२ कोरिन्‍थी 8:5 - नेवाः बाइबल

⁵ जिमिसं मतिइ तयागु स्‍वयाः नं इमिसं यक्‍व हे ग्‍वाहालि यात। न्‍हापां इमिसं थःत हे प्रभुयात देछाल, अले परमेश्‍वरया इच्‍छा कथं इमिसं थःत जिमिगु ल्‍हातय् लःल्‍हाना बिल।

२ कोरिन्‍थी 8:5 ပူးပေါင်းရင်းမြစ်များ

१ इतिहास 12:18

उबलय् हे स्‍विम्‍ह मध्‍येया नायः अमासैयात परमेश्‍वरया आत्‍मां हपाःबियादिल। अले वं थथे धाल, “हे यिशैया काय् दाऊद जिपिं छिपाखे दु। छि ताःलायेमा छितः ग्‍वाहालि ब्‍यूपिं नं ताःलायेमा, छाय्‌धाःसा छिमि परमेश्‍वरं हे छन्‍त ग्‍वाहालि यानादी।” उकिं दाऊदं इमित लसकुस यात। वं इमित सेनाया नायःत दय्‌कल।

२ इतिहास 30:12

जुजु व वया भारदारतय्‌सं परमप्रभुया वचनकथं ब्‍यूगु आज्ञा मानय् यायेत परमेश्‍वरया ल्‍हातं यहूदाया मनूतय्‌त छगू हे मन बियादिल।

२ इतिहास 30:8

थः पुर्खातय्‌सं थें छिमिसं जिद्दी याये मते। बरु परमप्रभुया न्‍ह्यःने क्‍वमिलु जुयाः वय्‌कलं न्‍ह्याबलेंया निंतिं शुद्ध यानादीगु वय्‌कःया पवित्र थासय् दुहां हुँ। परमप्रभु छिमि परमेश्‍वरया सेवा या, अले वय्‌कःया तं छिमिगुपाखें चिलावनी।

यर्मिया 31:33

“उबलय् जिं इस्राएलया घरानानापं चीत्‍यनागु बाचा थुकथं खः, जिं थःगु नियम इमिगु मनय् तयाबी अले इमिगु नुगलय् च्‍वयाबी। जि इमि परमेश्‍वर जुइ अले इपिं जिम्‍ह मनूत जुइ।

जकरिया 13:9

थ्‍व हे स्‍वब्‍वय् छब्‍व मनूतय्‌त जाँचय् यायेत मिं वहः यचुकीगु थें जिं इमित यचुके। लुँयात जाँचय् यानागु थें जिं इमित जाँचय् याये, अबलय् इमिसं जिगु नामं बिन्‍ति याइ। अले जिं इमित लिसः बी, ‘इपिं जि प्रजा खः’ धकाः जिं इमित धाये। अले इमिसं धाइ, ‘परमप्रभु जिमि परमेश्‍वर खः।’”

रोमी 12:1

यःपिं दाजुकिजापिं, थथे परमेश्‍वरयागु दया मायां यानाः वय्‌कःयात यय्‌क, पवित्र जुइक, छिमिगु जीवन वय्‌कःयात बलिकथं देछाया ब्‍यु। थथे यायेगु हे दुनुगलंनिसें सेवा यायेगु खः।

रोमी 6:13

शरीरय् च्‍वंगु छुनं म्‍हब्‍वयात छिमिसं पापी ज्‍या यायेगु ज्‍याभः याये मते। सिनाः हानं म्‍वाके धुंकूपिं मनूत जूगुलिं छिपिं थथःम्‍ह हे परमेश्‍वरं धाःथें मानय् जुयाच्‍वनेमाः। अले छिमिगु शरीरया म्‍हब्‍वत भिंगु ज्‍याखँ यायेगु ज्‍याभःकथं परमेश्‍वरयात देछाया ब्‍यु।

१ कोरिन्‍थी 1:1

परमेश्‍वरं ख्रीष्‍ट येशूयाम्‍ह प्रेरित यानातःम्‍ह पावल व झी किजा सोस्‍थेनेसपाखें

२ कोरिन्‍थी 4:5

थथे जिमिसं “जिपिं तःधं” धकाः न्‍यंकागु मखु, बरु येशू ख्रीष्‍ट “प्रभु खः” धकाः न्‍यंकागु खः। अय्‌जूगुलिं येशूयागु निंतिं जिपिं छिमि दासत थें जुयाच्‍वनागु दु।

२ कोरिन्‍थी 8:1

यःपिं दाजुकिजापिं, माकेडोनियाया थाय् थासय् च्‍वंगु मण्‍डलीयात परमेश्‍वरं दया माया यानादीगु खँ छिमित धयाच्‍वना।

१ शमूएल 1:28

अथे जुयाः जिं थ्‍वयात परमप्रभुयात हे लःल्‍हाये। थ्‍व जिवंकाछिया निंतिं परमप्रभुयाम्‍ह हे जुइ।” अले इमिसं अन परमप्रभुया आराधना यात।