२ यूहन्‍ना 1:12 - नेवाः बाइबल

¹² जिं छिमित च्‍वये माःगु खँ ला यक्‍व हे दु। तर मसी व भ्‍वंतं मखु। आम्‍कन हे वयाः धाये, अले झीपिं सकलें लय्‌ताय् खनी।

२ यूहन्‍ना 1:12 ပူးပေါင်းရင်းမြစ်များ

गन्‍ती 12:8

वलिसे जिं चुलिंचू च्‍वनाः खँ ल्‍हाये, मथुइक मखु, ध्‍वाथुइक वं परमप्रभुयागु रूप खनी। छिपिं छाय् जिमि दास मोशायात कुंखिना जुइत मग्‍यानागु?”

यूहन्‍ना 15:11

जिगु आनन्‍द छिमिके दयेमा, अले थ्‍व आनन्‍द यक्‍व दयावनेमा धकाः हे जिं थ्‍व खँ छिमित धयागु खः।

यूहन्‍ना 16:12

“जिं छिमित धायेमानिगु खँ ला यक्‍व हे दु। अय्‌नं छिमिसं आःयात थुइके फइ मखुनि।

यूहन्‍ना 16:24

आः तक छिमिसं जिगु नामं छुं हे मफ्‍वंनि। फ्‍वँ, अले छिमित दइ, थुकथं छिपिं आनन्‍दं जाइ।”

यूहन्‍ना 17:13

“आः जि छिथाय् वयेत्‍यना। इमिगु नुगः जिगु आनन्‍दं जायेमा धकाः संसारय् दनिबलय् हे जिं थथे धयागु खः।

यूहन्‍ना 3:29

भम्‍चायात ब्‍याहा याःम्‍ह हे भाःतम्‍ह जुइ। ब्‍याहा याःम्‍ह मिजंया पासा वयागु खँ न्‍यनाः तसकं लय्‌ताइ। अथे हे जि नं आः लय्‌ताय् खन।

रोमी 15:24

स्‍पेनय् वनेत वयेबलय् लँपु लाकाः छिमित नापलाः वये। छन्‍हु निन्‍हु जि छिमिथाय् हे च्‍वनेगु इच्‍छा दु, नापं स्‍पेनय् वनेत जितः छिमिसं छुं भचा ग्‍वाहालि बी धकाः जिं आशा यानागु दु।

२ तिमोथी 1:4

छंगु मिखाय् जाया वःगु ख्‍वबि लुमंकाः जि छन्‍त नापलाः वये मास्‍ति वइगु। छन्‍त नापलाये खंसा जिगु मन च्‍वनी।

फिलेमोन 1:22

मेगु छता खँ नं धाये – छिमिसं प्रार्थना यानाच्‍वंगुलिं जि हानं छिमिथाय् वये दइ ला धकाः आशा यानाच्‍वनागु दु। अय्‌जूगुलिं जितः क्‍वथा छकू स्‍वयाः तयाति।

हिब्रू 13:19

जि छिमिथाय् याकनं वये फयेमा धकाः छिमिसं जिगु निंतिं दुनुगलंनिसें प्रार्थना याना च्‍वँ।

हिब्रू 13:23

झी किजा तिमोथीयात त्‍वःता हःगु खँ जिं छिमित सीके बियाच्‍वना। व थन याकनं वल धाःसा जि वयात ब्‍वनाः आम्‍कन वये।

१ यूहन्‍ना 1:4

थथे जिमिसं छिमित च्‍वयाः कयाच्‍वने दुगुलिं जिपिं तसकं लय्‌ताः।

३ यूहन्‍ना 1:10

वं अथे यानाच्‍वंगु खँ फुक्‍कं जिं आम्‍कन वयेबलय् कनाबी। वं जिमित बांमलाका च्‍वंगु दु। अले वं जिमिगु बारे मभिंगु खँ धया जुयाच्‍वंगु दु। उलि जक मखु, आम्‍कन वःपिं दाजुकिजापिन्‍त नं वं दुमकाः। अथे वःपिं दाजुकिजापिन्‍त दुकायेत स्‍वःपिन्‍त नं वं मण्‍डलीं पितिनाछ्वत।