२ यूहन्‍ना 1:10 - नेवाः बाइबल

¹⁰ अय्‌जूगुलिं येशू ख्रीष्‍टं स्‍यनादीगु खँ नाप पाय्‌छि मजुइक मेकथं हे स्‍यना जुइपिं मनूत छिमिगु छेँय् वःसा इमित दुकाये मते। थज्‍याःपिं मनूतय्‌त ज्‍वजलपा नं याये मते।

२ यूहन्‍ना 1:10 ပူးပေါင်းရင်းမြစ်များ

उत्‍पत्ति 24:12

वं मनमनं प्रार्थना यात, “हे जिमि मालिक अब्राहामया परमप्रभु परमेश्‍वर! दया यानाः थौं, जिगु ज्‍या तालाकादिसँ अले जिमि मालिक अब्राहामयात थःगु दया क्‍यनादिसँ।

१ राजा 13:16

परमेश्‍वरया मनुखं धाल, “जि छिनापं लिहां वनेमफु, थ्‍व थासय् जिं छिनापं नयेत्‍वने याये नं मफु।

भजनसंग्रहया सफू 129:8

अनं जुयाः वइपिं वनिपिन्‍सं सुनानं थथे धाइ मखु, “परमप्रभुं छन्‍त सुवाः बियादीमा। परमप्रभुया नामय् जिमिसं छन्‍त सुवाः बी।”

प्रेरित 15:23

जिमित थथे पौ च्‍वया बियाछ्वल – “थनच्‍वंपिं प्रेरितत व थकालिपिनिपाखें एन्‍टिओखिया, सिरिया व किलिकियाय् च्‍वंपिं यहूदीमखुपिं दाजुकिजापिन्‍त ज्‍वजलपा दु।

१ कोरिन्‍थी 16:22

प्रभुयात माया मयाइम्‍हय्‌सित धिक्‍कार दु। “हे जिमि प्रभु, झायादिसँ।”

१ कोरिन्‍थी 5:11

जिं छिमित धयागु छु धाःसा विश्‍वासी दाजुकिजापिं जुयाः नं व्‍यभिचार यानाजुइपिं, लोभीत, मूर्ति पुजा यानाजुइपिं, मेपिन्‍त मभिंका जुइपिं, अय्‌लाः त्‍वनाजुइपिं, अले खुँत – थज्‍याःपिं मनूत नाप बुला जुइ मते, अले इपिं नाप नये तक मते धकाः धयागु खः।

२ थेसलोनिकी 3:14

आम्‍कन च्‍वंपिं सुनानं जिमिसं च्‍वयाहयागु खँ मन्‍यन धाःसा अज्‍याःपिन्‍त म्‍हसीकाः इपिं नाप तापाक हे च्‍वनेगु या। अले इपिं थथःम्‍हं मछाली।

२ थेसलोनिकी 3:6

दाजुकिजापिं, थाकु चायाः जुइपिं व जिमिसं धयागु खँ मन्‍यंपिं नाप जुइ मते धकाः प्रभुयागु नामं जिमिसं छिमित बिन्‍ति यानाच्‍वनागु दु।

तीतस 3:10

मनूतय्‌त ल्‍वाका जुइपिन्‍त छकः निकः न्‍वाना नं मजिल धाःसा व नाप जुइ मते।

२ यूहन्‍ना 1:11

सुनानं थज्‍याःपिं फताहातय्‌त ज्‍वजलपा यासाः ज्‍वजलपा याःपिं मनूतय्‌सं इमिगु मभिंगु ज्‍याय् ब्‍वति काःगु जुइ।

३ यूहन्‍ना 1:10

वं अथे यानाच्‍वंगु खँ फुक्‍कं जिं आम्‍कन वयेबलय् कनाबी। वं जिमित बांमलाका च्‍वंगु दु। अले वं जिमिगु बारे मभिंगु खँ धया जुयाच्‍वंगु दु। उलि जक मखु, आम्‍कन वःपिं दाजुकिजापिन्‍त नं वं दुमकाः। अथे वःपिं दाजुकिजापिन्‍त दुकायेत स्‍वःपिन्‍त नं वं मण्‍डलीं पितिनाछ्वत।