२ कोरिन्‍थी 8:7 - नेवाः बाइबल

⁷ छिमिके दुगु फुक्‍क खँय् छिपिं तःमि, विश्‍वास यायेगुलिइ, नवायेगुलिइ, ज्ञानय्, ग्‍वाहालि बीगुलिइ अले जिमित माया यायेगुलिइ नं। उकिं भेटी बीगुलिइ नं छिमिसं अथे याना क्‍यँ धकाः जिमिसं बिन्‍ति यानाच्‍वना।

२ कोरिन्‍थी 8:7 ပူးပေါင်းရင်းမြစ်များ

मत्ती 25:22

“अले निगू लाख दां काःम्‍ह च्‍यलं वयाः थथे धाल – ‘छिं बिया थकूगु निगू लाख दामं जिं मेगु निगू लाख दां मुंकागु दु।’

रोमी 15:14

यःपिं दाजुकिजापिं, छिपिं तसकं भिंपिं अले बुद्धिं जाःपिं जूगुलिं छम्‍हं मेम्‍हय्‌सित स्‍यनेकने याये फुगुलिं जि लुधं।

१ कोरिन्‍थी 1:5

ख्रीष्‍टयात विश्‍वास याःगुलिं छिपिं फुक्‍क खँय् तःमि जुल। छिमिके सकतां ज्ञान नं दत, अले बांलाक थुइकाः खँ नं ल्‍हाये सल।

१ कोरिन्‍थी 12:13

थथे हे झीपिं यहूदीत, यहूदीमखुपिं, दास, दासमखुपिं फुक्‍कं छम्‍ह हे पवित्र आत्‍मां बप्‍तिस्‍मा कयागुलिं छगू म्‍ह जूगु दु। अले झीपिं फुक्‍कसिके छम्‍ह हे पवित्र आत्‍मा च्‍वनादीगु दु।

१ कोरिन्‍थी 12:8

अले थ्‍व हे पवित्र आत्‍मां छम्‍हय्‌सित बुद्धि बियादीसा मेम्‍हय्‌सित ज्ञान बियादी।

१ कोरिन्‍थी 13:2

अगमवाणी कनेगु वरदान बिया तःसां, अले हानं फुक्‍क ज्ञान दुसां, फुक्‍क गुप्‍ति खँ थुइके फुसां, पहाड हे ल्‍यहें थनीगु विश्‍वास दुसां, जिके माया धयागु मदुसा जि छुं नं मखु।

१ कोरिन्‍थी 13:8

माया सदां दयाच्‍वनी। अगमवाणी कनेगु वरदान धाःसा मदयावनी। थीथी भाषां नवायेगु वरदान नं मदयावनी। ज्ञान नं मदयावनी।

१ कोरिन्‍थी 14:12

आत्‍मां बीगु वरदानयात छिमिसं यय्‌काच्‍वंगु दु। अय्‌जूगुलिं मेमेगु वरदान स्‍वयाः मण्‍डलीयात भिनिगु व बल्‍लाना वइगु वरदान कायेत कुतः या।

१ कोरिन्‍थी 4:7

छिमित सुनां मेपिं स्‍वयाः तःधं याना तल? छिमिके दुगु फुक्‍कं परमेश्‍वरं हे बियादीगु मखु ला? फुक्‍कं अथे बियातःगु जूसां ब्‍यूगु हे मखु थें यानाः छाय् छिपिं तःधंछुया जुइगु?

२ कोरिन्‍थी 7:7

तीतस वयाः जक जिपिं लय्‌तायागु मखु, छिमिसं वयात सान्‍त्‍वना बीगु खँ न्‍यनाः नं जिपिं लय्‌तायागु खः। जितः स्‍वयेत छिपिं तसकं हे आय्‌बुया च्‍वंगु, व थथे जूगु खँय् छिमिसं दुःख मन ताय्‌कूगु, अले जिगु पंलिनाः नवाना जूगु खँ न्‍यने दयाः जि झन तसकं लय्‌तायागु दु।

२ कोरिन्‍थी 8:6

तीतसं न्‍हापा हे छिमिथाय् शुरु याये धुंकूगु भिंगु ज्‍या पूवंकेत जिमिसं वयात हे छ्वयाहयागु खः।

२ कोरिन्‍थी 9:14

परमेश्‍वरं छिमित यक्‍व हे दया माया यानादीगुलिं छिमित माया यानाः छिमिगु निंतिं इमिसं प्रार्थना याइ।

२ कोरिन्‍थी 9:8

अले परमेश्‍वरं छिमित फुक्‍क कथंया आशिष अझ अप्‍वः हे बियादी। छिमित गुब्‍सं मगाःमचाः जुइ मखु। अले भिंगु ज्‍या यायेत नं छिमिके यक्‍व दइ।

एफिसी 4:29

छिमिगु म्‍हुतुं बांमलाःगु खँ पिहां मवयेमा। माःगु, भिंगु व ज्‍यूगु जक खँ ल्‍हाना जु। अले न्‍यनीपिन्‍त नं न्‍ह्याइपुसे च्‍वनी।

फिलिप्‍पी 1:11

अले परमेश्‍वरया महिमा व प्रशंसाया निंतिं येशू ख्रीष्‍टपाखें वइगु धार्मिकताया फलं छिपिं जाइ।

फिलिप्‍पी 1:9

छिमिगु माया अज्‍जं अप्‍वयावनेमा, अले छिमिसं धात्‍थेंगु भिंगु खँ छु खः धयागु दुनुगलंनिसें ध्‍वाथुइके फयेमा धकाः नं जिं प्रार्थना यानाच्‍वनागु दु।

२ थेसलोनिकी 1:3

छिमिगु विश्‍वास यक्‍व अप्‍वयावनाच्‍वंगु दु, अले छिमिसं थःथवय् माया यायेगु नं अप्‍वय्‌का हयाच्‍वंगु दु। थुकिया निंतिं परमेश्‍वरयात सुभाय् मब्‍यूसे मगाः।

२ तिमोथी 2:1

अय्‌जूगुलिं जि यःम्‍ह काय्, ख्रीष्‍ट येशूं बियादीगु दया मायां बल्‍लाका च्‍वँ।

हिब्रू 12:28

अय्‌जूगुलिं संके हे फइ मखुगु राज्‍यय् दुथ्‍याकादीगुलिं झीसं परमेश्‍वरयात सुभाय् बियाः वय्‌कःयात यइपुक तःधंकाः सेवा यायेमाः।

१ पत्रुस 1:22

सत्‍ययात मानय् याःगुलिं छिपिं आः शुद्ध जूगु दु। अय्‌जूगुलिं छिमिसं दाजुकिजापिन्‍त माया याना च्‍वँ। अज्‍जं थःथवय् दुनुगलंनिसें माया याना च्‍वँ।

२ पत्रुस 3:18

झी प्रभु व मुक्तिदाता येशू ख्रीष्‍टयागु दया माया अप्‍वः दयावनेमा। अले छिमिसं वय्‌कःयात अझ नं बांलाक म्‍हसीका वने फयेमा। वय्‌कःयागु नां आः व सदां तःधना च्‍वनेमा। आमेन।

प्रकाश 3:17

छिमिसं धाःसा ‘जि तःमिम्‍ह खः, जिके माक्‍वं सम्‍पत्ति दु, उकिं जितः छुं नं माःगु मदु’ धकाः धया जुयां छु याये? तर छिपिं तसकं हे दुःख ताया च्‍वंपिं, माया वनापुसे च्‍वंपिं, चीमिपिं, कांपिं, अले पचिनांगापिं धकाः छिमिके होश मदुनि।