२ यूहन्‍ना 1:9 - नेवाः बाइबल

⁹ सुनानं येशू ख्रीष्‍टं स्‍यनादीगु खँ मानय् मयासें मेमेगु हे याना जुल धाःसा अज्‍याःम्‍ह मनू नाप परमेश्‍वर च्‍वनादी मखु। तर येशू ख्रीष्‍टं स्‍यनादीगु खँ मानय् याना जूपिं नाप परमेश्‍वर व वय्‌कःया काय् येशू ख्रीष्‍ट निम्‍हं च्‍वनादी।

२ यूहन्‍ना 1:9 ပူးပေါင်းရင်းမြစ်များ

मत्ती 11:27

“बाःनं हे फुक्‍क जिगु ल्‍हातय् तयादीगु खः। काय्‌यात सुनानं म्‍हमस्‍यू, बाःनं जक काय्‌यात म्‍हस्‍यू। अले बाःयात नं सुनानं म्‍हमस्‍यू, काय्‌नं जक स्‍यू। काय्‌नं म्‍हसीका ब्‍यूपिन्‍सं जक बाःयात म्‍हसी।”

लूका 10:22

“बाःनं हे फुक्‍क जिगु ल्‍हातय् तयादीगु खः। काय्‌यात सुनानं म्‍हमस्‍यू। बाःनं जक काय्‌यात म्‍हस्‍यू। अले बाःयात नं सुनानं म्‍हमस्‍यू, काय्‌नं जक स्‍यू। काय्‌नं म्‍हसीका बीपिन्‍सं जक बाःयात म्‍हसी।”

यूहन्‍ना 14:6

वय्‌कलं धयादिल – “लँ, सत्‍य व जीवन जि हे खः। जिपाखें हे जक बाःयाथाय् वने फइ।

यूहन्‍ना 15:6

जिके मच्‍वनीम्‍ह मनूयात त्‍वधूगु कचायात थें वांछ्वइ, अले व गनावनी। वयात मुंकाः मिइ तयाः च्‍याकाछ्वइ।

यूहन्‍ना 5:23

अय्‌जूगुलिं गथे बाःयात फुक्‍कसिनं मानय् याः अथे हे काय्‌यात नं फुक्‍कसिनं मानय् यायेमाः। काय्‌यात मानय् मयाःम्‍हय्‌सिनं काय्‌यात छ्वयाहःम्‍ह बाःयात नं मानय् मयाःगु जुइ।

यूहन्‍ना 8:31

येशूं थःत विश्‍वास याःपिं यहूदीतय्‌त धयादिल – “जिं धया थें छिपिं च्‍वंसा छिपिं धात्‍थें जिम्‍ह चेला जुइ।

प्रेरित 2:42

आः इपिं प्रेरितत लिसे स्‍यनेकने, प्रार्थना, प्रभु भ्‍वय् व संगति याइपिं जुल।

कलस्‍सी 3:16

ख्रीष्‍टयागु वचनं छिमिगु नुगः जायाच्‍वनेमा। छिमिसं थःथवय् स्‍यनेकने यानाः दुनुगलंनिसें भजन व म्‍ये हालाः परमेश्‍वरयात तःधंकि।

तीतस 2:10

अले उखेंथुखें खुयाकायेगु मयासें भिंम्‍ह व विश्‍वास याये बहःम्‍ह जुयाः न्‍ह्यागु खँय् नं झीत मुक्ति बियादीम्‍ह परमेश्‍वरयागु वचनयात तःधंके फयेमा।

हिब्रू 3:14

झीसं न्‍हापांनिसें लिपा तकं विश्‍वास थातं तयाच्‍वने फुसा झीपिं ख्रीष्‍टनापं च्‍वने दइ।

हिब्रू 6:1

अय्‌जूगुलिं ख्रीष्‍टयागु न्‍ह्यखँ जक सय्‌का च्‍वनेगु त्‍वःताः मेमेगु दुग्‍यंगु व ततःधंगु खँ नं सीकेमाः। मखुगु, मभिंगु व परमेश्‍वरयात मयःगु ज्‍याखँ यायेगु त्‍वःताः पश्‍चाताप यायेगु, वय्‌कःयात विश्‍वास यानाच्‍वनेगु,

१ यूहन्‍ना 1:3

जिमिसं न्‍यनागु व खनागु फुक्‍कं न्‍यंकागु दु। जिमिगु संगति बाः नाप व परमेश्‍वरया काय् येशू ख्रीष्‍टनाप दुगुलिं छिमिसं नं जिपिं नाप संगति याये फयेमा धकाः थथे धयाच्‍वनागु खः।

३ यूहन्‍ना 1:9

न्‍हापा नं जिं आम्‍कन च्‍वंगु मण्‍डलीयात पौ च्‍वया हये धुन। तर छिपिं मध्‍ये तःधंछुया जुइमाःम्‍ह डियोत्रिफसं जिगु खँय् च्‍यूताः मतः।