२ कोरिन्‍थी 9:13 - नेवाः बाइबल

¹³ छिमिसं थथे ग्‍वाहालि याःगुलिं फुक्‍कसिनं छिपिं भिंपिं मनूत खः धकाः सीकी। ख्रीष्‍टयागु भिंगु खँ मानय् यानाच्‍वंगु दु धकाः थुकिं सी दइ। थुकिं यानाः इमिसं परमेश्‍वरयात सुभाय् बी।

२ कोरिन्‍थी 9:13 ပူးပေါင်းရင်းမြစ်များ

भजनसंग्रहया सफू 50:23

सुभाय्‌या बलि छाइम्‍हय्‌सिनं हे जिगु महिमा याइ, अले जिगु लँय् जूपिन्‍त जिं परमेश्‍वरयागु मुक्ति क्‍यने।”

मत्ती 5:16

छिपिं नं मनूतय्‌गु न्‍ह्यःने थथे हे थिनाच्‍वने फयेमाः। अले जक छिमिसं याःगु बाबांलाःगु ज्‍याखँ मनूतय्‌सं खनी, अले स्‍वर्गय् च्‍वनादीम्‍ह परमेश्‍वर बाःयात इमिसं तःधंकी।

मत्ती 9:8

थ्‍व खनाः अन च्‍वंपिं मनूत ग्‍यात। अले मनूतय्‌त परमेश्‍वरं थज्‍याःगु अधिकार बियादीगुलिं इमिसं परमेश्‍वरयात तःधंकल।

लूका 6:46

“छिमिसं जिं धयागु खँ न्‍यने मखुसा, छाय् जितः प्रभु, प्रभु, धकाः धायेगु?

यूहन्‍ना 15:8

छिमिसं यक्‍व फल सय्‌कल धाःसा उकिं हे जिमि बाः तःधनी। अले छिपिं जिमि चेलात जुइ।

प्रेरित 11:18

इमिसं फुक्‍क खँ न्‍यने धुंकाः पत्रुसयात ब्‍वःबीगु त्‍वःताः थथे धकाः परमेश्‍वरयात तःधंकल – “अय्‌सा परमेश्‍वरं यहूदीमखुपिन्‍त नं पश्‍चाताप याकाः म्‍वाकादिल खनी।”

प्रेरित 4:21

इमिसं याःगु अजू चायापुगु ज्‍या खनाः अन च्‍वंपिं फुक्‍क मनूत परमेश्‍वरयागु नां कयाः लय्‌लय् ताया च्‍वंगुलिं व सजाँय बीत त्‍वहः लुइके मफयाः ख्‍या जक ख्‍यानाः इमित त्‍वःता छ्वल।

रोमी 10:16

अय्‌नं यहूदीत फुक्‍कसिनं भिंगु खँय् न्‍हाय्‌पं मब्‍यूनि। थ्‍व हे खँ यशैयां नं च्‍वया थकल – “प्रभु, जिमिसं न्‍यंकागु खँय् सुनां विश्‍वास याःगु दु?”

रोमी 12:8

अर्ती बीगु वरदान दःसा अर्ती बीगु हे यायेमाः। बीगु वरदान दःसा दुनुगलंनिसें बीगु यायेमाः। नायः जुइगु वरदान दःसा बुद्धि पुरय् यानाः यायेमाः। कर्पिन्‍त दया माया यायेगु वरदान दःसा लय्‌तायाः या।

रोमी 15:31

यहूदियाय् च्‍वंपिं विश्‍वास मयाःपिं मनूतय्‌पाखें जि बचय् जुइमा धकाः व यरूशलेमय् जिगु सेवा अन च्‍वंपिं विश्‍वासीतय्‌त ययेमा धकाः परमेश्‍वरयात प्रार्थना या।

रोमी 16:26

थ्‍व हे गुप्‍त खँ आः फुक्‍क मनूतय्‌त सीके बीत अगमवक्तातय्‌सं च्‍वया थकूगु दु। सदां दयाच्‍वनीम्‍ह परमेश्‍वरं फुक्‍क जात जातियापिन्‍त सीके बीत, अले विश्‍वास यानाः वय्‌कःयात मानय् यायेत थ्‍व भिंगु खँ बय्‌बय् यायेमाः धकाः आज्ञा बियादीगु दु।

२ कोरिन्‍थी 10:5

परमेश्‍वरयागु खँ अःखः यायेत स्‍वइपिन्‍त नं जिमिसं बुकाच्‍वनागु दु। फुक्‍क बिचाःयात बसय् कयाः ख्रीष्‍टयात मानय् याकेत स्‍वयाच्‍वनागु दु।

२ कोरिन्‍थी 2:12

ख्रीष्‍टयागु भिंगु खँ न्‍यंकेत जि त्रोआसय् वयाबलय् अन ज्‍या यायेत प्रभुं जितः लुखा चाय्‌कादिल।

२ कोरिन्‍थी 8:4

थथे भेटी बियाः इमिसं यहूदियाय् च्‍वंपिं विश्‍वासीतय्‌त ग्‍वाहालि बीगु ज्‍याय् ब्‍वति काये दयेमा धकाः तःक्‍वः मछि बिन्‍ति यात।

२ कोरिन्‍थी 9:14

परमेश्‍वरं छिमित यक्‍व हे दया माया यानादीगुलिं छिमित माया यानाः छिमिगु निंतिं इमिसं प्रार्थना याइ।

गलाती 1:24

जिगु जीवनय् थथे हिउपा वःगुलिं इमिसं परमेश्‍वरयात प्रशंसा यात।

१ तिमोथी 6:12

विश्‍वासयागु लँपुइ न्‍ह्यज्‍याना तुं च्‍वँ। अले अनन्‍त जीवन काय्‌त स्‍व। थुकियागु निम्‍ति हे परमेश्‍वरं छन्‍त सःतादीगु खः, अले थुकियागु निम्‍ति हे छं यक्‍व मनूतय्‌त थःगु विश्‍वासयागु साक्षी ब्‍यूगु खः।

१ तिमोथी 6:13

फुक्‍कसितं म्‍वाका तःम्‍ह परमेश्‍वरयागु न्‍ह्यःने व पन्‍तियस पिलातसयागु न्‍ह्यःने सत्‍ययागु निंतिं नवानादीम्‍ह ख्रीष्‍ट येशूयागु न्‍ह्यःने जिं छन्‍त धयाच्‍वना –

हिब्रू 10:23

थःपिन्‍सं यानागु आशायात झीसं बल्‍लाका च्‍वनेमाः, छाय्‌धाःसा झीत बचं बियादीम्‍ह विश्‍वास याये बहःम्‍ह खः।

हिब्रू 13:16

मेपिन्‍त भिंका जुइगु व ग्‍वाहालि यायेगु ल्‍वःमंके मते। थज्‍याःगु बलिं हे परमेश्‍वर लय्‌तायादी।

हिब्रू 3:1

यःपिं दाजुकिजापिं, छिमित हे खः, परमेश्‍वरं सःतादीगु। झीसं विश्‍वास यानाच्‍वनाम्‍ह येशूयात हे परमेश्‍वरं छ्वयाहयाः दकलय् तःधंम्‍ह पुजाहारी यानादिल। वय्‌कःयाके थःगु मन तया च्‍वँ।

हिब्रू 4:14

स्‍वर्गय् झायादीम्‍ह परमेश्‍वरया काय् येशू हे झी दक्‍वसिबय् तःधंम्‍ह पुजाहारी जूगुलिं झीसं मानय् यानाः वयागु विश्‍वासयात अज्‍जं क्‍वात्तुकाच्‍वनेमाः।

हिब्रू 5:9

अले छकः फुक्‍क पूवंम्‍ह जुयादी धुंकाः वय्‌कः थःगु आज्ञा मानय् याइपिन्‍त सदां दयाच्‍वनीगु मुक्ति बियादीम्‍ह जुयादिल।

१ पत्रुस 2:9

छिपिं ला ल्‍ययातःपिं, जुजुया पुजाहारी, पवित्रपिं व परमेश्‍वरया थः हे मनूत खः। वय्‌कःयात तःधंका जुइत हे छिमित खिउँथासं वय्‌कःया अजू चायापुगु जलय् हयादीगु खः।

१ पत्रुस 4:11

नवाइम्‍हय्‌सिनं परमेश्‍वरयागु खँ जक नवाना जुइमाः। कर्पिन्‍त ग्‍वाहालि यानाजुइपिन्‍सं परमेश्‍वरं बियादीगु बलं फक्‍व ग्‍वाहालि याना जुइमाः। येशू ख्रीष्‍टयापाखें छिमिसं फुक्‍क ज्‍यां परमेश्‍वरयात तःधंका जुइमाः। परमेश्‍वर न्‍ह्याबलें तःधना च्‍वनेमा। आमेन।

रुथया सफू 2:19

नाओमीं वयात न्‍यन, “थौं छ तछ्वगुँइँ मुनेत गन वना? छन्‍त माया याःम्‍ह मनूयात सुवाः लायेमा।” थःम्‍हं बोअजया बुँइ ज्‍या यानागु खँ रुथं नाओमीयात कन।