२ कोरिन्‍थी 8:9 - नेवाः बाइबल

⁹ झी प्रभु येशू ख्रीष्‍ट गुलि ग्‍वाहालि यानादीम्‍ह प्रभु खः धकाः ला छिमिसं सि हे स्‍यू। वय्‌कः तःमि जुयाः नं छिमिगु निंतिं चीमि जुयादिल। थः चीमि जुयाः छिमित तःमि यायेत वय्‌कलं थथे यानादिल।

२ कोरिन्‍थी 8:9 ပူးပေါင်းရင်းမြစ်များ

यशैया 53:2

व ला वय्‌कःया न्‍ह्यःने क्‍यातूगु मा थें व गंगु बं पिहां वःगु हा थें तःमा जुयावल। वयात स्‍वयेत झःझः मधाः अले बांलाः नं मजू। वयागु ख्‍वालय् झीत यःगु छुं नं मदु।

यशैया 62:1

यरूशलेमया धार्मिकता सुथ न्‍हापांया जः थें खनेमदुतले, अले वयागु मुक्ति च्‍यानाच्‍वंगु मिप्‍वाःया जः थें खनेमदुतले, सियोनया निंतिं जि सुम्‍क च्‍वने मखु। यरूशलेमया निंतिं जि सुम्‍क च्‍वने मखु।

यशैया 65:8

परमप्रभुं थथे धयादी, “गथे दाखया ज्‍वाँय्‌लय् रस दया, मनूतय्‌सं धाइ, ‘उकियात स्‍यंके मते, छाय्‌धाःसा उकी झन अप्‍वः रस दइजुइ,’ अथे हे जिं जिमि दासतय्‌गु कारणं इपिं फुक्‍कसित नाश याये मखु।

मत्ती 17:27

अय्‌जूसां झीसं थुमित तं पिकाय्‌के मज्‍यू, उकिं समुद्रय् वनाः बल्‍छी ति। दकलय् न्‍हापां क्‍यंम्‍ह न्‍यायात सालाः का। वयागु म्‍हुतुइ छंगु व जिगु देगःयागु कर पुलेत गाक्‍क धिबा दइ। अले उकिं हे कर पुलाब्‍यु।”

मत्ती 20:28

मनूया काय्‌नं सेवा याकेत मखु, बरु सेवा यायेत व यक्‍वसित मुक्ति बीत व सीत वःगु खः।”

मत्ती 8:20

वय्‌कलं लिसः बियादिल – “ध्‍वंतय् च्‍वनेत प्‍वाः दु, झंगःतय् च्‍वनेत स्‍वँ दु, मनूया काय्‌या धाःसा छ्यं दिकेत नं थाय् मदु।”

मर्कूस 6:3

थ्‍व सिँकःमि, मखु ला? थ्‍वया मां मरियम, थ्‍वया किजापिं याकूब, योसेफ, यहूदा व सिमोन, मखु ला? थ्‍वया केहेँपिं नं थन हे दु, मखु ला?” अथे जुया इमिसं वय्‌कःयात पत्‍याः मयात।

लूका 16:11

संसारयागु धिबाया ज्‍याखँय् हे ला विश्‍वास यायेबहः मजूम्‍ह मनूयात स्‍वर्गयागु धन सुनां लःल्‍हानाबी।

लूका 2:7

वं दकलय् न्‍हापांम्‍ह काय् बुइकल। च्‍वनेत गनं हे थाय् मदुगुलिं इमिसं मचायात इचां भुनाः फैतय्‌त नकिगु थलय् थ्‍यनातल।

लूका 8:3

अले हेरोदया छम्‍ह कजी खूजासया कलाः योअन्‍ना, सुसन्‍ना व मेपिं यक्‍व मिसात नं वय्‌कः नाप जूगु दु। थ्‍व मिसातय्‌सं वय्‌कःयात माक्‍व धिबा बियाः ग्‍वाहालि याः।

लूका 9:58

वय्‌कलं धयादिल – “ध्‍वंतय् च्‍वनेत प्‍वाः दु, झंगःतय् च्‍वनेत स्‍वँ दु, मनूया काय्‌या धाःसा छ्यं दिकेत नं थाय् मदु।”

यूहन्‍ना 1:10

वय्‌कः संसारय् दी, वय्‌कलं हे संसार सृष्‍टि यानादीगु जूसां संसारय् च्‍वंपिन्‍सं वय्‌कःयात म्‍हमसील।

यूहन्‍ना 1:14

वचन मनू जुयाः झीपिं नाप च्‍वं झाल। वय्‌कः दया माया, अले सत्‍यं जाःम्‍ह खः। जिमिसं वय्‌कःया महिमा खना, गुगु महिमा बाःया याकः काय्‌या थें च्‍वं।

यूहन्‍ना 1:17

व्‍यवस्‍था मोशायागुपाखें बियादिल, येशू ख्रीष्‍टयागुपाखें धाःसा परमेश्‍वरया दया माया व सत्‍य दत।

यूहन्‍ना 12:30

वय्‌कलं इमित धयादिल – “थ्‍व खँ धयाहःगु छिमिगु निंतिं खः, जिगु निंतिं मखु।

यूहन्‍ना 16:15

बाःयाके दुगु फुक्‍कं जिगु हे खः। अय्‌जूगुलिं जिं जिगु खँयात कयाः सत्‍य आत्‍मां छिमित कनादी धकाः धयागु खः।”

यूहन्‍ना 17:19

सत्‍यं इमित नं पवित्र यायेमा धकाः जि थः हे तुं इमिगु निंतिं पवित्र जुया।”

रोमी 11:12

थुकथं इमिसं पाप याःगुलिं संसारयात यक्‍व हे भिन, अथे हे इपिं स्‍यनाः यहूदीमखुपिन्‍त यक्‍व आशिष दत धाःसा झन इस्राएलीत फुक्‍कसिनं विश्‍वास याइबलय् गुलि जक भिनिगु जुइ।

रोमी 15:3

मुक्ति बीम्‍ह ख्रीष्‍टं नं थःत यःथें याना मजूगु खँ धर्मशास्‍त्रय् थुकथं च्‍वयातःगु दु – “छितः क्‍वह्यंकिपिन्‍सं जितः नं क्‍वह्यंकाहःगु दु।”

रोमी 5:8

तर झी पापी जुयाच्‍वंबलय् हे ख्रीष्‍ट झीगु पलेसाय् सिनादीगुलिं झीत परमेश्‍वरं माया यानादीगु दु धकाः सी दु।

रोमी 8:32

सुनां थःकाय्‌यात हे ल्‍यंका मतसे झी सकसिगु निंतिं स्‍याकेत बियादीम्‍ह परमेश्‍वरं वय्‌कःया काय्‌पाखें झीत माःगु फुक्‍कं गथे बियामदी?

१ कोरिन्‍थी 1:4

ख्रीष्‍ट येशूं छिमित दया माया यानादीगुलिं जिं न्‍ह्याबलें परमेश्‍वरयात सुभाय् बियाच्‍वनागु दु।

१ कोरिन्‍थी 15:47

दकलय् न्‍हापायाम्‍ह आदम पृथ्‍वीयागु चां दय्‌कूम्‍ह खः, अले लिपायाम्‍ह आदम स्‍वर्गं वःम्‍ह खः।

२ कोरिन्‍थी 13:14

प्रभु येशू ख्रीष्‍टयागु दया, परमेश्‍वरयागु माया, अले पवित्र आत्‍मायागु संगति छिपिं सकल नाप दयाच्‍वनेमा।

२ कोरिन्‍थी 6:10

नुगः ख्‍वःपिं थें जूसां न्‍ह्याबलें लय्‌तायाच्‍वना। जिपिं गरीब जूसां मेपिन्‍त तःमि यानाबिया। जिमिके छुं हे मदु थें च्‍वंसां जिमिके सकतां दु।

एफिसी 2:7

झीत परमेश्‍वरं दया माया यानादी धकाः सीके बीत थथे यानादीगु खः। थ्‍व दया माया ख्रीष्‍ट येशूपाखें परमेश्‍वरं झीत न्‍ह्याबलेंया निंतिं क्‍यनादीगु दु।

एफिसी 3:19

दक्‍व ज्ञान बुद्धि स्‍वयाः नं तःधंगु वय्‌कःयागु मायायात छिमिसं थुइके फयेमा, अले वय्‌कःयागु फुक्‍क भिंगु बांलाःगु खं छिमिगु नुगः जायाच्‍वनेमा धकाः नं जिं प्रार्थना यानाच्‍वनागु दु।

एफिसी 3:8

परमेश्‍वरया चिधंम्‍ह स्‍वयाः नं अज्‍ज चिधंम्‍ह मनू जितः हे ख्रीष्‍टयागु तःजिगु भिंगु खँ यहूदीमखुपिन्‍त न्‍यंकः वनेगु ज्‍या परमेश्‍वरं लःल्‍हानादिल।

कलस्‍सी 1:24

छिमिगु निंतिं थथे दुःखसिया च्‍वने दुगुलिं जितः तसकं लय्‌ता वः। ख्रीष्‍टयागु म्‍ह मण्‍डलीयागु निंतिं फये मानिगु वय्‌कःयागु दुःख जिं थःगु म्‍हय् फयाः पूवंके।

१ तिमोथी 6:18

भिंगु ज्‍या यायेगु, भिंगु ज्‍याय् तःमि जुइगु व नुगः चक्‍कंकाः मेपिन्‍त ग्‍वाहालि यायेगु या धकाः इमित धयाब्‍यु।

हिब्रू 1:2

तर आः दक्‍वसिबय् लिपा वय्‌कः थः काय्‌पाखें झीपिंलिसें नवानादीगु दु। काय्‌यात हे वय्‌कलं फुक्‍क सृष्‍टिया हामा यायेत ल्‍ययादिल। वय्‌कःपाखें हे थ्‍व संसारयागु सृष्‍टि यानादिल।

याकूब 2:5

यःपिं दाजुकिजापिं, जिं धयागु खँ न्‍यँ – संसारय् चीमिपिन्‍त हे परमेश्‍वरं विश्‍वासय् तःमि यायेत व वय्‌कःयात माया याःपिन्‍त दुकाये धकाः धयादीगु राज्‍यय् दुकायेत ल्‍ययादीगु मखु ला?

प्रकाश 2:9

“छिमिसं कष्‍ट फयाच्‍वंगु व चीमि जुयाच्‍वंगु जिं स्‍यू। अय्‌नं छिपिं ला तःमि खः। यहूदी मखुसां यहूदी खः धकाः धया जुइपिन्‍सं छिमित मभिंका जूगु नं जिं स्‍यू। इपिं शैतान नाप मिलय् जूपिं खः।

प्रकाश 21:7

त्‍याकावइपिन्‍त थ्‍व हे अंश दइ। जि वया परमेश्‍वर जुइ, अले व जिम्‍ह काय् जुइ।

प्रकाश 3:18

उकिं छिमिसं तःमि जुइत मिइ दायातःगु लुँ, अले थःगु पचिनांगागु म्‍हया मछाः तंकेत तुयुगु लं, व मिखाय् तयेत मलम जिके न्‍या धकाः जिं सल्‍लाह बियाच्‍वना।