२ यूहन्‍ना 1:1 - नेवाः बाइबल

¹ परमेश्‍वरं ल्‍ययादीम्‍ह मिसा व वया मस्‍तय्‌त जि मण्‍डलीया थकालिं छिमित धात्‍थेंयागु माया याना। सत्‍ययात म्‍हस्‍यूपिं फुक्‍कसिनं छिमित माया यानाच्‍वंगु दु।

२ यूहन्‍ना 1:1 ပူးပေါင်းရင်းမြစ်များ

लूका 1:3

हनेमाःम्‍ह थियोफिलस, थ्‍व खँ नं जिं शुरुंनिसें बांलाक सीका थुइका तयागुलिं छितः कथंहंक च्‍वयेगु हे बांलाः ताल।

यूहन्‍ना 8:32

छिमिसं सत्‍य छु खः धकाः सी, अले सत्‍यं छिमित स्‍वतन्‍त्र याइ।”

प्रेरित 11:30

मुंगु भेटी शाऊल व बारनाबासयागु ल्‍हातं यरूशलेमया मण्‍डलीया थकालिपिन्‍त बीके छ्वल।

रोमी 16:13

प्रभुं ल्‍ययातःम्‍ह रूफसयात व वया मांयात ज्‍वजलपा दु धकाः न्‍यंकाब्‍यु। वया मां जिम्‍ह मां थें हे खः।

गलाती 2:14

इपिं थथे सत्‍य भिंगु खँयागु लँपुइ मजूगु खनाः जिं पत्रुसयात फुक्‍कसिया न्‍ह्यःने थथे धयाबिया – “यहूदी जुयाः नं छि यहूदीमखुम्‍ह मनू थें जुयाच्‍वन। छि ला यहूदी थें मच्‍वं। थुकथं छिं यहूदीमखुपिन्‍त यहूदीत थें जू धकाः गथे यानाः धया जुइगु?”

गलाती 2:5

इमिसं धाःगु छता हे खँ जिमिसं मानय् मयाना। थुकथं जिमिसं भिंगु खँय् सत्‍य दु धकाः छिमित क्‍यनाबिया।

गलाती 3:1

अय् मूर्ख गलातीत, छिमित सुनां स्‍यंकल? येशू ख्रीष्‍टयात क्रूसय् यख्‍खानाः स्‍याःगु खँ छिमिगु हे न्‍ह्यःने ध्‍वाथुइक कनागु मखु ला?

गलाती 5:7

छिपिं ला बांलाक ब्‍वाँय् वनाच्‍वंगु खः। छिमित सुनां सत्‍य खँ मानय् याये मते धकाः पन?

कलस्‍सी 1:5

छिमिगु निंतिं स्‍वर्गय् तयादीगु आशाया निंतिं हे विश्‍वास व माया यानागु खः। अले सत्‍यगु वचन व भिंगु खँ न्‍यंकः वयाबलय् छिमिसं अनन्‍त जीवन दइ धयागु खँय् आशा याःगु दु।

१ तिमोथी 2:4

फुक्‍क मनूतय्‌सं मुक्ति काये फयेमा व सत्‍यगु खँयात बांलाक सीकाकाये फयेमा धयागु वय्‌कःया इच्‍छा खः।

हिब्रू 10:26

सत्‍य छु खः धयागु सीधुंकाः नं झीसं पाप याना जुल धाःसा झीगु पाप हुयाछ्वयेगु गुगुं बलिदान हे दइ मखुत।

१ पत्रुस 1:2

न्‍हापांनिसें ताःतुनादी थें वय्‌कलं धाःथें याइपिं यायेत पवित्र आत्‍मापाखें छिमित परमेश्‍वर बाःनं ल्‍ययादीगु खः। अले येशू ख्रीष्‍टयागु हिं शुद्ध यानाः छिमित वय्‌कःयात मानय् याइपिं यानादीगु खः। परमेश्‍वरयागु दया माया व शान्‍ति छिमित यक्‍व दयेमा।

१ पत्रुस 5:1

जि नं छम्‍ह मण्‍डलीयाम्‍ह थकालि खः। उकिं आम्‍कन च्‍वंगु मण्‍डलीयापिं थकालिपिन्‍त नं थ्‍व न्‍वानाखँ च्‍वया हयाच्‍वनागु खः। ख्रीष्‍टं दुःख सियाः सिनादीगु नं जिं खनागु दु। येशू ख्रीष्‍ट झायादीबलय् जि नं वय्‌कः नाप तःधनी।

१ पत्रुस 5:13

छिपिं थें तुं ल्‍ययातःपिं बेबिलोनय् च्‍वंपिं विश्‍वासीतय्‌सं छिमित ज्‍वजलपा धयाहःगु दु। अथे हे जिमि काय् मर्कूसं नं छिमित ज्‍वजलपा धयाहःगु दु।

१ यूहन्‍ना 2:21

छिमिसं सत्‍ययात मस्‍यू धकाः जिं थ्‍व च्‍वयाच्‍वनागु मखु। सत्‍ययात स्‍यूगुलिं हे जिं थ्‍व च्‍वयाच्‍वनागु खः, छाय्‌धाःसा सत्‍यपाखें मखुगु खँ पिहां वइ मखु धकाः छिमिसं सि हे स्‍यू।

१ यूहन्‍ना 3:18

अय् जि यःपिं मस्‍त, झीसं म्‍हुतुं जक माया याना धयां मज्‍यू। ज्‍याखँय् नं धात्‍थेंगु माया यानाक्‍यने फयेमाः।

२ यूहन्‍ना 1:13

ल्‍ययातःम्‍ह छिमि केहेँया काय्‌म्‍ह्यायपिन्‍सं छिमित ज्‍वजलपा धयाहःगु दु।

२ यूहन्‍ना 1:5

अय्‌जूगुलिं नं आम्‍कन मण्‍डलीइ च्‍वंपिन्‍सं थःथवय् माया याना च्‍वँ धकाः जिं छिमित बिन्‍ति याना हयागु खः। न्‍हापांनिसें हे झीत थःथवय् माया यानाच्‍वनेमाः धकाः धयातःगु खः, उकिं थ्‍व न्‍हूगु खँ मखु।

३ यूहन्‍ना 1:1

तसकं यःम्‍ह गायसयात जि मण्‍डलीया थकालियापाखें दुनुगलंनिसें माया दु।