2:23

अनं एलीशा बेथेलय् थहां वन। व लँय् वनाच्‍वंबलय् शहरं छुं मिजंमस्‍त वयाः वयात थथे धयाः गिजय् यात, “अय् पाचु छ्यं, छ च्‍वय् थाहां हुँ। अय् पाचु छ्यं, छ च्‍वय् थाहां हुँ!”