२ कोरिन्‍थी 8:4 - नेवाः बाइबल

⁴ थथे भेटी बियाः इमिसं यहूदियाय् च्‍वंपिं विश्‍वासीतय्‌त ग्‍वाहालि बीगु ज्‍याय् ब्‍वति काये दयेमा धकाः तःक्‍वः मछि बिन्‍ति यात।

२ कोरिन्‍थी 8:4 ပူးပေါင်းရင်းမြစ်များ

मत्ती 10:42

जिं छिमित खःगु खँ धाये – सुनानं जिमि चेला खः धकाः दकलय् चिधंम्‍ह मनूयात तकं छगू गिलास जक लः त्‍वंकूसां वं सिरपाः कायेखनी।”

मत्ती 12:50

छाय्‌धाःसा सुनां स्‍वर्गय् च्‍वनादीम्‍ह जिमि बाःनं धाःथें याना जुइ व हे जिमि किजा, जिमि केहेँ व जिमि मां खः।”

मत्ती 25:40

“अले जुजुं इमित थथे लिसः बी – ‘जिं छिमित खःगु खँ धाये – दक्‍वसिबय् चीधिकःम्‍ह किजायात छिमिसं छु याइ, व जितः हे याःगु जुइ।’

मर्कूस 14:7

नये मखंपिं ला छिपिंनाप न्‍ह्याबलें दयाच्‍वनी, अले छिमिसं यःबलय् इमित भिंगु याये फु। तर जि न्‍ह्याबलें दइ मखु।

प्रेरित 11:29

अथे जूगुलिं अन च्‍वंपिं चेलातय्‌सं फक्‍व धिबा ल्‍हानाः यहूदियाय् च्‍वंपिं विश्‍वासीतय्‌त ग्‍वाहालि यायेगु क्‍वःछित।

प्रेरित 16:15

अले व वया छेँय् च्‍वंपिन्‍सं बप्‍तिस्‍मा काये धुंकाः वं जिमित थथे धकाः बिन्‍ति यात – “जिं प्रभुयात दुनुगलंनिसें विश्‍वास याः धकाः छिकपिन्‍सं ताय्‌कादियागु खःसा जिगु छेँय् च्‍वं झासँ।” वं थथे कर याःगुलिं जिपिं वयागु छेँय् वना।

प्रेरित 24:17

“यक्‍व दँ लिपा जि चीमिपिं दाजुकिजापिन्‍त धिबा बीत व परमेश्‍वरयात छाय्‌छी यायेत यरूशलेमय् लिहां वयागु खः।

रोमी 15:31

यहूदियाय् च्‍वंपिं विश्‍वास मयाःपिं मनूतय्‌पाखें जि बचय् जुइमा धकाः व यरूशलेमय् जिगु सेवा अन च्‍वंपिं विश्‍वासीतय्‌त ययेमा धकाः परमेश्‍वरयात प्रार्थना या।

१ कोरिन्‍थी 16:1

यहूदियाय् च्‍वंपिं परमेश्‍वरया मनूतय्‌त ग्‍वाहालि बीत भेटी कायेगु खँय् गथे जिं गलातियाय् च्‍वंगु मण्‍डलीतय्‌त धयागु खः अथे हे छिमिसं नं या।

१ कोरिन्‍थी 16:15

स्‍तिफनसया छेँयापिन्‍त ला छिमिसं म्‍ह सि हे स्‍यू। अखैयाय् दकलय् न्‍हापालाक विश्‍वासी जूपिं इपिं हे खः। इमिसं परमेश्‍वरया मनूतय्‌गु निंतिं थःत हे पानाच्‍वंगु दु।

२ कोरिन्‍थी 9:1

यहूदियाय् च्‍वंपिं विश्‍वासीतय्‌त छ्वयाहःगु ग्‍वाहालियागु खँय् जिं छिमित हानं च्‍वया च्‍वनेमाःगु मदु।

गलाती 2:10

इमिगु मण्‍डलीइ च्‍वंपिं नये मखंपिन्‍त ग्‍वाहालि यायेमाः धकाः जक इमिसं जितः धाःगु खः। थ्‍व हे ज्‍या न्‍हापांनिसें हे यायेगु जिगु मतिइ दुगु खः।

गलाती 6:10

अय्‌जूगुलिं मौका दुबलय् हे झीसं मेपिन्‍त भिंगु यानाबीमाः। अप्‍वः यानाः विश्‍वासी दाजुकिजापिन्‍त यानाबीमाः।

१ तिमोथी 5:10

बांलाःगु ज्‍या यानाः नांजाःम्‍ह, मस्‍तय्‌त ब्‍वलंकूम्‍ह, पाहांतय्‌त दुनुगलंनिसें दुकाइम्‍ह, परमेश्‍वरया मनूतय्‌त तुति सिलाः सेवा याइम्‍ह, हाःनाः मदुपिन्‍त ग्‍वाहालि याइम्‍ह व भिंगु ज्‍याय् जक मन तयाः जुइम्‍ह जूसा वयात भाःत मदय्‌ धुंकूपिं मिसातय्‌गु नांया धलखय् दुथ्‍याकूसां ज्‍यू।

हिब्रू 6:10

परमेश्‍वरं अन्‍याय यानादी मखु। छिमिसं यानाच्‍वंगु वय्‌कःयागु ज्‍या व वय्‌कःयात माया यानाच्‍वंगु खँ, अले दाजुकिजापिन्‍त ग्‍वाहालि याःगु व यानाच्‍वंगु खँ नं वय्‌कलं ल्‍वःमंकादी मखु।