२ राजा 13:3 - नेवाः बाइबल

³ उकिं परमप्रभु इस्राएल खनाः तसकं तंचायादिल, अले वय्‌कलं इमित ताःई तक अरामया जुजु हजाएल व वया काय् बेन-हददया अधीनय् तयादिल।

२ राजा 13:3 ပူးပေါင်းရင်းမြစ်များ

१ राजा 19:17

हजाएलया तरवारं बचय् जूपिन्‍त येहूनं स्‍याइ, येहूया तरवारं बचय् जूपिन्‍त एलीशां स्‍याइ।

२ राजा 12:17

अबलय्‌पाखे हे अरामया जुजु हजाएलं गात शहरय् हमला यानाः उकियात त्‍याका काल। अनंलि यरूशलेमयात हमला यायेत फहिलावन।

२ राजा 13:22

यहोआहाजं राज्‍य यानाच्‍वंतले अरामया जुजु हजाएलं इस्राएलीतय्‌त क्‍वत्‍यलातल।

२ राजा 17:20

उकिं परमप्रभुं इस्राएलयापिं फुक्‍क मनूतय्‌त त्‍वःतादिल। वय्‌कलं इमित दुःख बियादिल, लुटे याइपिनिगु ल्‍हातय् बियादिल। लिपतय् इमित थःगु न्‍ह्यःनं पितिनाछ्वयादिल।

यर्मिया 49:27

दमस्‍कसया पखालय् जिं मि तयाबी, उकिं बेन-हदद जुजुया किल्‍लात भस्‍म याइ,”

लेवी 26:17

जिं थःगु ख्‍वाः फस्‍वय्‌के। गुकें यानाः छिपिं शत्रुतय्‌गु ल्‍हातिं बुइ। छिमित हेपय् याइपिन्‍सं छिमित शासन याइ, सुनानं लिनाच्‍वंगु मदुसां छिपिं बिस्‍युं वनाच्‍वनी।

आमोस 4:10

“जिं छिमिगु दथुइ मिश्र देशय् थें महामारी छ्वयाहया। जिं छिमि ल्‍याय्‌म्‍हपिं मनूतय्‌त छिमिसं लाका काःपिं सलतनापं लडाइँ­लय् स्‍याना, छिमि सीपिं मनूतय्‌गु सीम्‍ह तसकं नवयाच्‍वंगु दु, अथे जूसां छिपिं जिथाय् फहिला मवः,” परमप्रभुं धयादी।

व्‍यवस्‍था 28:25

परमप्रभुं छिमित शत्रुतय्‌गु न्‍ह्यःने बुकेबी। इपिंलिसें ल्‍वायेत छिपिं छपु लँ जुयाः वइ अय्‌नं न्‍हय्‌पु लँ जुयाः बिस्‍युं वनी। छिपिं पृथ्‍वी न्‍यंकंया निंतिं भयया खँ जुइ।

हिब्रू 12:29

झीम्‍ह परमेश्‍वर भस्‍म याना छ्वइम्‍ह मि खः।

न्‍यायकर्ता 2:14

उकिं परमप्रभु इस्राएलीत खनाः तसकं तंचायादिल, अले वय्‌कलं इमित इमि जःखः च्‍वंपिं शत्रुतय्‌गु ल्‍हातय् मियादिल। इमिसं इमित लुतय् यात। उकिं यानाः इपिं थः शत्रुतय् न्‍ह्यःने च्‍वने मफुत।

न्‍यायकर्ता 3:8

अले परमप्रभु इस्राएलीत खनाः तंचायादिल, वय्‌कलं इमित अराम-नाहारैमयाम्‍ह जुजु कूशन-रिशातैमया ल्‍हातय् मियादिल। व हे जुजुं इस्राएलीतय्‌त च्‍यादँ तक क्‍वत्‍यलेगु यात।