२ कोरिन्‍थी 9:7 - नेवाः बाइबल

⁷ सकसिनं थःगु मनय् गुलि बी धकाः पक्‍का याःगु खः उलि हे ब्‍यु। बीधुंकाः नुगः मछिंका च्‍वने मज्‍यू, करंबरं बीगु नं बांमलाः, छाय्‌धाःसा लय्‌तायाः ब्‍यूम्‍ह मनू खनाः परमेश्‍वर लय्‌तायादी।

२ कोरिन्‍थी 9:7 ပူးပေါင်းရင်းမြစ်များ

१ इतिहास 29:17

हे जिमि परमेश्‍वर, छिं छम्‍ह छम्‍हय्‌सिगु मन स्‍वयादी धकाः जिं स्‍यू, विश्‍वास बहःम्‍ह मनूत खनाः छि लय्‌तायादी। थुपिं फुक्‍क जिं विश्‍वास बहःम्‍ह जुयाः दुनुगलंनिसें थःगु इच्‍छां बियागु दु। थन मूंपिं छि मनूत छिथाय् थःगु देछा हःबलय् लय्‌ताः, व जिं खनागु दु।

१ इतिहास 29:9

नायःतय्‌सं उपिं सामान थथःगु इच्‍छां परमप्रभुयात ब्‍यूगु खः। इमिसं दुनुगलंनिसें परमप्रभुयात ब्‍यूगु खः। नायःतय्‌सं अथे देछा ब्‍यूगुलिं मनूत तसकं लय्‌ताल। दाऊद जुजु नं तसकं लय्‌ताल।

प्रस्‍थान 25:2

“जिगु निंतिं देछा हयेमाः धकाः इस्राएलीतय्‌त धा, जिगु निंतिं दुनुगलंनिसें बीगु मनदुपिं मनूतय्‌सं बी हःगु देछा छं का।

प्रस्‍थान 35:5

छिपिं थःपिनि दथुं परमप्रभुया निंतिं देछा मुँ। बीगु मनदुपिं फुक्‍कसिनं परमप्रभुयाथाय् लुँ, वहः, कँय्,

हितोपदेश 11:25

नुगः मस्‍यासेबीम्‍ह मनूयाके यक्‍व दयावइ, मेपिन्‍त ग्‍वाहालि याइम्‍हय्‌सित, थःत नं ग्‍वाहालि दइ।

हितोपदेश 22:9

नुगः तफाःम्‍ह मनूयात आशिष दइ, छाय्‌धाःसा वं चीमिपिन्‍त नं नके त्‍वंकेगु याइ।

यशैया 32:5

मूर्खम्‍ह मनूयात हाकनं गुबलें हनेबहःम्‍ह मनू धकाः धाइ मखु, न त मभिंगु ज्‍या यानाजुइपिन्‍त हे हनाबना याइ।

यशैया 32:8

तर भिंपिं मनूतय्‌सं हनेबहःगु ज्‍यायागु योजना दय्‌की अले हनेबहःगु ज्‍या यानां तुं च्‍वनी।

प्रेरित 20:35

दक्‍व खँ जिं थःम्‍हं हे याना क्‍यनागु दु। अथे हे छिकपिन्‍सं नं थःम्‍हं हे थाकुगु ज्‍या यानाः मफुपिन्‍त ग्‍वाहालि यायेमाः। अले प्रभु येशूं धयादीगु खँ ल्‍वःमंकादी मते। वय्‌कलं धयादीगु दु – ‘कायेगु स्‍वयाः बीगु यक्‍व भिं।’”

रोमी 12:8

अर्ती बीगु वरदान दःसा अर्ती बीगु हे यायेमाः। बीगु वरदान दःसा दुनुगलंनिसें बीगु यायेमाः। नायः जुइगु वरदान दःसा बुद्धि पुरय् यानाः यायेमाः। कर्पिन्‍त दया माया यायेगु वरदान दःसा लय्‌तायाः या।

२ कोरिन्‍थी 8:12

छिमिसं बी मास्‍ति वःसा छिमिके दुगु जक परमेश्‍वरयात ब्‍यूसां गाः, छिमिके मदुगु बीमाः धयागु मदु।

व्‍यवस्‍था 15:14

छिमिसं थःगु फैच्‍वलय्‌पाखें, थःगु खलां व थःगु दाखतिसिगु सालं नुगः मस्‍याकुसें वयात ब्‍यु। परमप्रभु छिमि परमेश्‍वरं छिमित गज्‍याःगु सुवाः बियादीगु दु, वकथं हे वयात ब्‍यु।

फिलेमोन 1:14

अय्‌नं छंके मन्‍यंकं थथे यायेगु जितः बांलाः मताल। जिं छन्‍त छुं नं ज्‍याय् कर याये मखु, छं स्‍वयाः यःथें या।

याकूब 5:9

दाजुकिजापिं, छिपिं थःथवय् कचकच याना जुइ मते। अले जक परमेश्‍वरं छिमित भिंपिं मनूत खः धकाः सजाँय बियादी मखु। स्‍व, मनूतय्‌त न्‍याय यानादीम्‍ह प्रभु याकनं हे झायादीत्‍यंगु दु।

१ पत्रुस 4:9

पाहां वःपिं मनूतय्‌त छिमिसं दुनुगलंनिसें लसकुस या।